SK-II 好用推薦產品

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Paris merci 好用推薦：SK-II嘅面霜不斷改版，而家介紹嘅係SKINPOWER能量精華霜。佢嘅包裝設計一直都係SK-II經典風格，一望就感受到SK-II奢華感。 精華霜嘅質地好細膩，摸上去絲滑，上面嘅時候感覺滋潤，但唔會過份厚重黏膩。對於我乾性皮膚嚟講，用完之後皮膚完全冇負擔，感覺好自在。 Keep住用一段時間之後，感受到肌膚維持有彈性同飽滿度有提升，特別係我下巴同臉部輪廓周圍，一直緊實同有彈性。整體皮膚狀態好細緻。用完面部皮膚摸上去好滑溜。 如果想改善肌膚狀態嘅女仔可以一試，成熟肌膚感受會更大💕

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Kriskirs09好用推薦：SKII 前男友面膜 點解佢叫前男友面膜？ 因為佢聲稱敷完之後係會令到前男朋友後悔，所以大時大節或者有重要嘅場合都可以用佢哋急救皮膚，令到你嘅皮膚去到最佳嘅狀態。  上網有教使用方法 第1步：面膜紙比較厚，所以建議瞓喺度敷，先敷15分鐘左右，唔好撕走面膜。 第2步：將面膜剩低嘅精華倒出嚟搽喺面上面再敷15分鐘左右。 第3步：呢步好重要將面膜除出嚟，然後將精華倒喺手上面開始幫自己面部按摩，大概5至10分鐘左右就會起擦子膠碎。 第4步：按摩完之後一定一定要用清水洗面，會發現皮膚即刻光滑咗好多。 ✨個人使用感覺： 我係根據以上嘅方法，用咗一次即刻發現毛孔好細同埋皮膚好光滑，但係第二日我係起咗幾粒小暗瘡，我個美容師話我唔係好啱酵素嘅產品，但係實際原因我都唔知道點解。 但係我男朋友同我同時間用，佢嘅使用效果就好好，第二日皮膚一樣咁光滑，所以真係應該係睇人🫠最後尾我成盒送咗俾佢用🫠🫠🫠

Kaze13579好用推薦：認真呢個男朋友面膜係咪真係傳聞中咁好呢？雖然我都用咗好多塊，不過每一次用，我都覺得乜而家仲興啲面膜咁厚㗎咩⋯ 雖然成份當然係有用，但係用緊嘅感覺真係唔好，又硬又厚又唔貼面⋯其實係咪可以研發吓比較貼面嘅質地？例如好多其他品牌面膜都做到嘅啫喱狀/絲狀/或者其他薄貼嘅設計。 如果改善到呢個部份，咁就真係好好多啦。

Camilalkw好用推薦：用神仙水已經好多枝 清瑩露呢一年先開始用 覺得太遲先買 佢配搭神仙水一齊用效果即刻好明顯 感覺皮膚好咗皮膚有彈性 保濕力夠 所以keep住早晚一定用 有時用棉抹完會見到棉上面的黃色 十分有效嘅二次清潔和去角質 超級推介同神仙水一齊用

wintonggg好用推薦：質地都係watery嘅，唔會笠，好清爽，保濕度適中，不過搭配神仙水一起用就覺得保濕度好足夠😆同埋我自己嘅皮膚係混合肌偏乾性，但局部都不時有D痘痘，例如額頭，用左都唔會敏感，面部就不時會泛紅，堅持用一排都真係feel到冇咁紅同埋皮膚冇咁暗沉，整體來講幾滿意！

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

Noel好用推薦：SK-II 的 Gentle Cleanser 由於單價比較高，所以個人對這件產品有很高期望。潔面乳呈白色膏狀，只有一粒黃豆多dd 的份量，就能起泡，泡泡多而且綿密，使用時很舒服👍用量又省，算是可以接受。而且用後清爽，沒有繃緊，我這個大乾肌用也覺得 ok❗ 缺點方面： 1️⃣ SK-II 價格比較高，我會選擇能達到差不多效果，但相對便宜的 Decorte AQ系列 2️⃣ 花香味很重，鼻敏感人士千萬留意

Kpl6be6好用推薦：質地輕柔～一粒豆份量已夠易推開～咁就唔會推出眼紋～同埋唔油膩～用完一排都冇出油脂粒～

Carol好用推薦：用咗咁多罐眼霜都唔覺有邊罐眼霜特別出名好用或者有感，不過呢罐眼霜暫時係我用過最有感嘅🥰🥰🥰其實佢幾潤身，好保濕，我自己冇去乾紋呢個需求但我覺得佢或者對乾眼會幫到手🥳🥳佢潤得嚟係吸收快仲要唔會起油脂粒嗰隻😍仲有佢去腫效果幾work，以前嘅我臨瞓前飲下嘢有時第二朝會眼腫，搽咗佢無論訓得多定少，臨瞓前有冇飲嘢眼腫方面都好咗好多😍😍起碼雙眼皮明顯番 我見佢成份仲有常見美白成分Nicotinamide，雖然我test唔出但照成份睇可以去黑眼圈或者提亮眼周☺️好似$6xx一罐，除咗貴冇缺點😘😘

Jasmine Yuen好用推薦：SK-II鑽白水凝面膜有少少貴，但優點包括: - 含有天然濃縮酵母精華,有很強的美白修護效果。用完好似塊面自帶光芒，如果第二日有重要場合，我一定會用 - 用後肌膚保持水潤彈性。 - 長期使用後能明顯感覺肌膚潤澤度和白皙度提升， 避免兩截色，我都會用埋喺頸上面

choichoi好用推薦：帶一點點香氣的乳白色液體有潤滑的質感但抹開後不會黏笠；我都把它作為急救型的精華產品，因為滲透力高且效果顯著，基本上每晚使用完翌日皮膚就立見光澤和充滿生氣

Fng好用推薦：SK2 小燈泡質地輕，唔會黐黐笠笠，搽咗聽朝起身，塊面白咗一度， 真係有效改善暗沉減黃。 我用咗兩年，每年用三支SKII，小燈泡升級咗，質地非常接近舊版，偏乳液狀精華，新版稍為更豐潤，更企身，感覺更保濕，一推開吸收極快。 新版明亮感明顯提升，有種搽完highlight 嘅效果，淨白粉嫩，減淡暗沉黃氣，皮膚有種飽滿透氣感，舒緩泛紅同改善粗糙，用完更透更滑，均勻改善色素效果更全面，仲收細毛孔。 老實講舊版用左兩年一直覺得效果都好好，估唔到新版都有驚喜。

LTYANN好用推薦：一款十分適合用來做晚霜，或者秋冬天時的面霜。 這款面霜雖然價錢有點貴，但份量十分多！ 圖中顯示所剩的份量是我用了差不多3個月的用量，可見只是用了1/4 而已～ 我是混合肌，這款塗了上面後，完全沒有笠的感覺～ 很夠保濕和鎖水，用完肌膚很柔軟～ 隔天起床不會覺得面頰乾乾的，出油量也不多，完全做到面霜「鎖水」的效果～ 至於緊緻的效果就因人而異， 覺得不會用了很短時間便會有很明顯的效果～ 個人十分喜歡這款產品

Ni好用推薦：擦起來好舒服又非常滋潤的白色乳霜 質地輕柔又豐厚 摸上臉好吸收好推勻 白天擦會稍微油 晚上睡前或冬天比較適合

Hamiii好用推薦：跟神仙水package有3塊 分上下兩塊 但同銀色一樣 面膜紙好大 紮好晒頭髮先好敷 功效我亦覺得同前男友分別唔大 敷完面我會拎黎周圍敷😂 面膜精華勁多 唔好浪費ma🤫 吸引程度周銀色差唔多 都係會買番前男友

LenaC好用推薦：係爸爸送既禮物 全效活能 3D面膜 連埋神仙水 一個package 主要成份為PITERATM 係天然萃取成份 蘊含維他命、礦物質、氨基酸等超過50種微量養分 有效調理肌膚既天然功能 面膜質地好有彈性 滲透豐富嘅精華液 敷完真係好舒服 肌膚好似重新注滿水