DHC 好用推薦產品

Kura好用推薦：DHC係我最鍾意嘅日系品牌之一，呢款精華真係無得頂咁好用，價錢親民，我會繼續回購

林雅詩好用推薦：很全面的防曬，價錢也十分相宜，可惜香港較難購買，只有某些日本水貨店有賣，之前在台灣已用光4-5支，又防水又控油，防曬效果好，自然的泛白（本人喜愛微微泛白可以調節我本身比較偏黃的皮膚）不會流白汗，春夏秋冬都適用的防曬

Kura好用推薦：中學時期最鍾意用嘅一款保濕水，保濕效果出眾冇負擔，質地好清爽，用完令到我嘅皮膚可以保持全日嘅保濕

Noel好用推薦：超滋潤的 DHC 化妝水，值得推介比容易敏感 + 乾性皮膚 / 單純有保濕需要的年輕朋友❗這枝 Mild lotion 印象中有2-3個版本，這個 ll 版本最為滋潤，並帶一點點米黃色。每逢秋冬天，乾性皮膚易缺水，我就會回購~ 個人選用 Mild lotion ll ，因為滋潤效果較強，同時成份簡單而安全❣化妝水包含了 8種植物精華，我就是看上了：矢車菊，迷迭香，金盞花等等，有效抗敏感，鎮靜皮膚。而且沒有添加酒精，值得加分👍 每朝作簡單潔面後，我都喜歡使用這枝化妝水。首先塗了全面，待 30秒左右，再用多一次，拍到面上。使用感覺很舒緩，化妝水很易被皮膚吸收，能夠有滲透的效果❤ 我的用量比較多，因此，很快就會用完一枝🤣 產品包裝很有貴牌的感覺，厚厚的磨砂玻璃瓶，配上粉綠色瓶蓋，設計簡單時尚。而化妝水的味道很好聞，不是花果香，而是貴價護膚品的味道，喜歡~ *比較可惜既係 DHC 離開了香港：( 不過，常常去日本 / 網購，要購買並不困難！

Fng好用推薦：DHC 納米白金銀抗氧精華面膜急救煥亮之選 面膜紙與精華液：👍👍👍👍 (貼服度高) 採用超細纖維面膜紙，厚度適中，剪裁能緊貼面形，連鼻翼位都敷得到。精華液量充足，屬清爽凝露質地，唔會滴漏，方便又衛生。 即時膚感與效果：👍👍👍👍 (清爽亮澤) 敷15分鐘後，最明顯係皮膚即時飽滿透亮咗，暗沉同黃氣有減退，毛孔睇落細緻咗。精華吸收後係啞緻乾爽，完全零黏膩，呢種膚感對混合肌嚟講喺夏天用係一大享受，後續唔洗過水都可以直接搽面霜。 抗氧持久度與性價比：🤔 (急救出色) 其納米白金銀抗氧功效，能有效對抗夏日肌膚因日曬同污染造成嘅暗沉，作為妝前或重要場合前急救，效果顯著。但保濕力對熟齡偏乾肌略嫌唔夠持久，冷氣房過夜可能仍要加強保濕。相比韓國數字面膜嘅強效修護，它更專注瞬間亮白同清爽感。 總結： 一款專攻瞬間煥亮、膚感極佳的急救型面膜。特別適合熟齡混合肌在夏日需要快速去黃氣、恢復神采時使用。雖然保濕續航力未算頂級，但其清爽零負擔的體驗與即時亮白效果，已值回票價，係同價位日系面膜中一款值得嘗試的清爽精緻之選。

Kura好用推薦：一款清爽唔油膩嘅美白精華，呢款精華嘅質地係水嘅質地，我每次用嘅份量都係幾滴搽曬全臉，會令到我嘅皮膚變得更加通透

choichoi好用推薦：集中塗抹於痘印有減淡功效，算是比較有效的一款美白精華

wingbks好用推薦：天氣突然轉涼，一轉季就返工嘅時候已經覺得咀仔有啲乾，咁啱放工又約咗朋友食飯，lunch time 忍唔住買支潤唇膏。 諗起要同朋友食飯影相，即刻揀支有顏色嘅潤唇膏💄！ 見到DHC 就覺得點都唔會差，又唔貴即買，搽完唔會好黏住，夠潤，顏色唔浮誇，想顯色啲搽多幾下，係換季時幾抵買嘅潤唇膏。

Fish Tse好用推薦：本身DHC有多款護唇膏可以選擇，但我最私心都係熱愛哩一款，因為我嘴唇係會勁甩皮既，所以一般滋潤道唔夠既唇膏係滿足唔到我 當中有多種植物花萃、蘆薈精華同朝鮮人參等成分具保濕、舒緩、預防肌膚粗糙等功效，通常我會順住唇既紋搽即係打直搽，瞬間會覺得個嘴唇變得滋潤 由其係哩排天氣真係非常之乾燥，所以嘴唇變得更易甩皮，但搽左之後明顯改善左哩個狀況

Hamiii好用推薦：長期回購面膜之一 日本面膜剪裁都比較細張，幾岩我用👍🏻 呢款面膜紙比較厚身，功效亦比較單一，係隻純保濕既面膜，滿滿既保濕精華，咩肌膚狀態都用得❤️ 呢個價位，盲入啦👍🏻

Tiffany好用推薦：典型嘅日本面膜，面膜紙比較厚，精華液好多亦都比較潤身，好滋潤，敷完有亮白感。

Kitty 好用推薦：前排成日覺得個人好攰，朝早極難起身，返工一過兩三點就開始釣魚🐟，加上成日壓力大情緒唔穩定，下巴仲爆幾粒大暗瘡😭。見人講食B群可以增強體力精神好啲，見DHC價錢唔貴，所以買咗包試吓～💪 最驚人哋食保健品啲丸大大粒好難吞，呢款係細細粒嘅藥丸形狀，顏色係橙黃色🍊，配水一啪就吞咗，完全唔會啃親。藥丸壓得幾實，不過要小心保存，如果壓爛咗食落會苦苦酸酸哋🤢。 我通常朝早飯後啪兩粒配大量水，因為入面有B6、B3、B12可以安定情緒同穩定神經，夜晚食有機會會失眠😴。食咗大概一個禮拜左右，最明顯嘅感覺係食完後精神狀態好咗，朝早起身冇咁痛苦，下晝都唔會咁快攰👏。到夜晚工作仲可以保持思緒清晰，長時間做嘢都冇咁易分心✨。另外皮膚有冇變好就暫時唔太覺，但下巴啲暗瘡確實少咗，上網睇原來B2同B6對皮膚都好重要。 呢款B群係水溶性維他命💧，身體吸收唔到嘅會跟小便排出。食完之後每次去洗手間都會見到啲尿好黃，初頭嚇親，其實係正常現象嚟㗎！表示排走咗多餘嘅B雜～ 不過都要留意返⚠️，網上有啲人話持續服用先會見效，有啲人覺得一停藥個人就好快攰返，因為身體只係輔助，唔會改變體質，所以我覺得係需要持續食先有效嘅輔助品💁🏻

葉子🍃好用推薦：因為夜訓、鐘意食熱氣野，自己好容易生痱滋，有次同事推介我食B群，之後一路都有補貨，每日2粒，橙色圓粒狀，食完有助修復黏膜，加快康復，不用搽藥係個口甘麻煩，又怕食埋d藥膏，另外維他命B仲可以美肌、增強活力，無甘疲倦

oy 好用推薦：DHC呢隻卸妝油好經典😆相信好多人都試過 佢主打係橄欖油成分，顏色係淡黃色嘅，質地少少厚身同油，嗰陣味淡淡哋個人都幾鍾意。第一次用嘅時候比佢嘅卸妝力驚艷到，只要乾手乾面按摩佢，啲妝即刻溶晒出嚟 而且佢乳化速度好快，一掂水就好快變乳白色，沖完水之後感覺好乾淨，毛孔望落都好乾淨，冇殘留感，用佢按摩鼻翼，感覺黑頭粉刺少咗 不過因為佢清潔力強，洗完可能會覺得有少少乾，油肌會好鍾意，但係唔知會唔會焗暗瘡，同埋如果整入眼，會有啲澀眼 清潔力：⭐️⭐️⭐️⭐️ 溫和度：⭐️⭐️⭐️ 味道：⭐️⭐️⭐️ 價錢：⭐️⭐️⭐️ 推薦度：⭐️⭐️⭐️⭐️

Kmggigi好用推薦：DHC VC毛孔淨緻卸妝油 — 溫和高效，乾肌秋冬必備✨ 質地: 呢款卸妝油採用橄欖油做基底，質地比較油潤， 使用時非常溫和，對肌膚完全無刺激感， 就算我係敏感肌都可以安心使用， 唔會引起任何敏感情況。 效果: 卸妝力非常出色， 不論係濃妝定防水彩妝都可以輕鬆卸乾淨， 徹底清潔毛孔，令肌膚保持清爽乾淨。 由於質地偏油潤，需用清水多次清潔先可以完全乳化乾淨。 但用完後肌膚不會繃緊，感覺非常滋潤， 特別適合乾肌喺秋冬天使用，既保濕又有效清潔。 總結：高效溫和，乾肌的完美卸妝油 DHC VC毛孔淨緻卸妝油以溫和橄欖油基底同高效卸妝力，為肌膚提供徹底清潔同時保持滋潤感。 對乾肌用家尤其友好，秋冬天使用就更加適合， 係一款值得入手嘅卸妝好物！✨