嘴唇乾燥・脫皮 推薦好用產品

Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5

Kura好用推薦：冬天必備最強潤唇膏，我已經回購無數咁多次，最鍾意蜂蜜味，味道夠香甜，搽上嘴非常潤，但唔係油膩嘅感覺，之前冬天個嘴乾到爆裂，用咗呢款潤唇膏之後就好返，夏天用都唔會覺得好油膩，其他口味味道唔係好香好濃，適合唔鍾意香味嘅朋友仔，不過一樣咁潤，用完呢款潤唇膏再搽其他有色潤唇膏都係非常一流，修復唇紋，去除死皮，價錢係非常平，男女老少都啱用呢款潤唇膏，包裝好靚設計方便，自己用或者送朋友都適合，產地係美國，近期需要入手潤唇膏嘅朋友仔可以考慮下 @cosme

Water好用推薦：多謝 @cosme提供試用 🥰 作為每日都要用潤唇膏嘅我，之前已經有用過Country & Stream嘅潤唇膏，記得感覺非常滋潤。今次試用呢枝都唔例外，雖然佢有少少少顏色，但一啲都冇影響滋潤度：上嘴即時聞到Country & Stream嘅獨有蜜糖香味，感覺有厚度重滋潤感，少少潤色但唔會好明顯，而且超級持久，可以hold到半日有多。呢幅圖只係薄薄搽咗一層，唇紋都即時減淡，無論素顏定帶妝當lip gloss都好適合使用啊！

Danica好用推薦：感謝@cosme的試用邀請❤️ 試用咗大約一星期 Country & Stream Natural honey lip👄 係一款有淡淡潤色成份ge潤唇膏，有啲似唇彩有亮唇效果。但顏色又唔會誇張，平時唔化妝素顏用都唔會覺得奇怪。 塗上嘴有清涼感，同時口味香甜。滋潤但無厚重感，唔會覺得有層膠ge感覺👍🏻 唔似一般浮係表面ge潤唇膏，呢款可以滲透唇部紋理，搽完好快感覺到可以唇紋少左。 加上價錢唔貴，CP值非常高，十分推薦想買有色潤唇膏ge人👏🏻

Hamiii好用推薦： 見到特別版又買下😌 日常出街用就太立啦，但夜晚厚敷一流，好潤🫶🏻 可惜唔太鐘意呢隻味，頭一兩次都ok,之後覺得有dd膩😵‍💫 下次都係乖乖買番基本款👍🏻

lingbb好用推薦：質地係豬油膏，黏黏既質感，有助於鎖住水分，令雙脣看起來柔軟、順滑，健康水潤。呢種質地有助軟化同舒緩嘴唇，玫瑰香唔係好濃烈，有少許顏色，可以令自己咀唇有返D唇色。乾燥時使用使用感會更好！

mandy好用推薦：早就想入手黃糖滋潤護唇蜜,  在85折時買入清香檸檬、甜蜜荔枝 及 香濃焦糖3款香味。 秋冬必備的潤唇產品亦是聖誕小禮物的好選擇, 朋友/同事收到會很高興吧! 不同香味的黃糖滋潤護唇蜜成分接近完全相同,  質地同樣滋潤(潤而不笠),  非常適合在秋冬季多多使用。 大家也可以天天在睡前厚敷黃糖滋潤護唇蜜急救唇部, 用了潤唇不再乾燥。 黃糖滋潤護唇蜜不只帶甜蜜香味,  就連外盒設計也很可愛, 令人不想丟掉。 Fresh  Sugar Lychee Hydrating Lip Balm 黃糖滋潤護唇蜜 (甜蜜荔枝)是BA推介我用的香味。 用完有種甜甜的感覺, 可以令心情立即變好。 用過這款之後,也開始想嘗試Fresh 的荔枝香水。 含抗氧化成分: 杏核油, 黑醋栗籽油, 葡萄籽油, 維他命E, 維他命C棕櫚酸酯, 季戊四醇四（雙-t-丁基羥基氫化肉桂酸）酯 及 二丁基羥基甲苯 肌膚修復成分: 黑醋栗籽油 鎮靜消炎成分: 黑醋栗籽油 保濕成分: 葡萄籽油

HYHY好用推薦：平時用唇膏比較多, lip balm 比較少用 好處: 好滋潤, 用完唔會有唇紋, 而且唔會好黏 壞處: 味道比較甜, 我喜歡無味的唇膏

Hchan好用推薦：由於踏入秋季及經常待在冷氣房，唇部開始乾燥脫皮，本身得過唇炎，所以一直選用成份簡單的護唇膏，試過各種款式及品牌後還是覺得這款藥用的最好用。 這罐是新包裝，容量多但因不方便沾取的設計，平時會放家中使用，另外同款的條狀則會隨身攜帶用。 護唇霜的質地是如凡士林般的膏狀，沒有味道，塗開後會有輕微的薄荷涼感，初用時會有點不習慣，但我的敏感唇用後並無不適；塗後會變霧感，不會有常見的油亮感，男士也適合；滋潤度屬中等，約兩三小時需要補塗，日常晚上也會厚塗當唇膜用。 一直在回購使用，不知是否跟藥用的成份有關，唇炎並未有復發，價格相宜又大罐，推薦有敏感唇的人可以試試。

Sccan好用推薦：我自從用過一支DHx 潤唇膏後，由正常唇變成敏感唇， 間中定時要會出現敏感刺痛紅腫脫皮情況， 去過診所醫生也說無法根治，只能定時定搽類固醇暫時舒緩敏感。 由於類固醇不可天天搽必須間中停用，而大多市面上的潤唇膏成份都令我馬上敏感紅腫，不論是超潤的、專治唇瘡的還是醫美的也不行， 直到我找到這當初抱住一試的薄荷潤唇膏，一試愛上，薄荷能舒緩唇敏感，也不會過於油膩，有減少脫皮。（唇膜那種會加劇敏感） 我這款是新包裝， 香港也有得賣。 效果：微薄荷，減少脫皮，有效滋潤，少許亮澤 質地：無色，膏狀，易推開 份量： 很耐用，一罐可以用很久 缺點： 樽裝難挖出來用，未能減少唇紋

Kriskirs09好用推薦：Canmake - Plump Lip Care Scrub 修護磨砂唇膏 呢支已經係我買嘅第三支 之前用透明01號覺得好好用就再回購多兩支有色版本我買左03號色🌼 No.03 Mikan Yellow 蜜柑黃： 具提亮效果，遮蓋暗沉唇色（新色） 👄效果圖如下：佢的確有遮蓋暗沉唇色嘅功用 小妹係成日咬嘴唇啲死皮 搞到個嘴係甩曬皮 但搽左之後覺得有修護到啲嘴皮 同埋本身支潤唇膏有少少磨砂粒粒 可以幫嘴唇去角質 真係少啲唇紋✨ （但要留意佢扭出嚟 係扭唔返入去的） 而02號色🌸 No.02 Clear Pink 透亮粉紅：添上粉嫩光澤 我個人覺得無01同03咁潤 但優點係有好淺嘅粉紅色 想打造偽偽偽素顏效果都可以一試嘅🤣 💰價錢方面官網$54 但Canmake成日都有折所以好抵買！ 用嚟做唇膏打底都唔錯👍🏽

ChingLam好用推薦：已經第四次回購！😍 依家市面上都比較少唇部去死皮/磨砂產品，而依支又可以做到以上效果之餘 仲有滋潤成分👍🏻 除咗普通磨砂外，仲有另外三支加入左不同成份，適合唔同需要嘅人 前日專門店大特價買$30一支 即刻入返兩支貨仲平過喺日本買🤭

isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖

綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品

pigpig好用推薦：目前為止最好用的潤唇膏，有多款選擇，能適合不同唇色人士，有少量顏色可作日常打扮用途。使用後一星期明顯嘴紋和唇色有改善，由紫色轉為棗紅。保濕力高就算在冬天使用也綽綽有餘。黏度適中不會有雙唇黏合的情況的同時能好好保護嘴唇，嘴唇能隨意開合不需要額外用力，不黏頭髮亦不會被頭髮黏到嘴邊。無色無味，即使舔到也不會有膠味。刷頭大小適中，每次取量不多，不會令嘴唇厚重。雖然價錢略高但能使用很久，實在是每個人的必備佳品

JOYCE好用推薦：之前網購買返嚟，無咗口罩令先開始用😿原來已經停產 質哋係普通唇彩，但對唇部皮膚好嘅成份就同潤唇膏一樣，可以話係潤唇膏同唇彩嘅混合體。隻色仲要好靚好自然😿停產真係好可惜 睇返資料先發現咁高質⋯不含防腐劑、滑石同香料呢啲係基本，仲配合天然礦物成份做到低刺激性配方。仲有超過300億個即使常溫保存仍然保持到高品質嘅乳酸菌“La Flora EC-12”，呢種乳酸菌可以保持皮膚處於弱酸性，有效抑制害菌繁殖，平衡皮膚嘅微生態。 不過再好用都無啦😿😿

Jane1111好用推薦：呢隻lip balm 我幾中意～除咗夠滋潤以外，我仲好中意呢隻lip balm陣味好香但又唔會太濃“～我會臨訓前用

unique好用推薦：我係極度需要用潤唇膏既人 呢支有啲立 但係叫滋潤 如果佢塗個位係斜就更好

Akassoo好用推薦：之前去日本旅行買咗NIVEA Rich Care & Color嘅豐盈水潤顯色潤唇膏，佢係一支有色嘅潤唇膏，仲有SPF20 PA++嘅防曬效果。 呢款潤唇膏有好多隻顏色揀，當初都有選擇困難症，個人建議揀深色啲嘅顏色，因為之前試過買較為淺色嘅顏色上到嘴睇落好似冇色一樣，但係如果揀鮮艷啲嘅顏色個顯色度就會差得遠。 我自己今次推介嘅呢支顏色係French Pink，就係潤潤哋嘅深粉紅色，個人覺得顏色都幾靚同自然。不過大家就預咗潤唇膏唔會好持久，基本上過一段時間（特別係食完嘢之後）都要再補搽。 嚟緊聖誕節約埋一班朋友party交換 聖誕禮物嘅話，如果我收到呢款潤唇膏做禮物都會覺得窩心，重點係呢支潤唇膏性價比高，仲可以即刻當面拆開呢份聖誕禮物搽上嘴俾朋友睇！

Shirlin Ho好用推薦：第一次見呢支潤唇膏都係見平平哋同埋係NIVEA所以就買嚟試吓，點知一用就覺非常好用，唔需要再搽潤唇膏打底再搽唇膏或者唇彩，因為佢非常滋潤同埋顯色度非常高，令到個人有番晒血色，仲要高CP值同非常方便，會再回購。👍🏻👍🏻

貓餅好用推薦：幾潤的潤唇膏，搽完嘴唇可以潤好耐，持久度都唔錯，但食野飲水會易甩，要補，搽完有層薄油喺嘴唇到，閃閃的，幾靚

維他他好用推薦：好耐之前用過嘅一支潤唇膏，記憶中佢都幾好用，唧出嚟少少少少咁，冇味道嘅，當時嚟講凡士林係好出名滋潤嘅牌子，所以好多人都有用㗎

LorraineTsung好用推薦：YSL 迷魅水嫩護唇釉💄 呢支之前一直都係我既大愛💕 色靚👍🏻仲要一啲都唔乾👍🏻 係我身上一啲都唔覺係假潤🤔 持久度都有但唔會難卸👏🏻 平起過往既唇膏呢支更加值得買😍 . 色號:2 上手偏粉但搽上咀就會偏紅啲💕 上咀顏色(見圖二) 另外仲有支8號但更加偏愛呢支2號💄 而且顏色都好日常唔難襯👆🏻

MaikoAoki好用推薦：雖然 YSL Beauty 的迷魅亮彩唇膏的滋潤度已經非常出色，但基於自己的嘴唇太乾，所以買迷魅水嫩護唇釉來試試看。 第一支入手的是 N° 4 Spy On The Nude，有著淡淡的粉紅色，使用後令人氣息更好，觸感則是水嫩不黏膩。不過因為是唇釉，持久度不及迷魅亮彩唇膏。 後來收到一支 N°11 Hook Me Berry 作為禮物。看似深紅，不過效果絕不誇張，也有優雅感。 兩種顏色都推薦。

Karman28好用推薦：呢支潤唇膏都幾滋潤，乾到甩皮果陣用佢，好快就會滋潤番，唔再甩皮。

Linda好用推薦：味道好難聞 一開始仲以為係變左 但朋友就覺得係可以接受的味道 無色 質地係偏腍 一搽會較得好油 過多陣就okay

msthea好用推薦：我覺得Kiehl‘s呢個潤唇膏中規中矩咁啦 唔算好潤，但又未至於好差 味道就一般啦，始終係天然冇添加香精 外型我覺得係設計得靚嘅 不過好容易撞花 呢張相係我啱啱買嗰時影，其實而家用咗一排 成個唇膏套個身都花晒 亦都有少少甩膠黐笠笠嘅感覺 太醜怪啦，因為佢呢個設計，所以我覺得有啲失望

jaye好用推薦：一搽就馬上滋潤，舒緩乾燥繃緊，修護雙唇，減淡唇紋，淡淡檸檬味道夠清新！而且仲有防曬！大愛之一！

劉肥貓好用推薦：佢嗰啲香味非常之好聞 而每次用嘅份量只需要少少就能為雙唇去除死皮 本來lush 嘅職員話磨完唔需要用清水洗 但我都有用清水 過一過水 之後再查潤唇膏 感覺潤唇膏都吸收比較 快 吸收好 

KDing好用推薦：香味好香比較偏甜，磨砂粒子比較粗，用上嘴要輕輕磨擦，去死皮能力普普通通。

Vivian好用推薦：包裝靚小羊皮設計，但唇膏屬於半透色光澤，遮蓋唇色及上色度一般，只適合用作有色唇膏，同時滋潤度也不高，性價比低，只有包裝取勝

mandy好用推薦：Givenchy Beauty LE ROSE PERFECTO BEAUTIFYING LIP BALM#03 Sparkling Pink                                                                           $295 結合潤唇膏的功能及唇膏的色澤而成, 是Givenchy Beauty 的熱賣產品, 可說是有色的潤唇膏。 潤唇膏的粉紅色皮管身非常獨特又高雅, 是帶點柔美風的設計。 MADE-TO-MEASURE SHADES 共4色 01 Perfect Pink  非常淡的粉色 02 Intense Pink 較深的粉色 03 Sparkling Pink  帶閃粉的柔和粉色 04 Blue Pink 帶閃粉、有點接近紫的粉色 擦上03 Sparkling Pink 時 只塗1-2次在唇部已很顯色, 而且是會對肌膚酸鹼值產生反應的變色唇膏,  帶Givenchy 的經典淡雅花香。 十分喜歡03 Sparkling Pink, 微閃的粉紅色不會太淡或太鮮色, 帶點透明感, 含乳木果油和

Ayu好用推薦：係一隻水狀感既油性潤唇膏，擠少少就夠了，唔係會成嘴油咁，所以一枝都用左好耐😂。塗個陣感覺都水潤，但都仲係未改善到我既死皮問題🥲吸收哂之後又dry番，反而有時用另外有啲唔係油左既潤唇膏水潤狀態keep得仲好啲～覺得佢又未係差，但可能我嘴唇偏乾就要再滋潤啲既款

羅小白好用推薦：鍾意冇香味嘅潤唇膏，就算去到好乾燥嘅地方都唔會甩皮，反而仲好水潤，不過都就好似有層豬油係個嘴，所以夜晚臨瞓前用就幾好。但同等價位會有更好嘅選擇，但勝在係無香料，用起嚟安心

lingbb好用推薦：無色無味，上咀有d難推，要透過咀唇熱力令佢貼係咀，上咀後無乜存在感，適合用唇膏前打底用。 如果咀部極敏感都可以一試！

橘子貓好用推薦：Cold Cream Nourishing Lip Balm 朋友贈送。 潤唇膏無色無味，塗上嘴不會封膜感好重，是帶點油潤的感覺，原來成份首位就是蓖麻籽油，難怪比一般抗敏護膚膏更為滋潤、保濕。可以即時舒緩嘴唇乾燥的不舒感，潤感也可以維持2、3個小時。雖然沒有嘟嘟唇的效果，但也可以去除大部份唇上的乾紋。潤而不膩，非常適合乾唇作為塗有色唇膏前的打底。 默默地快用完一管，可以回購的一款護唇膏。

Desse好用推薦：不僅是唇膏💡 薄荷潤唇膏 質地好潤.. 可以做妝前打底💡 一搽會少少立..好似成膜咁.. 說是乾燥神器亦不為過💡 不論係… 咀甩皮🍄 唇瘡🍄 咀爆拆🍄 諗得到嘅乾燥問題都解決到.. 其實佢用途仲可以搽.. 手爆拆🍄 Paper cut🍄 蚊咬🦟 （好work..止埋痕tim） 等等等等….. 但當然.. 如果拎左黎搽咀以外嘅地方.. 就唔好再搽上咀啦..😌 喱款我會同紫草膏交替長備手袋當萬用膏.. 長期回購👑👑👑

Water好用推薦：應該唔會有人未用過萬秀雷敦潤唇膏吧！又平又好用！我係超乾咀唇，無時無刻都要有潤唇膏，呢枝小小薄荷味，上咀會有輕微拉扯感，唔係超油潤順滑嗰隻。持久度好好，會keep住有一層滋潤感喺道。做打底之後上唇膏都好ok，唔會打交起死皮，性價比首選！

Heychauchau 好用推薦：滋潤度還不錯，而且有淡淡的香氣，味道聞起來也很舒服，一整天塗個兩、三次，嘴唇的乾裂情況有改善。

劉肥貓好用推薦：我見到有套裝價錢平，買來試吓 有好淡淡的清香味 滋潤感還可以 睡前塗上 翌日起身 嘴唇並無起皮仔嘅現象出現