菊正宗 好用推薦產品

YYeman好用推薦：菊正宗化妝水：平價「酒粕水」之王！ 講起菊正宗呢支化妝水，真係好似發現咗平價寶藏咁！佢係用日本清酒嘅酒粕做嘅，即係用嚟整酒嘅嘢嚟護膚，聽落已經好得意～ 🌸質地： 好似稀身嘅奶水，白色濁濁地，倒出嚟好清爽。 🌸氣味： 一打開會聞到陣清淡米酒香，唔難聞，好似好天然咁！不過唔鍾意酒味嘅朋友可能要諗諗。 用法： 1. 補水唔黏膩： 拍上塊面好快吸收，保濕力唔錯，尤其夏天用，涼涼哋好舒服。 2. 平到笑！ 真係平價之選，一大支500ml，點用都唔肉赤，用嚟敷面膜、搽身都唔會心痛！ 3. 溫和去角質： 因為有清酒成分，用落覺得塊面光滑咗，有少少幫你「更新」皮膚嘅感覺。 ⚠️缺點： · 酒精含量唔低，超級敏感肌可能要試清楚先，唔係個個接受到。 · 功能主要係基礎保濕同嫩膚，唔好期望有神奇抗老美白效果。

Cy好用推薦：入手原因係呢支當時好hit，加上以佢價錢黎講佢嘅保濕力係幾出色，用量多啲攞黎濕敷全面都唔肉赤，佢係呈乳白色液狀，但用後就有少少笠，味道方面話明日本酒就真係有啲啲酒味🤣但唔會刺激皮膚，保濕效果都唔錯～性價比高完全唔需要慳住用

Julianna好用推薦：成日聽日本酒保養但未試過？呢支真係性價比高～聞落有少少酒麴味，但唔會太刺鼻。乳液質地偏水，搽開就變水感，夏天用啱啱好。保濕力唔算極強，但用嚟打底或者混精華一齊用幾perfect。用耐咗膚質會滑咗啲，好似有幫皮膚慢慢調理返。平靚正之選！

Aivlys好用推薦：一開始好意外點解呢支平價toner可以喺日本@cosme化妝水類排行前五， 直至試完之後總算明白！ 用佢可以有效軟化角質層， 幫助吸收後續嘅護膚品， 而且亦都可以滲入皮膚裡面高效補水， 用咗半支左右就開始覺得皮膚變得更透亮， 可能因為佢主打日本酒萃取物， 同大牌神仙水嘅賣點一樣！ 我非常推薦呢支toner， 不過冇畀7粒心係因為佢酒精味重， 敏感肌慎選。