滋潤 推薦好用產品

Star好用推薦：有幸收到@COSME LAURA MERCIER新產品的試用，超感謝～ 今次收到有兩款霧面唇膏。 第一次拿上手，LM唇膏手感相對實在，而唇膏管和蓋亦分別有磁石扣實，所以完全不用擔心蓋唔緊的情況。另外，一打開唇膏還會聞到一點花香的味道，這些細節位值得加分！兩款色號分別為 168 Matte Pink Chiffon 520 Matte Scarlet Velvet圖中是把唇膏來回抺在手臂三至四次的顯色度。由於顯色度高，單擦一層也能遮蓋掉我原有較暗沉的唇色，所以請留意薄擦和厚擦這款唇膏會有不同感覺呢～ Pink Chiffon 是帶有奶茶感的土棕色調，祼色系列比較適合用於日常和上班淡妝時使用，給人精神俐落的感覺。而Scarlet Velvet是屬於偏冷紅的莓果色調，妝感相對較重。皮膚較為白𠵍的女生使用後更顯白，或適合用於約會等場合，可愛得來有帶點氣勢。霧面唇膏的基本問題，通常是因太乾而令到唇紋十分突出。但LM的唇膏在這方面算是做得不俗，質地絲滑易推，不會卡著在紋唇上，輕薄得來更沒有黏膩感。如屬於乾唇的女生或冬天天氣比較乾燥時，建議使用前要用潤唇膏等保養好唇部狀態再使用比較好。 在持

YiN好用推薦：平日我買唇膏傾向會買潤澤型，今次有機會嘗試呢款Laura Mercier嘅 幻魅柔霧鎖水唇膏，覺得幾新鮮。收到嘅色號係 888 Coral Velour 同埋 520 Scarlet Velvet。 外殼採用磁吸式，係有少許重量嘅質感包裝，全鏡面要注意容易印指紋。手臂試色效果係咁。上面係520，下面係888。 520係偏冷調帶紫嘅紅色，888係有少許螢光感嘅珊瑚色。 以下係我少少用後感。 ✅ 色澤濃郁高顯色度 用落最大感受係極高顯色度，輕易遮蓋原身唇色。我本身唇色不算深，但相比一向用嘅潤澤型唇膏，呢款幻魅柔霧鎖水唇膏一搽基本上已經可以達到膏體嘅顏色，唔需要重覆疊加。呢個優點相信對本身唇色暗沉，或者唇色淡存在感薄弱，都有唔錯嘅修飾效果，同時都適合想將重點放喺唇妝嘅妝容。 因為我日常多化淡妝，有時唔想唇色咁實，使用嘅時候我會將唇膏直接塗搽喺唇中，再用唇掃blend開邊界做花瓣唇妝。效果可以見下圖。✅保濕鎖水 霧面唇膏一向對本身唇部狀況嘅要求都比較高，我本身嘴唇比較易乾有死皮，上圖都可以見到我偷懶只搽潤唇膏出嚟嘅效果會係點。呢枝幻魅柔霧鎖水唇膏，以我少數使用霧面唇膏嘅經驗黎講，保濕效果已經算

Noel好用推薦：Vaseline 的身體護理產品，一向品質好又價格實惠，這枝 Intensive care advanced repair body lotion 屬於比較 rich 的級別，滋潤效果強而且就效❣因為它屬於同系列中最 rich 的質感，所以比較適合秋風起至冬天使用，春天天氣潮濕，我就不會用它了。 基本上這一瓶 400ml 足夠我和先生一起用兩季，沒有添加香料，便宜又大碗❗我主要針對雙手，手㬹，膝蓋及小腿等部位，並且喜歡沖涼後使用。滋潤效果很好，皮膚感覺潤澤，乾燥引致的痕癢也大大減少👍不過，使用後會有點膩感，如果介意這種膚感的朋友，宜先去百貨店試用。

羅小白好用推薦：基本上每次過敏都會用嘅潤膚露，仲要係冇香料保濕度又高，用完之後明顯感受到皮膚舒服咗好多，冇咁乾，秋冬用嘅話保濕度都好夠，皮膚摸落去都係軟腍腍，本身皮膚有過敏情況，建議買一支

Ko好用推薦：延展性幾高 一搽上面就會有光澤 少少反光提亮嘅效果 可以溝埋粉底液用，會令到個妝更加透薄 有少少香味 如果敏感嘅日子搽上面會有少少揦但冇特別泛紅 所以可以接受 缺點係好難攞啲product 個樽好奇怪 攞完第一下 一定要搖一下個樽先至會攞到第二下 如果唔係絕對會滴唔出任何嘢lol

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

mssylviaa好用推薦：第一次用SUQQU嘅產品，揀咗胭脂入手 日本嘅專櫃姐姐俾咗幾隻色我試，有特別提到6號色嘅漸變色可以多啲用法，可以撈埋嚟掃營造均勻嘅胭脂色，單用最淺色嗰邊亦可以用嚟做highlight 胭脂盒好薄，盒入面附送一個細掃，出街用都好方便。啲粉好滑，上一層已經好上色，係櫻花妹嘅淡粉紅，伴侶大讚出色，話有令人心動嘅感覺😝個妝化咗一日都keep到～ SUQQU不愧為日本必買嘅化妝品，我已經諗好下次要試埋佢嘅皇牌粉底！😬

zetalhc好用推薦：漸變嘅腮紅粉可以好容易就做到漸變嘅效果，妝感好自然，可以增加例如血色感，最重要係呢個牌子嘅化妝品甚少會刺激皮膚

mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。

mandy好用推薦：Dior Forever Skin Correct 24H Wear Caring Full Coverage Creamy Concealer 恆久貼肌修飾遮瑕膏 #1N (Neutral中性色) $ 390 今次介紹的Dior恆久貼肌修飾遮瑕膏 雖然名氣不及其他名品遮瑕膏， 但卻是我很愛的遮瑕膏， 所以很感謝Dior讓我終於找到適合自己的concealer。 尤其是恆久貼肌修飾遮瑕膏可以針對我的黑眼圈， 一面遮蓋眼圈(令雙眼不再顯疲累，雙目更有神)， 一面也可遮掉毛孔，而且使用感輕盈舒適不厚重。 質地有點像粉底液，延展性十分好，可輕易推開， 除了遮瑕，也可以提亮及隱藏毛孔，完妝效果很是自然持久， 還添加了一些保濕及抗衰老等護膚成分， 恆久貼肌修飾遮瑕膏就是好用。 唯一的小麻煩是要請品牌BA代為專業選色唷 (最好請即場示範遮黑眼圈)，否則選了不適合的色系就很浪費了。 含保濕成分: 甘油, 戊二醇, 丁二醇, 卵燐脂, 氫氧化鋁 及 辛乙二醇 抗衰老成分: 甘油, 維他命E 及 歐蓍草萃取 控油成分: 矽石 及 氫氧化鋁 抗氧化成分: 卵燐脂, 維他

Woy好用推薦：質地清爽似水 但面部某D位會有輕微刺痛感 暫時用咗大約一個月 膚質變得更細緻明亮 啲痘印都淡咗

Lilyscl好用推薦：用左佢之後再用其他護膚品，真係會吸收得好好多。塊面都即刻白滑左。

dandan好用推薦：❤️好感謝@cosme 抽中我可以試用我地香港本地品牌護膚品 . 近年來越來越流行Clean Beauty，自己都自購左好多外國品牌. 但有時D質地真系 🙈 想要保濕滋潤 難免就會"漿糊感", 但今次YHKCARE 尼3支cream令我眼前一亮 😍🤩 密羅木抗敏滋潤保濕霜 亞麻籽抗敏滋潤保濕霜 苦橙花抗敏滋潤保濕霜 首先我膚質 乾性肌膚 小小敏感. 💖因為都會定期出去做下pico療程 所以皮膚都經常會處於極度缺水狀態🙈😅 療程後只能用單純補水產品 . 而3支cream真系純天然 令我用得好安心.及時可以幫我舒緩敏感泛紅的臉頰.質地系乳霜 有存在感 但過一陣就會吸收啦.皮膚狀況保水，光澤😍🤭 第二日照鏡都覺得自己塊面好令🤣 但不是油膩的！ 💖驚喜點仲有連我bb有輕微濕疹 我都會比他用來舒緩痕癢 補水滋潤！起碼我見他真系少左R自己濕疹位置😉 💖真空包裝 扭一扭 方便又衛生👍 希望本地品牌YHKCARE可以繼續研發尼類型甘好用又性價比高的產品 😇❤️💪 💕之後用完會自購啊！ 😍

kkkelda好用推薦：好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️ 苦橙花抗敏滋潤保濕霜係三枝入面唯一一枝聞到有淡淡花香味，因為當中加入左天然苦橙花精油，但味道好舒服，好自然！用上面之後唔會再聞到，但對味精比較敏感嘅Sis可能要去專門店試左先。 個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!! 唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。 個人覺得佢做到滋潤肌膚，恢復皮膚光澤，但呢兩點可能對30歲或以下效果比較明顯，抗敏方面我覺得無亞麻籽抗敏滋潤保濕霜咁快睇到個效果，但係皮膚無乜問題，想搵枝平平地一年四季可以用到既面霜，佢絕對係性價比高👍🏻👍🏻 完全冇諗過香港有啲咁正嘅護膚品，之

Yuki好用推薦：玻璃樽身 瓶口剛好 容易倒出適當份量活性水凝啫喱質感 流動延展性高 每次用4滴倒係手 輕按上面好快吸收 但對於乾肌泥講 修護液有d雞肋 不論春夏秋冬用 都唔係太保濕 只係感覺有d野搽左係面 近排去開專門店同BA講起 佢有教個方法可以加強保濕 就係4滴修護液加2泵保濕乳液 撈勻搽上面吸收後再加面霜 哩個方法係有改善到加強左保濕 但要額外買多一件產品去輔助 咁可能直接買支保濕精華仲好 或者揀另一款肌底液可能更加直接仲有2支30ml未用 已經轉送屋企人 產地：日本/美國/英國/德國 *每個批次都唔同 購入日期：2024-08-12 購入方式：La Mer website 原價：HKD1040/100ml (HKD10.4/ml) 回購：0/10

Candy Ng好用推薦：近期天氣寒冷，頂受不了皮膚的乾旱，臉上的細紋及不上妝情況明顯，受不網紅推介，我終於忍痛買了它來試🙈 之前覺得大家講它有幾好，幾滋潤，幾修復肌膚，我都持懷疑的心態，用完我真係明白。 尤其有鼻敏感，到冬天，整天流鼻水，令到鼻子甩皮，用左濕敷10~15分鐘，再搽護膚品，及上妝。真是會令肌膚更加容易抓實粉底💗 明顯的位置是鼻翼位置🤭

Tachoi好用推薦：透明的支裝設計可清楚見到精華的份量，精華質地呈透明流質液體狀，很清爽水潤，最重要是不黏膩，輕輕推開就能滲透至肌底。 用咗呢隻精華之後發覺都幾清爽，而且戴住口罩都唔會覺得好悶焗，用面油紙印都唔油唔黐吖。 右面搽上精華後，明顯地很水潤飽滿；與左面相比肌膚較乾，而且膚色較黯黑，用咗一個星期後跟發現秒速提升水潤光澤感，功效全面好用，而且水潤清爽而不黏笠，很適合現在那麼濕熱的夏日使用，性價比這麼高的精華一定要推薦大家使用！

Ming好用推薦：L’Oréal 呢支新嘅花蜜精華液，估唔到效果令人滿意，早晚洗完面後化妝前搽，搽上皮膚都算好吸收，精華質地唔會太杰身，唔會太稀，這款精華可以日日用，令到皮膚keep住水潤保濕。可以補充再生肌膚膠原，用完一支後皮膚明顯感覺更有彈性，會繼續用第二支。

Water好用推薦：超容易推開，小小份量已經足夠揸哂兩隻眼，滋潤得黎唔笠唔會生粒粒，但改善細紋效果唔算明顯。小貴，有其他更好選擇。

Kura好用推薦：效果出眾嘅眼霜，咁多款眼霜入面，呢款算係最出色，佢嘅質地係偏厚身嘅cream狀，都好容易推開，需要按摩兩分鐘先會完全吸收，一d都唔油膩，同埋保濕效果出眾，用完細紋有減淡小小，香味係有小小草本植物嘅味道，幾好聞，好適合俾25歲嘅輕熟女肌膚用，價錢就感覺偏貴小小，不過都值得入手，產地係法國，我眼周皮膚偏乾，都可以有改善 @cosme

Noel好用推薦：肌研產品，相信不少港女會用作護膚入門品牌，價格相宜，品質有保證，更是日本製造❗購物時獲得了肌研新產品：糀潤系列▪︎肌研糀潤雪凝霜✔ 這個系列挺值得推介，因為產品都不添加香料、色素、礦物油，可以安心選用❗雪凝霜呈白色，沒有流動性，帶點糊狀，質感比較少見。雖然質地比較厚，但是也不難推開，不需要特別 warm up 就可以均勻地塗到全面👍 用了一星期左右，滋潤感覺很好，沒有刺激或敏感，乾肌朋友不妨試試！ #火熱新品

橘子貓好用推薦：商店購物滿額的贈品。 雪凝霜質地有點像慕絲乳霜，摸着輕盈又帶水潤感，我好喜歡它彈手的質感，每次取用都忍不住輕輕按幾下。 現在三月乍暖還寒的天氣，很適合兩頰偏乾的我用作早上的面霜，抹後皮膚即時變得柔軟。保濕之餘，後續上妝也不會起屑或有負擔感。膚感很好，相信香港天氣變暖也很適合用作晚霜。 面霜當中主要保濕成分有角鯊烷、水解大米蛋白，以及大米中提取的維他命、氨基酸、礦物質等，亦都不添加香料、色素，整體配方溫和，就算有酒精添加量也很微量，可以安心使用。 #火熱新品 #BA照

cynthia_snow好用推薦：見到以下張相，就知道本人係Nivea重度使用者~上年去台灣旅行，都買左一啲當時香港無見過嘅Nivea產品，包括Derma Care科研系列。不過當時淨係買到紫色邊嘅PHA煥膚柔嫩奇肌雙管精萃凝乳(已經用晒！)。 今次有機會試埋同一系列另外兩款產品，分別係藍邊嘅舒敏修護雙管精萃凝乳，以及綠邊嘅VC淨白透亮奇肌雙管精萃凝乳，以下會集中講綠邊VC淨白款。 Nivea Derma Care科研系列同一般body lotion好唔同，採用類似牙膏嘅唧唧包裝，入面分左內、外兩層。外面個層係透明嘅精華液，成份包括透明質酸、海藻糖、維他命B5，幫助皮膚長時間保濕；而內層就係白色嘅精華級嘅body lotion，其中綠邊VC淨白款，內層成分有維他命B3、C等，幫助改善暗沉、防止黑色素形成。 使用前要留意，產品背面有一個官方建議嘅「最佳按壓位置」，只要撳住呢個位，就可以好均勻地唧到內外兩層嘅精華液出嚟。 不過唧裝嘅缺點，就係用左大部分之後，就只可以逐少逐少咇出嚟，唔匀旬之餘，又可能咇到四圍都係。所以我會另外搵一個空瓶，直接將雙管精萃凝乳唧落去再混合，取用時更加方便。 藍邊舒護、綠邊VC淨白款各有功效

Yvonne好用推薦：感謝 @cosme 抽中試用 NIVEA DERMA CARE 科研系列 -  淨白透亮奇肌雙管精萃凝乳。對於身體的皮膚比較白淨曬唔黑之外，其實一直困擾我嘅係手臂的暗瘡印痘印同埋大腿內側的暗沉色素😖😖所以今次好期待使用NIVEA嘅新產品後肌膚痘印及色素問題能夠得以改善，以下係小小使用後的用後感和心得分享～ ⭐️包裝：好欣賞NIVEA新產品的雙管設計，不得不讚包裝上會顯示「最佳按壓位置」，令我可以輕鬆取出修護保濕精華+美白精華的1:1份量！ 🫶🏻小小使用心得：如果按壓管身頂部位置，就會有比較多美白精華；按壓管身底部位置，就會得到較多修護保濕精華，用家可以按自己的肌膚需求同埋狀態而選取最適合的份量～～ 上：管頂；中：最佳按壓位置；下：管底 ⭐️氣味：清新舒服，唔會太濃 ⭐️質地：十分清爽的啫喱狀，好適合夏天使用，亦都好快吸收～ 使用前，上手臂位置的痘印同粒粒比較嚴重，黑色素沉澱😣 使用後，皮膚好保濕，但亮白效果不算明顯 ⭐️整體用後感覺：產品最大的優點係雙管芯設計，可以按肌膚的狀態和需要去調整修護保濕/美白精華的份量；而且吸收得好快，完全唔笠，臨瞓前搽晒喺手臂同雙腿都唔會痴床單同

Loso 好用推薦：今次從@cosme得到試用產品。 我從收到至寫評論時已試用10天左右，我已有不錯的感受。本人皮膚易紅，屬乾敏肌，毛孔粗大。 當收到Greenvines試用品時, 上手試時非常易吸收，亦有一種植物的清新，不是太濃烈。 根據產品說明，泵兩次活萃三日修護精華，加兩滴綠色海洋精華油。令人意想不到的是，精華是屬於黏稠一類， 而精華油是十分順滑的。上面時，吸收能力比手背差，要按壓差不多10秒才吸引完成，另外，精華油雖然不屬於黏笠，但面上仍有油光感。以下是我試用的表現。 第一天試用前第三天 皮膚變得乾同脫皮第七天試到第三日，我皮膚脫皮後，可能我皮膚太乾，我改變了用法，先用兩泵精華，吸收哂後才用兩泵精華加兩油精華油，漸漸皮膚適應後，可以見到皮膚更透亮，毛孔都有改善。 總括而言，從價格上說，活萃三日修護精華及綠色海洋精華油都值該價格。質感上並不黏笠但不至於非常清爽，因為始終有油。 另外，我試用了十天，效果都明顯，我很滿意。

Ariel好用推薦：綠藤生機試用活動～ 感謝cosme抽中我試用「活萃三日修護精華」同「綠色海洋精華油」！ 我係混合偏乾敏感肌，超易泛紅，面頰好乾但T zone位好易出油🤦🏻‍♀️所以需要好保濕嘅skin care，但抗拒較笠嘅產品。 佢包裝幾精美，係滴嘴設計，方便計使用分量～ 精華油氣味好天然，質地好易推，兩者感覺好滋潤，水精神好易推開，而油精華感覺滋潤得黎但唔會太油膩，夏天都可以使用！ 今次試用，我採用咗官方推介嘅「荷包蛋保養法」，即係1滴水精華+2滴油精華，喺手心混合後再搽上面～主力都係搽面頰位，T zone位會輕輕帶過 我試用咗兩個星期，本身以為用精華油會好難吸收，但佢又唔會！感覺係夠保濕滋潤，化妝都冇咁易甩，而且皮膚感覺冇咁粗糙、緊緻咗，亦都冇咁暗沉。 我冇出現敏感情況，整體幾滿意，加上成份天然，品牌口碑都唔錯，大家可以試試～

Gemlike好用推薦：首先多謝@cosme 抽中做試用體驗。 這個冬天原本覺得不冷也不太乾，怎料一個寒流下來天氣又冷又乾。 剛好收到freeplus 的雙效平衡能露。 介紹說它有完美黃金水8:油2比例,結合了肌源精華液及能量精粹油,保濕、修護、彈潤與緊緻都能一瓶完成。 我天天有上妝習慣，而且早上沒有太多時間等護膚品吸收。 所以這瓶肌能露會在夜晚使用。 它的質地很清爽、不黏膩。 推勻後,非常易於滲透。 沒有特別香味，應該是這品牌的概念 「不含防腐劑、表面活性劑、酒精、香料、色素等添加物」❤️ 令各位姊妹都用得安心放心! 天氣潮濕的時候，洗完臉後我只用化妝水，然後再用這瓶肌能露就已可以完成護膚步驟。 簡單快捷! 天氣一轉，突然變得乾燥，我就在肌能露後加入乳霜。就算轉天氣都很溫和平衡水潤感，不會刺激皮膚。 這是10天連續使用後的效果，可以keep 到滋潤，改善乾燥的細紋, 好驚喜! 鼻頭也變得不易出油! 上妝時更貼服. 先看未使用前的皮膚(我是熟齡肌了) 咀角有乾燥細紋... 使用10天後， 咀角不乾燥了! 8水:2油的黃金比例! 用前先搖晃均勻。

Yeeting 好用推薦：一用就愛上😍 最近freeplus推出左新產品「雙效平衡肌能露」 ❤️喜歡「它」質地輕盈，滋潤得嚟但又唔會黐立立。而且皮膚好快吸收。 「雙效平衡肌能露」以水8：油2嘅黃金比例， 有效改善肌膚屏障，維持水油平衡。 所以即使沒有用化妝水、精華液和乳霜，也能為肌膚提供修護、緊緻效果。 沒有上妝時，我會喺早晚洗臉後，將平衡肌能露搽上面，再用按摩嘅手法，將油慢慢滲透落皮膚，臉部皮膚更有光澤同滋潤。（想效果加強，可用面部導入儀加強吸收效果。 ）

Gloria好用推薦：好開心可以得到Cosme X 毛孔護理專家Benefit PORE CARE毛孔護理系列，緊致毛孔睡眠面膜嘅試用佢質感似膠水，等30分鐘就會吸收咗，唔會黏立立。 佢有酸成分，好似AHA,PHA,性質溫和，但如果面上有傷口的話，接觸時會有啲吉吉地痛一下。 我平時會用有酸嘅成份的洗面乳和精華，試用期間，我加上呢個有酸成分嘅面膜，除左傷口位會痛一下，沒有任何敏感不適。第一次用嘅時候，瞓醒潔面之後，真係覺得塊面摸落去係非常之滑嘅。 因為只係試用咗兩星期，根據佢個使用方法每個禮拜用三次，所以暫時又唔係特別覺得毛孔係有好明顯嘅變化，但係摸落去呢又覺得係滑咗啲，雖然相唔係好明顯。反而係下巴暗粒，用咗呢個系列就發覺平時閉口嘅暗粒，入面啲污糟嘢就浮晒出嚟，變到可以清潔乾淨咗。 呢一隻緊致毛孔睡眠面膜，因為有酸嘅成份呢，所以佢建議使用嘅時候需要同滑溜毛孔去角質粉分開用，亦需要相隔耐啲嘅時間同埋佢又會建議加強保濕啦，用慣用嘅面霜為皮膚保濕鎖水。 但我一向都有用開酸性嘅產品有美白有淡斑，本身皮膚耐受性比較高，所以試用期間，我繼續用我自己嘅產品，覺得佢係好溫和，冇任何不適。

橘子貓好用推薦：The Pore Fessional Shrink Warp Overnight AHA+PHA Pore Treatment 多謝@cosme 和Benefit 抽中我試用！今次三款毛孔護理系列的產品之中，我最最最喜歡這款睡眠面膜！ 膚感好，啫喱狀的overnight面膜，不像一般酸類面霜或精華會很黏笠，泛油光，Benefit的塗上臉等約20分鐘已經差不多吸收了，不會黏頭髮和枕巾。塗上臉也不會感覺拮拮的，一點都不刺激，比較溫和，我連塗比較易過敏的顴骨位置也沒問題。 連續用了三天，已經感覺皮膚變得光滑。休息3天後，再連着用了4、5天，下巴的暗粒明顯減少，連生理期前的痘痘也長少了，就算有谷暗瘡，厚塗Overnight Treatment，第二天早上就會㓔。 試用裝我只餘下一片了，想購入正裝，原來香港Benefit還未上市這款產品！！！快上市吧！很想繼續用這款護膚品！ 後記19/04/24: 在Benefit門市買到了！BA說上星期已有現貨啦，只是官網和Sephora沒更新。越用越喜歡這款面膜，一般非BHA的酸類產品在我T位效果真的不明顯，因為我油皮位置真的很油，角質又厚。但

lepetitblanc好用推薦：多謝@cosme同Sofina抽中使用Sofina IP Basic care系列 一早聽過呢個名，但係未用過 Night treatment cream 成日講我哋塊面總共有兩萬幾個毛孔 最基本一定要做到保濕 夜晚嚟到最後一步嘅Step3 搽面霜，貨裝係3個月分量😍 佢原來加咗最高濃度嘅角質層細胞修護成份同美容精華 用既時候覺得佢好普通冇乜特別 質地比較清爽易推 一就吸收晒啦超快滲透同埋清爽唔黏笠 低調淡淡地既香氣令到我好放鬆😎 一次過用晒呢個系列嘅四支產品，唔知係邊一樣嘢幫我嘅功效最多，好大機會係面霜，因為面霜嘅保濕度最高，因為我係混合性皮膚係面嗰啲位置都真係好缺水同埋粗糙，3月1號開始試用嗰10幾日我哋喺一個禮拜裏邊經歷咗春夏秋冬，嚴格黎講，皮膚真係好唔穩定， 不過用完呢一套產品真係好有驚喜 明顯見到毛孔幼細咗個深淺度係淺層咗 一啲法令附近乾紋淡左 滋潤度同彈性係好咗 可以睇返before張相，我係面珠有毛孔粗大嘅問題 我覺得喺出油同埋水油平衡嗰方面又做到同埋減暗沉粗糙仲冇去黃美白 好鍾意😍用哂之後會比錢買🥳 BeforeAfter 有燈 After 冇燈

Ariel好用推薦：感謝 @cosme 邀請試用！ 我本身係冇用晚霜嘅習慣（驚生油脂粒，不要學習😆），所以就算有時敷完mask，啲水份都好似好快流失咁。今次試用夜用的「角質層修護滋潤晚霜」，先講氣味，佢真係幾香🤣聞落好舒服。 質地嘅話，以晚霜嚟講都算幾易推，吸收到幾快，用咗兩個禮拜，感覺用完嘅保濕產品都有成功鎖水嘅，瞓醒皮膚好水潤，都亦幾有彈性，感覺非常良好👍🏻都值得推薦！我通常會搽埋落頸，順便按摩 搽完上面都唔會油到反光🤣

何何好用推薦：係gratus (neoderm 集團旗下)買野送左一堆就過期既精華sample, 如果果期敏感用佢真係又舒緩到又保濕，但平時就用就冇乜太大感覺。有保濕易吸收既，但又冇乜其他特別效果，未必會自己買貨size用👍

Kura好用推薦：年輕時候好鍾意用嘅一款保濕精華，四季都好啱用，質地係gel狀，推開好快吸收，價錢實惠,產地係法國 @cosme

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

Fish Tse好用推薦：首先多謝@cosme 比我試用到 DECORTE單色眼影，我係未試過用哩個品牌既 哩款眼影係11G色，milk azuki 摸落去個質地軟綿綿既，顯色度都算高，搽一層已經有色好自然，如果想濃妝既sis可以搽多一至兩層 軟綿綿既質地唔會有飛粉既出現，仲有閃到非常高，適用好多唔同既場合，即時我持妝一整日，光澤感仍然可以維持到，持妝效果都唔錯

rachelnoni好用推薦：質地似mousse軟綿綿，方便易用，輕輕用手指一按，然後直接塗在眼皮。好顯色，而且好貼服不會甩。趕時間時最方便。

mandy好用推薦：Avene Hydrance Aqua Cream in gel 高效保濕水漾乳霜 (舊版) $242 / 50ml (新版參考價) 高效保濕水漾乳霜的質地為啫喱狀的面霜， 主要功效為保濕鎖水。 附上勺子，非常user-friendly，確保乾淨衛生。 由於質感非常水感輕盈，保濕力不錯， 而且完全不會有黏膩感或厚重感， 我喜歡在早上使用，因為不會影響後續上底妝。 成分方面，以保濕成分最多，其次是抗氧化及抗衰老成分。 使用後基本上不太有使用面霜的感覺, 因為使用感實在太清爽了，非常建議油性肌/混合肌嘗試。 含保濕成分: 丁二醇, 角鯊烷, 甘油, 矽靈, 氫化椰油甘油酯類, 卵燐脂, 戊二醇, 牛油果, 丙二醇, 硫酸鹽軟骨素 及 玻尿酸鈉 抗氧化成分: 角鯊烷, 牛油果, 玻尿酸鈉, 維他命E 及 維他命E醣苷 抗衰老成分: 角鯊烷, 甘油, 牛油果, 玻尿酸鈉 及 維他命E 油性滋潤成分: 卵燐脂 及 牛油果 鎮靜消炎成分: 牛油果, 玻尿酸鈉 及 維他命E 美白成分: 維他命E

Joanna0612好用推薦：滋潤效果很不錯，而且持久度也好，可以淡化乾紋，而且也不刺激，成份溫和，沒有過敏不適，質地不會太稠或太水，我覺得夏天冷氣房用剛剛好。