MAYBELLINE 好用推薦產品

Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️

Tobimak好用推薦：真係做到纖長效果，妝感好自然唔會曱甴腳，而且價錢便宜。但係刷頭比較大，要用得好小心。

sammiimelda好用推薦：完全做到纖長嘅效果 但係刷頭太大 好難控制份量 好多時會查多咗變咗一噠噠 同埋夏天嘅時候會溶落眼袋

Tobimak好用推薦：呢支maybelline既睫毛膏我係在泰國旅行時購入。當時購入原因係覺得包裝靚，因為係用左時下最hit既black + pink🖤🩷 而佢顏色就有黑色同啡色可以揀，而我入手嘅就係黑色。實際用落時就發現呢支睫毛液唔太啱我，雖然啱啱化好個妝嘅時候眼睫毛係好靚，刷頭亦很大，隨便掃兩下已能夠為上眼睫毛上妝。但我平時眼睛會有少少出油，出門口唔夠三個鐘就會甩到變咗熊貓眼。

Noname 好用推薦：泰國機場買的，性價比，幾好用，唔會一舊舊，狂打喊露都不掉，易卸，另有存貨，暫不回購

黯然仙人掌好用推薦：刷頭太大，唔啱亞洲人，同埋膏體好濕好重，軟弱毛未出門就已經dup 哂，唔會再回購

Sarah好用推薦：防水又持久，但刷頭太大，好易畫過界。妝感比較誇張，可以做到好濃密眼睫毛的效果，但又好易結塊，唔太適合我，可能自己唔識用掛😖

lingbb好用推薦：- 超濃密嘅睫毛，根根分明，每條粗咗好多，做到太陽眼， 真係如人如其名嘅飛箭 - 但用耐咗枝睫毛液就好乾 - 都易卸

Domo&Tinky好用推薦：唔錯播，maybelline mascara黎講佢唔算有臭膠味。佢係benefit bad gal既平價版，唔會太濕hi到周圍係，乾既速度滿意。唯一唔好就係掃頭大好整hi倒眼皮同下眼，要小心用。另外有一點，佢掃頭係細細一支支整出黎，有點梳既效果，順住上睫毛唔會一舊舊或曱甴腳

cassleung好用推薦：細刷頭很好用 比大的刷頭好很多 現在不知道還有沒有得賣了 不過它很快會乾 所以要注意一下 還有久了會印到眼下 變熊貓🐼

Kura好用推薦：呢款睫毛膏乾得好快，開封唔係好耐成支睫毛膏就變乾曬，用完效果唔算驚艷，可以做到普通嘅翹度，唔算好值得一試嘅睫毛膏 @cosme

jellybeanyay好用推薦：一支冇用嘅睫毛液，除咗令你啲睫毛黑咗同硬咗，乜野效果都冇，持久度又唔係高