The Ordinary 好用推薦產品

Sanna Cher好用推薦：產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

維他他好用推薦：呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

Bendict好用推薦：好物分享😺👍 我之前皮膚狀態好差 呢支本身只係諗住試下嘅心態去用 用左兩個多星期 每星期2次 （一星期兩次好嘞😂） 每次10分鐘內 洗完面係覺得明顯皮膚光滑咗🙀😻 堅有用 但一個星期唔可以用多過兩次 同每次用都係最多敷10分鐘 唔係會傷到角質層😂

Ceccinmydin好用推薦：The Ordinary呢支AHA 30% + BHA 2% Peeling Solution，係我其中一樣好鍾意嘅product 👍！佢堅係work，一定會回購 初初見到佢嘅質地真係有啲嚇親，係血紅色嘅，搽上臉驚嚇感十足。講到使用感，如果臉上有甩皮，啱啱支完暗瘡有傷口，係會乸同刺痛，同埋如果臉上有水唔係完全乾身，上面會有火燒咁。所以脆弱肌膚千祈唔好試。呢支嘢好鬼勁，一定要跟足指引，每次敷唔超過10分鐘就要洗走 佢係一支好高效嘅酸類去角質煥膚產品，可以去除皮膚多層角質，對付粉刺同暗瘡好有效。我係一個星期用2次，用咗一個月左右，真係覺得皮膚滑咗，膚色均勻同光澤咗。缺點就係佢真係好刺激，一定要慢慢建立皮膚耐受度，新手同敏感肌要特別小心。 但佢咁平，都值得買嚟試下，除咗面之外，敷落armpit位都唔錯😌，真係會白滑啲！用完佢之後記得要做好保濕🧴

Rosa好用推薦：質地是液體狀，感覺特別適合T字位置，特別是額頭以及下巴閉口的皮膚 我覺得感覺不會太刺激，但明顯見到閉口位置有慢慢改善，以及沒有那麼容易生暗瘡 我覺得特別適合暗瘡，有閉口或者油性肌膚皮膚使用 

羅小白好用推薦：當初係想買嚟做煥膚，但完全冇效果。 本身期望佢可以估收毛孔，同亮白嘅效果，結果我一搽上面已經feel到有種刺痛嘅感覺，咁我諗酸類應該唔多唔少都有呢種感覺，搽咗5分鐘左右就洗面，結果一洗完面真係嚇咗一跳，搽咗嘅位置出現咗紅腫，仲叫毛孔明顯粗大咗好多。 結果嗰幾日完全唔夠膽用有功能性嘅產品，直至紅腫消失為止，完全係得不償失。

Chi好用推薦：可能我之前會用杏仁酸比較勁，用呢支其實睇唔出有太大嘅效果 唔太覺得會乾但又好似會令到我皮膚容易敏感（一星期用三至四次，有做足防曬） 可能乾肌會啱用嘅，但係我唔會再買 枝野一開頭粉紅色好靚， 我後尾放得耐好似有少少變粉紅帶少少橙色咁

Aivlys好用推薦：佢嘅「外在美」可能係TO家族裡面最吸引之一， 透明磨砂玻璃樽裝住淡肉色嘅精華， 打開嚟仲有啲莓果味， 好有少女感！ 佢質地都幾水， 搽上臉後都唔會覺得有層嘢「漿住」， 使用感幾好。 雖然係主打去角質， 但我用完覺得都幾無感， 可能因為濃度比較低啩。 已回購濃度高一倍嘅版本， 準備試吓有咩唔同。 目前唔考慮回購呢支精華。