MAYBELLINE 好用推薦產品

布吶吶好用推薦：Maybelline Fit Me 遮瑕膏（色號 15 Fair）詳細測評 今次同大家深入測評 Maybelline Fit Me 遮瑕膏，重點講吓 色號 15 Fair，呢隻色號喺香港都幾多人用㗎！ 整體評價： Fit Me系列以「自然貼服」做賣點，呢支遮瑕膏係開架品牌中嘅人氣王。色號15屬於 偏象牙白嘅淺色，帶少少 粉調，非常適合 白皮至自然偏白膚色 嘅朋友用嚟 提亮 同 遮蓋輕度瑕疵。 1. 質地與妝效 · 質地： 乳液狀質地，水潤易推，唔會黐立立或好快乾。對於偏乾皮膚嚟講比較友好，唔會卡粉喺眼紋。 · 妝效： 上臉後係 自然啞緻 效果，有少少皮膚本身嘅光澤感，唔會完全死實。因為質地輕薄，所以妝感唔重。 2. 遮瑕度與用途（色號15重點分析） · 遮黑眼圈： ★★★☆☆ 因為質地水潤，用喺眼下唔會太乾。但色號15 偏淺兼帶粉調，非常適合用嚟 提亮淚溝 同 中和灰黑色黑眼圈。如果係嚴重啡色黑眼圈，可能要先用橙調校色遮瑕打底，再用呢隻提亮。 · 遮痘印/瑕疵： ★★★★☆ 遮蓋 紅色痘印、輕微泛紅 效果非常好！因為粉調可以中和紅色。遮瑕度屬中等，可以疊加。 · 提亮用途：

Chloeincosme好用推薦：因為眼下皮膚偏乾，用遮瑕膏經常卡紋，Fit Me柔滑遮瑕膏出左新色- 三文魚色，就買黎用下。整體質地輕盈水潤，推開好順滑，冬天用幾好，係搵到一支唔會令眼下乾到現皺紋嘅遮瑕～ 新三文魚色（黑眼圈嚴重嘅朋友可能會嫌佢唔夠橙）質地偏水潤 🤍 滋潤度：4.5/5 水感質地好貼服，即使用喺眼底都冇卡粉，冬天乾肌用都零負擔！ 🤍 遮瑕力：4/5 薄薄一層已經遮到7-8成黑眼圈同痘印，不過重複疊加就會有啲妝感！ 🤍 持久度：3.5/5 帶妝大半日會有少少減淡，但唔會積線或斑駁，補搽都方便～ 🤍 色號選擇：5/5 有齊冷暖調多個色階，容易揀到啱自己膚色嘅遮瑕～ 總結： Fit Me呢支遮瑕膏係平價遮瑕中嘅優等生！尤其適合眼下乾燥又需要自然遮瑕嘅人～唔知夏天嘅持久力如何？有機會回購，推薦俾所有怕厚重又追求貼服妝感嘅你！

Emily Leung好用推薦：Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Lydia好用推薦：Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨ 質地： 呢款粉底液嘅質地偏向流動性高嘅 liquid 狀， 上臉好容易推得開，唔會覺得厚重。 推勻之後好快就會變成霧面嘅 finish， 觸感偏滋潤，不過冇乜黏笠感， 對於偏油或者混合肌嚟講，呢種質地喺夏天用都幾舒服。 效果： 妝感係好自然嘅 matte look， 修飾毛孔嘅效果確實唔錯，皮膚睇落會平滑咗。 遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。 控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。 缺點： 不過呢款粉底乾得比較快，建議上妝嗰陣要分區處理，如果唔係可能會推得唔夠均勻。 另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。 總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。

Tobimak好用推薦：真係做到纖長效果，妝感好自然唔會曱甴腳，而且價錢便宜。但係刷頭比較大，要用得好小心。

sammiimelda好用推薦：完全做到纖長嘅效果 但係刷頭太大 好難控制份量 好多時會查多咗變咗一噠噠 同埋夏天嘅時候會溶落眼袋

pinky好用推薦：價錢唔貴 易畫 顯色 但油眼黎講 比較易甩 都算容易卸妝 但maybeline有咁多產品 未必會再回購眼線筆

YolandaAuYeung好用推薦：這支算是性價比高的防水眼線筆，$100以下的，價錢相宜，眼線筆毛頭柔軟幼滑、尖銳，可因應用家的力度而輕鬆做岀粗幼不同的順滑眼線，用家可按心情或穿搭打扮，自由地繪畫岀理想、顔色均勻的眼線。 這個日系版色號是Br-3，屬深棕色，能做岀自然柔和的妝效，比純黑色眼線更soft更具知性美。 防水能力亦足夠，即使岀汗或水上活動也不脫色，超讚！ #專櫃抵買好物

Tyc@@好用推薦：買咗15號色 成個系列出嘅色都幾黃 粉質中等 但因為顏色深 妝感會好厚重

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

LenaC好用推薦：多謝@cosme 透過會員活動送贈嘅Maybelline全新系列眼影盤🥰🥰 以充滿時尚紐約城市色彩嘅post card 設計🌸 包裝雖是紙盒但好實淨仲有磁石開合 包裝討喜之餘 眼影配色精心絕美 😻😻😻 而且粉質細緻貼服 搽上眼蓋好貼同埋好顯色 有齊 ✅啞緻色系@3 ✅閃爍色系@2 ✅大理石色系@2 ✅大閃片色@1 從日落色到紅粉色 色調偏向棕紅高雅系列 超級適合秋冬季 輕鬆打造百變眼妝 極具層次感 各種場合都可以大派用場： 淡淡的💼返工 吸睛顯輪廓的👠約會 👌👌👌💋 一盒在手即可輕鬆化出時尚眼妝 大愛❣️❣️❣️❣️❣️❣️ #我的秋冬愛用彩妝 #myfallcollection

粉紅寶寶好用推薦：Maybelline在化妝品種類當中算是較廉價而品質可以接受，但仍要看個別產品。 這款眼影盒的品質不夠幼細，有點難推開，很難均勻塗抹，而且個人對於有閃粉或閃片的眼影傾向反感，加上Maybelline過去曾推出過更好品質的眼影盒，所以這款只算是不過不失。 廉價眼影來說Maybelline不是強項，同類產品傾向推薦Kate。

Kura好用推薦：✨Maybelline NY P22 淡粉紅色 塑造玻璃嘴最佳選擇😗 閃粉豐盈 水潤質地 單搽令到嘴唇有潤色效果 疊加搽百搭 令到原本嘅唇色錦上添花🌼 上嘴後有光澤飽滿 可以搽多幾層都唔會覺得油膩 閃令令嘅嘴唇 很誘人😍 唯一缺點就係閃粉太多 卸妝要注意卸乾淨閃粉 比較頑固 有淡香味 帶一點啫喱嘅甜味❣️ 持久度：一般 一抹就甩不過仍然殘留閃粉 日常少女粉嫩妝搭配最佳 #maybellinehk#lipstick#makeuphk#review#ilovemakeup#hkig#cosmetics#beauty#粉嫩色#glossy#blogger#makeuplover#makeupjunkie#makeuplover#asianbeauty#zuma#顯白色#dailymakeuplook#makeuprevolution#twinkling @cosme

lingbb好用推薦：- 聲稱不脫色既唇釉，易推開， 係啞色 - 上嘴唇會有黏黏签签既感覺但又好怪唔潤？ - 痴頭髮 - 用耐咗會顯唇紋，因為唔潤 - 如果追求滋潤度就唔推薦。

A&R好用推薦：呢支有色潤唇膏係懶嘅時候用，通常放喺手袋，攞嚟補色，滋潤都OK嘅，有少少香味，如果單獨用就可能不夠，唔夠顏色，唔夠sharp ，但係用嚟補充都係一個唔錯嘅選擇

維他他好用推薦：Maybelline Baby Lip係我學生至初出社會用ge有色潤唇膏，想唇色自然d, 又唔想太實色用正式唇膏，呢支幫到你，而且仲有香味添，滋潤度亦都唔錯，學生都可以搽，價錢又唔貴，睇落面色都好D，幾好架

格仔餅公主好用推薦：而家啲唇膏越嚟越容易染唇，佢方便之處係用佢好多時出街可能你日頭用淺色啲，夜晚就想搽深色啲lipstick ,甘想轉色個個時間用佢卸左再上新色就Perfect

Hamiii好用推薦：呢黎睇落個名怪呢 但當你試過化晒成個妝 偏偏揀錯左唇膏色 又捽唔甩既時候 你就知佢有幾好用！ 輕輕一揸 搵紙巾一印 卸到8成！ 搽番個潤唇 換隻色話咁易

Noname 好用推薦：#555 好喜歡，價格便宜，素顏，淡妝也可以，我先用潤唇膏再塗 缺點：易掉，常要補塗，但也不礙事

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。