Visée 好用推薦產品

son son好用推薦：賣點：配色易carry、粉質細緻、妝效持久、CP值高 一直都覺得Visee係一個經常被人低估嘅開架品牌，用過佢唔同嘅化妝品，佢價錢唔貴，質素又唔錯，覺得佢值得俾更加多人認識！ 入手色號BR-2，顏色係偏橙啡色調，全部帶有珠光，基本上唔會點失手，絕對新手友好。佢中間嗰格係透亮底霜，幫助提亮返眼皮膚色，同時令後續眼妝更持久。附上嘅眼影掃一邊闊啲，一邊窄啲，用窄啲嗰邊嚟畫眼線就剛剛好。佢嘅粉質細緻，冇乜飛粉。夏天出去一日，個眼妝都keep到7到8成，係眼尾位置比較容易溶妝，基本上都可以接受。 佢有一格（右上角）係有大粒啲嘅閃片，用嚟點綴眼頭位置或者卧蠶位置就最啱使！ 整體嚟講，佢顏色百搭，開架品牌嘅價錢，質素又ok，值得推介！

Emily Leung好用推薦：Visee眼影｜輕柔奢華，打造去重感混血大眼 可以一次上手的OR-4珊瑚橘色， 輕柔的粉質，雖然是暖調但不腫眼皮， 中間打底色視覺擴張下垂變窄的雙眼皮， 亮片很輕，疊加後很有意思， 在社交距離下看是星星點點的心機閃， 粉質留色持久不氧化， 提升元氣+自帶好感的眼妝就選這盤。

Poyobb好用推薦：Be-2 呢款眼影是偏灰調銀底，用嘅時候先做一個打底，成個妝容會更持久，不會太閃，偏冷調的顏色✨ 依款個名叫全景立體光影眼影，感覺上係比其他款式令到眼部輪廓更加突出，可以去浮腫。

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

Emily Leung好用推薦：Visee BE3，我同佢嘅半年 舊年秋天買嘅。嗰排想搵返啲「睇落似冇化」嘅嘢，行過藥妝店見到BE3，裸米棕，唔紅唔橙，隨手試咗上手就買咗。 第一次用有啲失望，點解咁淡？掃咗三層都覺得「吓，有分別咩？」。但過咗幾個禮拜先明——佢唔係要你一眼睇出畫咗眼影，係要對眼睇落精神啲，但講唔出點解。有次同事問我「你最近係咪瞓得好咗？對眼好似亮咗」，我嗰刻先知，哦，原來就係呢種感覺。 四格色，左上角嗰格膏狀打底唔好懶，用手指捽少少上眼窩，之後啲粉貼好多，我呢種下晝眼皮會出油嘅人，有冇用打底分別好明顯。第二格掃雙眼皮位，第三格疊眼尾，最淺嗰格點眼頭，五分鐘搞掂，唔使諗。最深嗰格反而少用，唔夠深，畫眼線色唔夠力。 粉質係日系開架應有水準，幼滑、唔算飛粉、顯色度淡淡哋，啱晒朝早未瞓醒嘅我。但最淺嗰格同第二格有啲接近，用到最後可能淨低一兩格冇人吼。個盤身要彈一句：黑色鋼琴面，指模磁石，用兩日就花晒。 持妝力方面，我混合肌、眼皮唔算極油，唔用打底都頂到收工。大油眼嘅話，下晝眼尾會淡少少，帶返個盤補一補啦。 值唔值？正價百幾蚊，開架嚟講唔算平，我等減價先入手。返工黨、化妝新手、鍾意日系清淡妝嘅話，BE

布吶吶好用推薦：Visee呢款「真我裸色眼影」係日本開架人氣王，專攻自然放大眼妝。 一句總結 自然系裸色之王，粉質幼滑貼膚，適合返工返學，但顯色度偏弱，濃妝控會嫌唔夠喉。 三大優點 · 粉質極貼：唔飛粉，用手指上都暈得靚 · 配色實用：全盤都係大地色系，日日用唔會錯 · 細緻珠光：唔顯眼腫，單眼皮都啱用 三大缺點 · 顯色度低：要疊2-3層先見到色，深膚色會好似冇化 · 持妝一般：香港夏天5個鐘左右開始溶，唔夠防水 · 刷具廢：跟盒眼影棒太短，難控制，建議自備掃 買唔買？ ✅ 新手/日常淡妝/學生黨 → 買，唔會失手 ❌ 濃妝/玩色控/油眼人 → 慳返，有其他更好選擇 一句終極 自然系入門恩物，但只適合「真·裸妝」愛好者，想要存在感嘅請移步。

Also melon好用推薦：我有兩支，WT-1閃白及GD-2閃金，眼影液係透明，只係閃粉顏色不同，因此唔會影響本身嘅眼影底色，可以用嚟疊加上眼皮。佢嘅閃粉大細啱啱好，最大粒閃閃都唔會過分誇張，係嗰種好清澈嘅日系閃粉眼妝。持久到都好好，全日都hold到。 個人而言，如果用閃粉嘅話，係鍾意用眼影液多過眼影粉，粉狀好多時會溶同令到隻眼睇落好污糟。 小tips 液體設計非常方便，佢有一個面頭海綿頭，點上皮膚都舒適嘅。習慣先用海綿頭沾取眼影液，放於手背上，然後再用手指印上眼周。除咗比較衛生之外，冇咁容易弄污眼影。

Kmggigi好用推薦：Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

Fng好用推薦：VISEE 2026夏季限定「Clear Mute Eyes」四色眼影盤 BE-2 冷萃灰用後感——藍調夏日的輕透水光眼妝 ☀️ 我係熟齡混合偏乾肌，用開偏啡調嘅眼影盤，見到2026年VISEE呢個全新夏季主題「Clear Mute Eyes」就以「不以深色收斂，用柔和淡色放大雙眼」做主打，我買咗主打冷調灰米（クリアグレージュ） 嘅BE-2 冷萃灰試玩。 🧴 粉質妝效：濡れツヤ水光肌，自然放大雙眼 粉底摸落濕潤幼滑，上眼唔卡紋，透亮澤感非常高級。特別在於設計係用「清透提亮粉體」堆疊出輕透感，唔用深色收斂眼尾，眼妝望落自然放大、柔和立體。添加玻尿酸、角鯊烷等美容液成分，就算熟齡肌眼周乾都唔會顯乾紋。試過全日戴口罩、出入冷氣地方都冇積線或者眼瞼敏感。加上無香料設計，敏感肌用家安心用。 🎨 #BE-2 冷萃灰 透明感分析： 呢盤係日系獨有的「優雅灰米色系 (クールベージュ)」。 1. A色（Skin Bright Color）淺米：用手指上成個眼窩，提亮眼皮暗沉。 2. C色薄灰紫：用大掃由眼頭暈染到眼窩，低飽和度灰紫色調透出淡淡輕透感，非常適合亞洲偏黃肌膚提亮減黃氣。 3. D色灰米

TsuenMa好用推薦：🌸🌸溫柔感滿分！🌸🌸 眼妝的配色對整體氣色都好重要！最近入手咗 Visee 的 Nuance Dewy Creator 水漾光透眼影（色號：PK-3 Noble Pink），4 色配搭同上眼效果真係好有驚喜。 【產品亮點小介紹】 呢款 Nuance Dewy Creator 4 色眼影，主打「無壓隔設計」與水潤透亮感。裡面添加咗光影反射粉體與透明質酸保濕成分，抹開後呈現像晨露般清透的光澤，質地服貼又能撫平眼皮微細紋理。 【使用體驗】 ✨配色和諧：我買呢盤 PK-3 Noble Pink，4 個顏色的搭配非常和諧。想打造和諧精緻嘅眼妝，盲跟使用說明嘅方法去上色就無錯，新手完全唔怕失手或顯眼腫。😆 ✨粉質極佳：粉質非常細緻綿密、帶點濕潤感，最讚係完全不飛粉，唔會整到周圍係、整花原本化好嘅底妝！ ✨✨貼心附贈：眼影盒入面附帶支小眼影刷，有大頭同小頭設計，大頭用嚟大面積打底，小頭用嚟做眼尾加深或畫眼線，成盒吾會太大盒太重，拎出街補妝極方便。 【實測效果】 上眼真的好靚！呈現出一種很高級的自然透亮粉，眼神瞬間變得好溫柔、好有神采。而且持妝力優異，整天下來都不容易掉色或變暗沉。 【一

格仔餅公主好用推薦：我個人用手指上呢盒都已經覺得好靚，唔係好使技巧，因為佢個粉質好貼服同顯色，建議眼影新手唔想買太貴但又質素唔差既product攞嚟訓練畫眼影簡佢都唔錯

mavis好用推薦：顏色配搭都好容易用，就算係新手都唔會難畫，盒入面有埋掃，帶去旅行都好方便

LorraineTsung好用推薦：Visee既眼影我真係好鐘意💕 眼色好靚之餘仲好顯色又百搭👈🏻 而且質地好滑唔飛粉👍🏻 . 我今次入手既係 GR-7 但我相中無用到綠色！用左橙色做主色😉 感覺即刻好日系🥰又唔會顯眼腫👍🏻

Noel好用推薦：Visee 四色眼影，係個人覺得最欠買既日本開架眼影組合❗顏色組合超實用，顯色度，持久度等等既表現，都很理想，而且價格親民，非常值得推介❣ 先分享購買主因，係因為：電視廣告超級燒🔥 睇了廣告之後，就燃起必須要入手的購買慾🤣 我手上的顏色係 #PK-3 正正就係 Model色號❣ #PK-3 係偏紅既大地色系，日常翻工超好配搭，個人可以用這盒，化出2個眼妝 👌 產品本身而言，四色眼影中，最淺色，左上角有點Cream 狀，包裝上亦註明了 “glossy base” 值得一讚👍 講求快速上妝時，有了這一格做打底，就唔需要再找眼影底膏🤗 另外三色眼影均為粉質，很soft，手指或者眼影掃，都能輕易沾取眼影😍 配色方面，右上近玫瑰金色既眼影深得我❤ 無論眼尾色配暗紅色 / 深啡色，都超級襯💕 如要挑剔，就係顯色度，同歐美眼影比較，日系眼影顯色度略低一點~

Hamiii好用推薦：又幾好用 顯色度都夠 用其他色盤既淺色打個底 直接當兩個style上 跟手畫埋眼線又出得街 細細盒 份量唔算多 都幾好

mavis好用推薦：有幾款唔同嘅雙色配搭選擇，買咗兩粒比較常用嘅顏色，用落閃得來好自然，眼妝睇落更加精緻

L好用推薦：喺松本清買，$80，顏色百搭，粉質順滑，持久到尚算唔錯，顏色清透自然，可以買來練下手。

Sccan好用推薦：日本眼影盤大多係珠光同閃粉，內雙眼皮嘅我就真係唔太岩用，Visée 新推出嘅4色柔霧眼影，5個色號都偏冷帶灰感的色調，我揀左PK-4，粉得黎又偏冷酷，有齊打底色米色、灰啡色，主打色紫啡、棗紅色，可以用廣告推介嘅「Z」咁mix黎搽，整體顏色非常配合秋冬，可甜可咸又有深邃感的個性眼妝 色號：PK-4 Dusty Pink 柔和煙燻粉 效果：透明感十足，色彩柔和不浮誇，日常通勤都合適，持久度正常 質地：粉質細滑，易推，不卡粉不飛粉 缺點：色調偏冷帶灰感，不適合黃皮；保持透明感所以顯色度不高，想深色啲要重手啲 #平價彩妝

JuneL好用推薦：visee 的眼影一向都受不少人所喜愛，價格大眾化，性價比高，每盒眼影都配搭好，就算是新手，按步驟去畫都能輕易上手，眼影粉質幼滑細緻，顯色及伸延度都不錯，更附有眼影棒，好方便。

mavis好用推薦：顏色配搭好用心，比較常用嘅顏色會特別大格， 品質都幾細緻，好容易就化到一個好睇嘅眼妝