HADA LABO 肌研 好用推薦產品

Megannn好用推薦：一直都有用肌研產品，早前去日本就補埋貨❤️ 喱枝極潤精華水真係一大救星，特別係試用完喱款 @bioderma卸妝水 之後🫣 可能喱枝卸妝水唔係好岩敏感肌既我，因為用完feel到皮膚比較乾，好繃緊，極度需要補濕⋯ （我之前用開卸妝油，但係想試吓用卸妝水，節省少少等待卸妝油乳化既時間） 所以試完之後即刻搽番喱啲勁潤既精華😍 即刻feel到皮膚充滿水分❤️ 仲要一啲都唔笠！！！ 平時夜晚臨訓前搽，係冷氣房訓左一晚，起身洗完面都唔會太乾 🫶🏻

Kitty 好用推薦：肌研特浓緊緻化妝水用後感：乾肌救星！彈潤感驚艷到拍手掌👏 講真，當初喺日本見到支肌研極潤特浓緊緻化妝水包裝寫住濃厚保濕+彈力緊緻，本住對肌研嘅信心就入手試吓。用咗一段時間，真心要同各位姊妹狂推呢支神仙化妝水！ ✨質地：濃而不膩，咕嘟咕嘟滲入肌底 一倒出嚟就知特浓唔係講笑——似稀身啫喱，流動性高但又有濃稠感！少少就夠搽全面+頸，推開時會感覺到啜住皮膚咁滲入去，10秒內完全吸收，零黏笠！試過化妝前厚敷一層，等3分鐘再上粉底，竟然冇擦膠碎，仲帶微微光澤感✨ 💦保濕力：冷氣房瞓醒都唔繃緊！ 我係混合肌，T位油兩頰幹。用呢支化妝水最驚喜係：拍完一層，面珠即刻有嘭嘭感，摸落軟熟咗！試過夜晚開住冷氣瞓，朝早起身面頰居然冇扯住嘅感覺，鎖水力拍得住精華！同舊版極潤比，呢支滋潤度升呢咗，但依然唔笠唔悶痘～ ⚡緊緻效果：輪廓線有啲料到！ 本身對化妝水緊緻冇期望，但連續用兩星期後發現：下巴同頸交界位冇之前咁懶懶閒！我每晚會配合向上按摩手法（由鎖骨推上耳仔），覺得皮膚彈性好咗，按落去啲啲聲少咗，似飲飽水嘅QQ蒟蒻～雖然唔及醫美效果，但百零蚊貨仔絕對交足功課！ ✅優點總結： ▪️沙漠肌必試：

GinGin好用推薦：依款洗面膏洗得好乾淨，而且唔會乾，用完皮膚好滑，少少份量已經起到好多泡，好抵用，一定會回購

何何好用推薦：呢支洗面膏係我細細個廿令歲開始接觸扮靚時就用，果陣面油比較多，有暗瘡，粗毛孔，而且面色不均勻，呢支洗面膏我最鐘意佢性價比好高，冇香味不敏感，有清潔力但唔乾，年輕肌用一流!宜家我都冇再用返，如果手上既洗面膏用晒，夏天既話都有可能回購呢！以為用過不下十支❤❤❤有佢有回憶

Ceccinmydin好用推薦：肌研極潤保濕水凝霜整體係清爽保濕，啱春秋用✅ - 質地係凝膠感輕乳霜，推開好水潤、延展力高 - 吸收快，唔黏笠，妝前用都唔起擦膠碎 - 日常保濕夠用，啱我呢種鍾意清爽感嘅護膚步驟 - 我自己用落，妝前當打底都貼服，減少乾紋同浮粉👌🏼 春/秋用更適合，面上保持水潤但唔笠，行穩陣保濕路線，適合混油肌用 總括嚟講感覺中規中矩，係又唔算有咩特別功效，基礎穩陣嘅保濕霜，油肌夏天用會太笠🙅🏻‍♀️

miya0730好用推薦：冷氣房用~夜晚薄薄地搽一層，第二日瞓醒塊面係滑嘅，白就冇咩感覺。 鍾意呢種介乎gel同cream之間嘅質地，容易搽，吸收都算快，有少少香味。

Fng好用推薦：肌研 光透潤血色感彈潤面膜熟齡混合肌夏日平價補光之選 肌研呢款新面膜絕對係開架黑馬！同其他平價面膜（如我的美麗日記、森田藥妝）相比，佢贏在雙重透明質酸+玫瑰精華配方，面膜紙超薄貼面，敷10分鐘已經即時提亮，暗黃肌變好氣色✨ 熟齡混合偏乾肌實測：精華液量剛好，唔會滴漏，敷後按摩吸收零黏膩。冷氣房內保濕力可維持到第二朝，面珠墩有彈潤感，但T位無負荷。持久度稍遜貴價面膜（約1-2日效果），但勝在性價比高，平日Keep住用唔肉痛～ 推薦給：✔️ 暗沉熟齡肌追求即時透亮 ✔️ 怕面膜癡立立 ✔️ 夏日想要平價日常補光！

Kpl6be6好用推薦：面膜精華呈水狀～份量足夠～#保濕 效果唔錯！用後未咁快見到提亮膚色效果～但有感肌膚更水潤柔嫩!!如果面膜材質再厚身一啲會更好～

Mo Wong好用推薦：呢款面霜見佢話特濃以為會好笠，但佢係偏水潤搽完一D都唔笠，仲要唔杰身易推開又易吸引，探完皮膚覺得滋潤夠保濕且好似有層膜係面keep住水份，但又唔會令皮膚有負擔，我成個秋冬都用佢，皮膚唔乾無甩過皮，好用。

Verna好用推薦：自從天氣變得乾燥，我的皮膚也變得非常繃繃緊。在個人護理店逛時，看到這個產品介紹是「特濃保濕」，就馬上買回家試 這面霜是白色的，沒有特別香味，因為是特濃保濕系列，所以質地也比較稠厚，但搽上面，卻很容易推開，而且一點也沒有黏膩感和焗促感，真的很讚。搽完之後，皮膚即時軟滑了和滋潤了，沒有了之前的乾燥和粗糙感 官網介紹，這產品有水解膠原蛋白、3重活性多肽和5種透明質酸，全部都是緊緻修護成份，可以緊緻提升輪廓，怪不得我用了一段時間，覺得毛孔收細了，皮膚也firm了和水潤了

Tobimak好用推薦：呢隻肌研的Aqua Mask海洋面膜（保濕）價位相當親民，適合日常補水時使用，不會有太大負擔。面膜本身無香味，對於敏感肌或不喜歡香料的人來說是一個加分位。我自己敷完之後，皮膚沒有出現泛紅或刺癢的情況，算是溫和。 保濕方面就比較普通，敷完後皮膚雖然有即時水潤感，但持久度不高，大約一兩個鐘後就回復原狀。比起一些主打深層補水的面膜，它的效果偏向表層滋潤，適合在冷氣房內短暫舒緩乾燥。 值得一提的是質地唔黏立，敷完之後不會有厚重或黏笠感。我試過晚上敷完再塗乳液，第二朝起身皮膚感覺清爽，但未至於有驚喜。 如果你係搵一款價錢合理、溫和、唔黏立又無香味的面膜作為日常保養，呢款可以一試；但如果你期望有明顯改善乾燥或提升膚質，可能要考慮其他產品了。

Kitty 好用推薦：這款肌研海洋保濕面膜真係轉季救星！✨ 每次皮膚一有啲唔妥當，我就會拎出嚟急救，敷完之後成塊面都係水潤潤，摸落去仲好軟熟😍！ 面膜紙薄得嚟又唔易爛，剪裁其實一般般，鼻頭下巴位不算太服貼，敷上臉感覺涼涼地好舒服。精華液份量啱啱好，唔會話滴滴答答搞到成身都係。 敷大概10至15分鐘之後揭落嚟，會感覺到皮膚飲飽水，之前嘅乾燥同繃緊感覺即刻舒緩哂！尤其兩頰位，原本有少少甩皮泛紅，敷完之後即刻平復返，上妝都貼服好多💫。 雖然佢冇咩好濃嘅香味，只有微微原材料嘅味道，但就係因為咁，用落反而覺得好溫和、好安心。成分入面有海洋成份精華同高保濕透明質酸，幫皮膚築起保濕屏障，鎖住水分，舒緩皮膚換季敏感不適。 總括嚟講，呢款面膜絕對係我化妝枱上面嘅常備品，性價比高，保濕效果又睇得到，但真希望剪裁可以改進下，未試過嘅姊妹不妨買盒嚟試下～

維他他好用推薦：我通常喺夜晚敷面膜，呢隻面膜敷完之後覺得好保濕，有少少提亮效果，相信長期使用可以使皮膚變得更白淨，但敷完之後記得要用保濕的產品，因為美白嘅產品通常用完會會較乾

lingbb好用推薦：價格唔算最平，但算係好保濕嘅選擇、面膜充滿化妝水，無味、無色，使用後塊面好白淨水潤，敏感肌至愛之選

flower0427好用推薦：這是我的護膚常備好物！沒了就一定會回購的那種！只要感覺皮膚要長痘痘、生暗瘡時，就會用它來濕敷！擦了就感覺安心、皮膚會恢復健康☺️ 我是大乾肌～～ 濕敷後也能感覺到肌膚彈嫩跟很滑，是很神奇的化妝水！

Sarah好用推薦：買過一枝但唔適合自己皮膚用，好刺鼻的味，用完覺得皮膚好乾，有涼涼地的感覺，唔太喜歡。

Fng好用推薦：肌研白潤美白化妝水｜秋日轉季美白 肌研呢支「白潤水」（百零蚊大大支）一直係開架人氣王，今個秋天轉季專登拎來試真啲，睇下係咪真係好用！ 質地與膚感：👍👍👍👍 (驚喜！) 倒出嚟係帶少少稠度嘅透明液體，初時驚會黏，點知一拍上臉瞬間吸收，完全零黏膩！用完皮膚係水潤柔軟嘅觸感，冇酒精唔刺激，對轉季易敏感嘅混合肌超級友好。 美白效果：🤔 (溫和派) 用咗大半支，最明顯係膚色均勻咗，嘴角同鼻翼嘅暗沉有改善，成塊面睇落冇咁「灰黃」。不過要期望用完白幾個度就諗多咗，佢屬於細水長流型，幫你維持住個亮度同透明感。 秋日保濕力：👍👍👍 (剛剛好) 香港秋天忽冷忽熱，佢嘅保濕力對混合肌來講恰到好處，兩頰夠潤，T位又唔會笠。後續疊加精華同乳液，成個保濕程序完美配合！ 總結： 一支零出錯嘅平價美白打底水！特別適合預算有限、想溫和提亮膚色嘅學生黨同護膚新手。雖然唔會帶來驚天動地嘅美白效果，但作為日常保養，絕對係誠意之作！

Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。

Fng好用推薦：極潤保濕乳液▶️混合偏乾熟齡肌嘅「基礎保濕之選」 ✨質地與保濕度： 乳液質地水潤輕薄，推開後迅速吸收，唔黏膩唔笠面，夏天用零負擔！主打「三重透明質酸」保濕，用完皮膚即時水潤柔軟，兩頰乾燥位有明顯改善，但冷氣房過夜可能唔夠持久，要疊加保濕精華。 ✨溫和與兼容性： 無香料、無色素，成分簡單溫和，敏感肌都適用！後續防曬或上妝唔會搓泥，適合日常快速保濕。不過如果皮膚極乾或熟齡肌，可能覺得「只有保濕，其他功效欠奉」。 ✨同價位比較： VS Curel潤浸保濕乳液：Curel更適合敏感泛紅肌，但極潤保濕力更強； VS 無印良品敏感肌乳液：兩者質地相似，但極潤滲透力更佳； VS Neutrogena水活保濕乳：Neutrogena更清爽，但極潤性價比更高（大支裝更抵用）。 ✨適合邊類人： 學生黨、預算有限嘅混合偏乾肌！夏天基礎保濕夠用，但熟齡肌可能要疊加抗老精華先夠全面。 總結：平穩不出錯嘅「萬年回購款」！$150有咁嘅保濕力，抵用！

A&R好用推薦：我覺得呢支比較黐粒粒，雖然都好滋潤，但係可能唔係咁適合我嘅皮膚，所以未必繼續使用。