shu uemura 植村秀 好用推薦產品

YY好用推薦：身為shu uemura 既fans ，佢地既潔顏油一定長期備用。 依隻綠茶味係我用得最多既卸妝產品，見圖得返好少就我真係成日用！依支賣點淨化PM2.5懸浮微粒，抗氧化。同時做到落妝、洗面、護膚，3合1功效，落完妝不用再用洗面膏😛 超好用，容易乳化及清洗，摸落去卸妝油質素高，唔係平價貨質素，唔會刺激皮膚，卸得乾淨之餘保持到皮膚濕潤度🧚🏻 由於我係混合肌，我習慣再用洗要膏二次清潔，依然feel到皮膚嫩滑有彈性。不過唔知係咪真係抗氧化同對抗空污PM2.5😂 雖然市面有唔同價位嘅落妝產品，但護膚step係由清潔開始。落妝係第一步🔔一支有護膚功效嘅落妝產品會令到你皮膚最基本打好個底，相反太強清潔力嘅會破壞皮膚穩定，所以由識化妝開始到而家都長期必備呢支潔顏油 其實佢仲有好多款，粉色、紫色仲有其他，遲啲寫埋試用感。

Kelvin好用推薦：Shu uemura既潔顏油好出名，依枝係綠茶，可以抗氧化 我用4/5泵份量，乾手上面打圈按60秒時間，再加水慢慢乳化，然後洗乾淨🛁 容易乳比化妝品！一次過可以卸曬眼、面妝，好方便呀！卸妝好乾淨，塊面好嫩滑。而且卸完都唔會話皮膚太乾！ 算係幾溫和，但又乾淨嘅卸妝產品。不過唔算太平，但大支裝都幾耐用😊

格仔餅公主好用推薦：綠茶味就唔覺，佢無咩味，個質地清爽唔油，濃淡妝都卸得好乾淨，不過停左產好可惜

Sarah好用推薦：這曾經是植村秀的王牌產品，不過已經停產。用過幾年綠茶卸妝油，有輕微香味，用完之後皮膚清潔乾爽，唔會太乾。

inkitsung好用推薦：👉🏻植村秀巴西莓果潔顏凝露👈🏻 又係回購過好幾次既卸妝乳👍🏻 佢既質地係屬於半透明既乳霜 每次落妝我都係用3-4揼然係打圈洗面 落用妝後會感覺到好乾淨而且唔會覺得乾👍🏻 好溫和唔會有繃緊既感覺✔️ 用呢款卸妝我亦都無敏感同生粒粒既問題 同埋呢個莓味真係好好聞呀♥️

chymiaaa好用推薦：呢幾年成日帶住個口罩出街 用呢一隻洗面就最適合 用完之後又唔會話好乾 而且仲好滋潤 又唔會話癡粒粒咁樣 適合敏感肌嘅人用👍🏻👍🏻

Miss Sunflower 好用推薦：我第一個買嘅睫毛夾就係shu uemura的 一用就1X年 勁耐用不在話下 夾嘅孤度都好適合亞洲人眼形 唔會怕夾親自己作為shu uemura x 美少女嘅super fans 我都即刻入手左美少女版嘅睫毛夾有別普通版嘅銀色設計 換上華麗嘅金色 仲掛住隻露娜添🥰cuteeee 實用又具收藏價值‼️ 個包裝都靚到不得了😍😍

DorDor好用推薦：Shu uemura 的睫毛夾原來都好好用，可以好貼眼睫毛根部。

格仔餅公主好用推薦：膏狀上面按摩下之後會開始乳化，成個過程都幾溫和唔刺激，減少到對皮膚既刺激，卸都濃妝完全無問題，回購左第二罐

Sarah好用推薦：近年興起卸妝膏，覺得卸妝膏比卸妝油更方便。這款卸妝膏放在手心一推就會變油，不受氣温影響，方便旅行攜帶使用。佢清潔力強，亦可以順便去黑頭，推薦！

綺羅香好用推薦：因為上個月搶月光眼影失敗，轉咗去搵代購，好唔容易盼到上手，新月外殼非常之靚，表面有一層軟墊，眼影盒比較有厚度，配寶藍色顯得好高貴，加上用金色線條描繪變色後月野兔嘅經典post，單係外觀已經值得美戰迷收藏 打開一睇配色，比起另一盒永恆稜鏡易配搭好多，容易畫日常眼妝，少少飛粉，霧面乾爽順滑，珠光同亮片就濕潤顯色，特別係大亮片令我有啲驚喜，以往摸過其他牌子大亮片都係比較乾澀粗糙，而且抓皮膚力弱，上眼皮時好易跌度成塊臉都係亮片，植村秀嘅亮片就無以上嘅問題，持妝半日都仲係原來嘅位置，質量真係非常優秀 配搭產品：canmake 眼線膠筆、睫毛打底，ettusais睫毛打底，UD牛郎色眼影 #火熱新品

iliya 好用推薦：植村秀Crossover美少女戰士推出嘅呢款眼影組合梗係美戰迷嘅must收藏list之一啦！藍色嘅新月配搭金色線條，外型高貴，內含9種眼影顏色，眼影顯色度高，有些微飛粉現象！

Sarah好用推薦：五角形海綿好出名，又叫屋形海綿，方便鼻翼和下巴的轉角位上妝，極有彈性又綿密，又可吸水使用，好方便！推薦！

格仔餅公主好用推薦：好彈手同埋抓粉力強，起角嘅設計非常方便顧及到成塊面唔同嘅位置，有時佢嗰種彈性同素材真係唔係平替取代到

jaye好用推薦：呢支唇釉停產左好可惜，漸變顏色包裝有格調，一搽就好水潤感，輕輕搽一層已經有顏色，唔厚身唔黏笠但好貼服。而且個嘴唇好有透光感，好自然，想要更持色就等2-3分鐘多疊搽一至兩層，再輕輕用紙巾印一兩下，就唔會再甩色落口罩，好鐘意，會再試下shu其他唇部化妝品！

Noel好用推薦：不知道這枝唇釉已經停產了，有點可惜啊！既然已買不到，就簡單分享。唇釉顯色度高，光澤感強，很好看。美中不足係略為化學味重了小小。

mavis好用推薦：遮瑕膏好水潤透薄 適合用喺眼底遮瑕提亮 唔會突顯眼紋 會回購👍🏻

ZoeTung好用推薦：之前用嘅植村秀遮瑕筆係扭扭款（上一代） 個人覺得幾好用 所以出咗新款 都有買 今次買嘅係 5 light色 用黎遮黑眼圈岩岩好 唔會暗沉 又唔會乾 如果遮比較深色啲嘅痘印 就要多1-2 次遮瑕先遮到 不過佢仲有勁多顏色選擇 如果想遮深色啲嘅印 都可以揀其他色

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

camille好用推薦：顏色自然 ， 唔會畫到好似蠟筆小新眉。方便容易使用，顏色自然唔會俗氣。 除了價格有點貴，其他都不錯