清潔力強 推薦好用產品

維他他好用推薦：買Laneige 送的試用裝，卸淡妝還行，卸濃妝一定唔夠力，卸普通唇膏都不夠力度，來回要卸好多次先真係卸乾淨，感覺普普通通，麻麻

格仔餅公主好用推薦：韓國買，係好平既價錢，但雖然佢有油又有水，唔知點解都幾難卸到防水嘅product，有啲難用，卸眼線會有殘留、剩係用左一半就掉左

Angie好用推薦：喺專櫃買保濕精華嘅時候送咗洗面試用裝，試用咗幾日覺得都洗得幾乾淨，洗完塊面完全唔會乾，感覺清爽又乾淨

wingshan1124好用推薦：以洗面黎講，的而且確算係幾保濕，用落一啲都唔乾，可以考慮！

rachelnoni好用推薦：一搽上面有淡淡玫瑰香味，好香唔會太濃味。 卸妝力高，好乾淨清爽。但冬天天氣乾燥時用完會有少少乾。

Kura好用推薦：好鍾意用呢一款卸妝油，首先味道係我好鍾意嘅玫瑰味，特別好聞，用完皮膚都好乾淨

Sym97好用推薦：大推，卸妝效果滿分！玫瑰香氣X按摩效果 夢幻白泥卸妝按摩膏都算Rosette 最最好用之一產品，首先卸妝膏極軟，易推開之餘唔會結塊。卸妝時使用份量一小勺已足夠卸全面，用手指輕輕打圈按摩一分鐘，污垢油脂會自己浮上，再用溫水洗淨。卸妝不用花太多時間～ 針對公認難卸的「閃粉眼影」，我自己覺得這款卸妝膏十分有效，卸得很乾淨（如實測般）。 另外，卸妝膏一般成份天然，質感溫和適合敏感肌膚的朋友。自己用卸妝膏已有3-4年，感覺肌膚更細緻，減少出暗瘡。相比之下，卸妝油/卸妝水刺激性高，會更易引起肌膚問題..卸妝膏可以有效清理毛孔，減少污垢積聚，自然可以從根源上解決皮膚問題。按摩功效亦是一大加分位！ #愛用卸妝

Kura好用推薦：呢款洗臉膏係使用方面好方便，對於日常防曬淡妝超友好，適合我呢種懶人

Kura好用推薦：呢款卸妝油真係好好用，我通常用黎卸除日常妝容，用完皮膚好乾淨，但係價錢就偏貴

icedtea好用推薦：$250 for 200ml Origins cleansing oil係我最近嘅新歡，已回購第二支，卸妝卸得乾淨清爽，眼影眼線粉底都冇問題，用完唔會起粒粒，而且乳化時間短，十分推薦！

mandy好用推薦：Three Aiming Soap R 極緻活顏潔顏皂 $360/ 80g 可輕易搓出豐盈的泡沫。 官方說明: 柑橘綠色草本香氛  (但我不太聞到, 覺得香味不明顯)。 使用感温和保濕, 可潔淨毛孔髒污。 使用後, 肌膚潔淨清爽柔軟Q彈嫩滑不乾燥。 含眾多優質護膚成分, 如保濕及抗衰老等成分。 雖加入了鎮靜消炎成分, 但含有一些精油成分*, 有可能致敏, 敏感肌請注意。 *精油成分: 突厥薔薇花油, 香檸檬果油, 香葉天竺葵花油, 迷迭香葉油, 薰衣草油 及 茴香油 價位挺貴, 而且早上趕時間會更想用一按就出泡泡的潔面產品, 而且存放潔顏皂也有點麻煩。 如果不介意價位, 本身喜歡使用潔顏皂的人或是早上不趕時間的人比較適合用極緻活顏潔顏皂。 含保濕成分: 橄欖油, 椰子油, 乳木果, 荷荷巴油, 白芒花籽油, 茶籽油, 沙棘油, 甘油, 梅果萃取, 戊二醇 及 丁二醇 抗衰老成分: 橄欖油, 乳木果, 荷荷巴油, 白芒花籽油, 沙棘油, 甘油 及 歐洲越桔葉萃取 抗氧化成分: 橄欖油, 椰子油, 乳木果, 石榴籽油, 柳蘭花/葉/莖萃取, 荷荷巴油, 沙棘油

Lumi Kwan好用推薦：都係日本旅行嘅時候買，有聽聞過佢嘅洗面皂都幾好用，所以買咗嚟試吓。不過相對起洗面膏，成構造比較容易溶化，所以感覺上好唔抵，通常都係一邊沖涼一邊用，所以熱水好容易溶咗一大半，但整體上效果唔差，用完幾清爽乾淨，而且唔會太乾。

粉紅寶寶好用推薦：第一次在售貨員的推薦下購入了套裝，當中包括這支爽膚水，標榜是適合所有肌膚。當時曾經在手上試用，感覺還不錯，比較清爽，但香味有點濃，感覺不太天然。 回家後使用過兩次，兩次面部都出現痕癢等皮膚敏感症狀，而且香味令我感覺很不舒適。隨後把這支爽膚水拿回店內反映，因出現皮膚敏感症狀，店員為我更換成粉紅色那支敏感肌用爽膚水，更換後在使用就沒有敏感情況出現。 因為我的面部其實不易敏感，在使用不少各式類型的化妝品和護膚品，都很少會出現敏感狀況。所以這支爽膚水導致我皮膚敏感，很大可能是裏面的確有過於化學的香料或成份。 如果希望購買這款爽膚水，建議在店內直接在面上試用，確保沒有敏感情況出現才購買。

chung好用推薦： 😌深層清潔、去角質、控油 ☺️洗完面再抹一抹，竟然仲有好多黃色污糟野 😀抹完之後，會有少少笠，過10分鐘到，就冇咁笠 🤨當唔笠的時候，搽保濕 🍃中度 酒精味 🤧油肌，混合偏油姐妹兄弟適用

chasiutung好用推薦：樽蓋設計不太友好 要用力按住去扭開 而且樽口太大 容易倒太多 非常吾方便 每次用都要好小心 卸妝液水油分離設計 使用前需要搖勻 水狀質地 倒濕化妝棉 敷係眼唇部位等幾秒輕輕一抹就卸乾淨 難卸嘅眼線 睫毛膏 同會染唇的唇釉都能輕鬆卸乾淨 👍清潔用強 不刺眼 但感覺有點油

Rin好用推薦：已經用完沒有留低照片，我用的是試用裝 感覺不算很好，卸妝力一般 稍為有點刺激眼 不會回購

choichoi好用推薦：特別適合夏天這種時間使用，可以清潔臉部的油感和污糟，同時間帶來淡淡香味，我會重點在痘痘位置輕拍，感覺有點加速代謝的效果

tiffwy_好用推薦：常常有一包係袋備用, 有淡淡的茶樹油的味道 常常擦面後有阻減少痘痘

Pinky好用推薦：非常粗既磨砂粒，試過磨損左少少皮膚 過完水仲有少少立痴痴感覺 要再用多次洗面膏

choichoi好用推薦：比較粗大的顆粒非常貼合男士心水，即使女士遇上較污固的角質，用上也有所幫助，只要注意使用力度及後做好保濕工作便可

Akassoo好用推薦：見呢款化妝水高排名同主打「溫和去除多餘的死皮細胞和毛孔污垢」，但用咗幾日就發現完全唔啱我用。 開頭用上臉已經覺得有啲刺痛，但諗住可能未適應到新成分，所以都冇乜理到，到第二第三日上臉發現都仲係刺痛之餘，上完臉會出現紅色一撻撻，令到我開始懷疑自己塊臉變咗敏感肌。。。 睇返佢嘅成份有弱酸性，所以有可能係呢樣嘢導致刺痛🫠🫠🫠 自從塊面刺痛同紅色一撻撻之後我已經決定唔再用呢支了，太可惜了😵

Karlie好用推薦：十分推薦的去角質產品 我每天化妝前都會用 每次用完化妝棉都灰灰的，全是角質及污垢 而且用完佢，T字位無咁易出油，黑頭粉刺都少D 未用完一支，已經準備存貨，因為很好怕佢會缺貨！

sami.mew好用推薦：很奇妙的一款產品，沒想過臉部精華也可以做成固體的～ 很滋潤，而且也很環保。

shirleywong好用推薦：lush裸裝好環保，而且氣味好香，完美的肥皂！

Hamiii好用推薦： 千祈千祈千祈唔好堅係唔清洗🌝 有機會出事的 我呢d懶人卸完妝就攤落床 訓醒皮膚乾到痛

Tiffany好用推薦：產品好好用，用落清爽不會油油的、黏笠，難得同時卸妝力很好，好輕易就可以抹走彩妝。

Hazel好用推薦：比起佢同系列黎講，尼支算係比較洗完冇咁乾冇咁崩緊，但唔覺抗皺。

choichoi好用推薦：這款帶有淡淡像玫瑰花的清香，不會假滑也不會緊繃，也是適合日常使用

Jayla好用推薦：呢支係kiehls會員日購物嘅贈品，都有40ml幾大支，已經俾我空瓶咗。 氣味係帶薄荷感嘅清爽，一聞就知係俾油肌用嘅化妝水。我喺呢d又濕又焗嘅春天每日朝早用清水洗完臉，之前就倒少少落化妝棉，用嚟作為上妝前溫和地清理一次皮膚。用咗大約半個月，途中皮膚都好穩定，有曾經爆過一粒m痘但都2日左右就消晒。

Jane1111好用推薦：之前去kiehls買嘢送😆但真心幾好用～用完好乾爽唔會笠～用完第二日起身覺得自己泛紅少咗～十分推薦

kkkelda好用推薦：性價比好高既卸妝油！首先價錢好抵 $128 200ml，因為我落妝除左落面上妝容之外重會落埋條頸既防曬同碎粉，都可以用到半個月至兩個月時間。佢既味道好香係我好鍾意既柑橘味，唔會太強烈。乾手乾面好快可以落哂所有妝，好快乳化，而且入左眼都唔會覺得痛，但係會令對眼白濛濛呢一點我可以接受。我用完佢落妝唔會油膩膩皮膚又無起暗粒問題所以我已經買過3枝以上！

sylsylsyl好用推薦：油膏狀嘅質地，每次用量唔需要好多 大𤆵每次拎半個手指頭嘅份量就已經足夠全面使 卸妝速度都好快 我習慣拎夠份量之後就向掌心搓熱上面，輕輕一搓就卸完，包括眼妝 除咗有比較強力嘅防水mascara之外，一般眼妝都可以輕鬆卸除 相反地乳化就唔算快，要d時間洗先唔會有未洗乾淨嘅感覺 性價比唔算高，小小一瓶只有125ml 使用感受上偏滋潤，會偏向秋冬時候再使用

mandy好用推薦：Darphin Aromatic Cleansing Balm With Rosewood 花梨木精油潔面凝霜 $320/40ml; $750/125ml Estee Lauder 旗下的品牌並不只是Bobbi Brown, Clinique, Jo Malone, La Mer, Origins, etc... 其實也有一些冇咁為人熟知的品牌, 如Atelier Cologne, Ordinary, Too Faced 及 Darphin。 Darphin 是來自法國的高端精油/香薰護膚品牌, 自然是偏向貴婦價位。 門市設於海港城及新城市廣場。 而花梨木精油潔面凝霜 跟防敏精華 都是品牌 signature product/ 皇牌產品。 因此, 我也就對花梨木精油潔面凝霜 充滿期待, 好想一探究竟是否真的很好用。 首先請大家有一定心理準備! 花梨木精油潔面凝霜 含有3款精油成分, 分別是 Rosewood Oil, Ylang Ylang Oil & Sage Oil (花梨木精油/ 依蘭依蘭精油/快樂鼠尾草精油) 所以香味真的比較明顯及獨特。 花梨木精

iliya 好用推薦：呢款卸妝油雖然係油質，質地比較稀，但係卸完妝之後一啲都唔油膩，而卸妝力都唔差，淡淡嘅薰衣草味好好聞！

Kura好用推薦：卸妝效果唔錯，我用黎卸走日常防曬同埋淡妝，如果太濃嘅妝容就唔得，用法方便

Kpl6be6好用推薦：身為混油肌係幾鍾意夏天出油出汗多嘅日子用泥膜～呢款幾啱心水～感覺皮膚污糟雜質都被吸附走～後續做番保濕功夫就得～

Jan好用推薦：質地幼細無顆粒 係水泥灰色 之前有用過Kiehl’s, Innisfree 同fresh 嘅clay mask 比起上面嘅牌子 呢款係最水感嘅泥膜 很易推開 不會太厚 但較難均勻地全覆蓋皮膚 使用時的溫和程度同fresh 差唔多 唔會有刺痛或發熱感 Kiehl’s, Innisfree 就相對刺激少少 等十分鐘左右變乾後會見到毛孔現哂形 容易洗淨 沖淨後感覺乾淨 皮膚滑咗少少 用後較乾 有緊繃感 要注意後續保濕

Tobimak好用推薦：呢支滴露沐浴露有淡淡的香味，沖完涼會好似噴左香水咁，感覺十分療癒🥰而且佢仲好容易起泡，我用1-2泵已經夠洗全身👍🏻👍🏻我已經回購過兩支了，最喜歡係冬天用完之後皮膚都不會有繃緊的感覺，而且性價比仲超高🤭真係超級推薦比大家！