防脫育髮 推薦好用產品

Chami好用推薦：多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

wawabibi好用推薦：多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！

LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 粗糙乾旱染燙髮 質地 : 濃稠乳狀 香味 : 自然清淡的草本清香 滑順度 : ♥♥♥♥ (用手指便能輕輕梳開 吹乾後髮絲亦相當輕柔滑順) 效果 : 使用潤髮乳後髮絲既毛躁同蓬亂有明顯改善 而且吹乾後髮絲既觸感仍然好滑順 柔軟而無乾燥感 我妹妹既頭髮係受損髮質 佢表示呢款LUX moisturiser 絕對解決到因染燙而引發既頭髮毛躁 分岔等問題 可以給予秀髮完整滋潤 抑制乾荒毛躁 原本打結糾纏既髮絲都恢復為絲絲分明既飄逸質地 且原本既蓬亂都被撫平 變得水潤而柔軟 前後 多謝@cosme邀請試用呢款價格親民 保養效果有保證既洗護產品😇 必定回購☺️☺️非常推薦😁 P.S. 分享@cosme 提供既護理頭髪小秘笈: 記得要徹底沖乾淨護髪素/洗髪乳 如果有殘留喺 頭皮 頭髪 或者頸部 係會導致頭皮屑同埋瘙痕 甚至頸背部皮膚粗糙/出粒粒 T^T

mandy好用推薦：LUX - 膠原蛋白氨基酸保濕滋潤護髮素 適合粗燥乾旱染燙髮質使用, 以膠原蛋白氨基酸為秀髮補濕、鎖水,  減少毛燥, 提昇光澤。 -香味淡雅清新, 不會過於濃烈 LUX - 膠原蛋白氨基酸保濕滋潤護髮素的 香味比較接近Green note 草青的清新香味。 氣味非常清淡, 有點文青風的韻味, 相信大部分人都不會討厭。 很多日系品牌的美髮用品都會很重視瓶身包裝 及香味, 以這些來吸引年輕一代/女性用家。 Lux 髮の光沢營養飲洗護系列則把重點 放回最基本的訴求, 即為頭髮供應優質的成分/養分。 著眼點是美麗、健康、光澤的秀髮最需要補充什麼? 這無疑等同宣告這是一個適合所有人的美髮系列, 此系列中有3款不同的洗護系列, 讓大家都可按自己的髮質及需要找到適合的洗護用品。 淡淡的清新香味也適合不愛濃烈香味的男性用家。 -質感:  偏清爽水感的乳液狀質地, 延展性佳, 比同系列洗髮乳稍為滋潤,  使用後不會令頭髮變油變笠, 柔順易梳理。 -成效: 本身髮量多、頭髮較粗, 而且keep住做負離子,  間中染一次髮又成日要吹髮, 可說是經常受損

heimen好用推薦：優雅風鈴草花香為髮絲沾上香氣 洗後秀髮散發出風鈴草花香，而且持久不散。 成日染燙頭髮，髮絲變得毛糙乾旱又易打結， 一向都少用髮膜，除左時間需性之外， 主因係因為好怕用完之後個種厚重黏膩感， 而且又會令到頭髮容易變得扁塌！ 好開心有機會透過@cosme試用L'Oréal Paris【透明質酸8秒水髮膜】， 係全新突破性水髮膜！只需 8 秒，髮膜如水般被頭髮迅速吸收， 一沖水就帶來柔順秀髮，輕易打造水潤輕盈空氣感！ 今次就實測左塗抹8秒後沖水，期間無須等待， 省時又方便，真係超方便啊！岩哂繁忙既都市人！ 透明質酸8秒水髮膜蘊含98%高純度透明質酸+保濕因子及高純度角鯊烷， 除左高效補水同時修補髮絲鎖水保護層， 其水狀質地更可以均勻包覆條條髮絲， 助我平滑頭髮、賦予輕盈柔順光澤感！！ 我通常會訓前洗頭，就算訓醒，髮絲依然柔順易打理， 唔會有毛糙打結情況出現，可以維持長效水潤， 加上佢既風鈴草花香好清新優雅，真係大推！！ Before: After:

Wenwen03好用推薦：感謝@Cosmo 邀請試用😆😆 覺講下我髮質：偏硬，天生鬈曲，髮量多，定期拉直頭髮（半年左右），有染髮 由於要湊小朋友既關係，都無太多時間管理頭髮，就平時原停去拉直、染髮造成很大傷害，想電內捲嗎？10個髮型師9個說我頭髮太傷，不斷做負離子，染髮的treatment，要停止呢啲行為一年先有機會改善髮質，回復頭髮彈性先得啦，但以我頭髮天生鬈曲的狀態下，我點會由得個頭變「爆炸頭」吖，見新出左「L’Oréal 8秒髮膜」就試試看啦😆😆 髮膜質地：水狀，不黏手； 味道：藍風鈴鈴蘭香，偏重氣味，洗頭後當晚仍會很香，若喜歡香味的朋友應該會很喜歡😊😊 用後感（濕髮情況）：使用在髮尾部分，用後不打結，用手指也很容易梳開頭髮，頭髮好像貼服過未用前，絲絲分明。 （乾髮情況）：髮質好像由偏硬變軟了，翌日起身後摸上去仍很滑身，第一，二日用後頭頂仍很爆炸，髮膜的香味仍很持久，很香（笑） 連續用了8日，髮尾沒有太多開叉情況，而且幾順滑唔黏結，之後都會keep住用😆😆

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大

grace好用推薦：好開心抽到試用，在此先感謝@cosme及法之羽 KAMINOWA。 今次係試用呢套髮之羽嘅全套產品，包括洗髮露，護髮素，育髮液和生髮素。用左大約一個月，堅持每日都有用，喺呢度總結下心得。 先講下我本身髮質，有染熨過，加上30+ 後，頭翇開始變得幼細同稀疏，特別係分界線位置。今次試用KAMINOWA 生髮系列之前都有用其他防脫產品，髮量豐盈的效果都唔錯，不過有時會出現頭油，導致出頭瘡，有時會頭痕，所以都幾傷頭皮。 講下用KAMINOWA 髮之羽有機護髮素，佢有機成分，植物性低刺激，既做到控油淨化，又唔傷頭皮，洗完頭係好舒服，唔刺激。佢係淡淡的花果香，唔會太濃，味上去也自然舒服，洗頭都好ENJOY!我的髮質係中性偏少少油性，洗完頭好怕笠的感覺，KAMINOWA 的護髮素用完係做到清爽唔乾唔油，我覺得佢好適合我的髮質，所以我會繼續用落去。防脫方面，我用左整套育髮系列，脫髮的問題係改善左的，最基本因頭痕而傷頭皮的問題已經解決，最開心係每次梳頭時，掉髮的數量都少左！不過生髮的效果就唔係好明顯，也許頭髮生長周期較長，要持之以恆先見到效果吧！ 用之前 用左一個月後

Emma W好用推薦：生薑洗頭水係The body shop 的皇牌。唧出嚟有淡淡嘅薑味，加水搓洗，好易起泡。洗髮水含有生薑精油，加埋頭皮按摩，能激發毛囊生長，係淺淺的薑精味中，進行一日的開始或結束，加上達致頭髮濃密嘅效果，係一種享受。 另外，採用超過90%天然成分，不經動物測試，社群公平貿易生薑精油，係值得支持的。

Milo101好用推薦：🌟90%天然成份，含斯里蘭卡生薑根精華 🌟薑味清清的，洗完頭髮好幼嫩 🌟有頭皮屑的家人用了覺得挺有效 🌟之前用緊其他牌子，一到秋冬頭皮有少少乾癢，再用這瓶就穩定了頭皮狀況 🌟這品牌有環保金屬瓶，部份店舖也可以帶瓶子去裸買的～ 

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Fng好用推薦：🩷粉紅色盒Lucido美髮油繼續係我2025年回購清單上嘅美髮產品，佢質地輕薄，不黏笠，清爽好快吸收💯，淡淡香味，用後頭髮更有光澤， 大幅減低毛躁感，🤩最驚喜係斷髮大量減少💞， 我通常每次用電髮棒夾頭髮之前，都會搽一層先 ，保護髮絲。 🧡金色盒比粉紅色更滋潤些，粉紅色盒嘅油質比較流動性強啲，清爽啲，適合細軟嘅髮質使用， 所以我通常買粉紅色盒用👍🏻。💙藍色盒係比較厚身，近乎啫哩狀態，適合粗硬髮質使用。

Fng好用推薦：有滋潤感，不油膩，有舒緩頭皮痕癢嘅效用， 每個禮拜使用一次就足夠， 性價比尚可。

Hamiii好用推薦：對毛躁頭好友好 有效改善問題，而且有強靭到髮絲 真係甩少左好多.. 但價格真係太貴.. 我都係好幾隻髮膜間住黎用🤫

Kura好用推薦：呢款洗髮水我係買咗成set黎用，用完頭髮變得好柔順，容易打理易梳順，頭髮都變得好蓬鬆，味道都好好聞，加好少水都可以起到好綿密嘅泡泡，易過水，用完一日頭髮都唔會覺得油，值得再回購嘅洗頭水 #洗髮水 @cosme

Giselle 好用推薦：Taubaki 山茶花極致水潤亮澤洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前購入過⸜( ´ ꒳ ` )⸝♡︎雖然佢係主打水潤亮澤，但用完後我嘅乾性頭髮唔會變得有水潤咗( ･᷄-･᷅ )最多只係變滑咗少少(✿︎´ ꒳ ` )♡︎不過佢嘅清潔力唔算係特別好，有時候有種過水後洗唔乾淨嘅奇怪感覺₍ᐢ ›̥̥̥ ༝ ‹̥̥̥ ᐢ₎不過佢陣山茶花味好香而且算係幾持久( ˶ˆ꒳ˆ˵ )

Nicole 好用推薦：我的髮質是比較偏乾的，因為之前又染又燙導致 髮質很差，所以一直偏愛順滑的洗發水～ 這款洗髮水有修護功效，而且無硅配方，所以入手試試。 味道還是挺好聞的，草本味道；容易起泡，沖洗也挺方便，沖完水之後頭髮也挺順滑。

zzzhelen好用推薦：依款係好滋潤既洗髮水，用佢洗頭，秋冬乾燥天氣既頭皮唔會痕。另外，無矽黎講，得佢做到頭髮咁順滑。我仲好鍾意佢陣味，係好舒服既淡淡香氣，用佢洗頭係一個享受。我會配搭埋同系列護髮素一齊用 香港夏天用就會太滋潤啦，頭皮會好易出油。我會用同牌子既另一系列去洗頭 見我買咁多就知我有幾愛佢啦😆

zetalhc好用推薦：回購咗好多次嘅產品，一個星期用兩次洗完頭之後唔使沖水喺頭皮按摩就可以令到頭皮好清爽，出遊同頭皮嘅問題都改善咗

KDing好用推薦：夏天特別鐘意用佢 用完頭皮會清爽d 就算成日落黎都唔會痴笠笠

Giselle 好用推薦：Taubaki 山茶花極致水潤亮澤護髮素 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前購入過⸜( ´ ꒳ ` )⸝♡︎雖然佢係主打水潤亮澤，但用完後我嘅乾性頭髮唔會變得有水潤咗( ･᷄-･᷅ )最多只係變滑咗少少(✿︎´ ꒳ ` )♡︎屬於中規中矩嘅護髮素₍ᐢ ›̥̥̥ ༝ ‹̥̥̥ ᐢ₎不過佢陣山茶花味好香而且算係幾持久( ˶ˆ꒳ˆ˵ )

natanatalie好用推薦：非常好用，尤其秋冬天氣使用，髮質有光澤又有滋潤感，而且髮絲很柔順。

Haidy好用推薦：在SOGO感謝祭買的！之前一直用開其他生髮精華，想說試試其他的。價錢不算太貴~感謝祭買還是挺划算的！味道和他家的洗頭水一樣。 不過這個精華比我想像中濃稠很多，不是太喜歡。一開始以為會像水水的那種，不過擠出來質地比較厚重。如果吹乾了頭髮再塗的話應該會油油的吧 如要使用記得在洗頭後還沒有吹乾前，塗了之後要吹乾頭髮才不會油油的。  雖然不太知道效果，但也不會再回購了😗不過同系列的洗頭水和護髮素還是很讚!!!!!!!!!!超級大推薦去衝🤣

Jayla好用推薦：呢支頭皮精華一直都係aveda嘅明星產品。之前因為食藥突然甩咗好多頭髮，前額一紮馬尾就會明顯見到頭皮嚇到我即刻搵咗好多唔同辦法解決。 試咗好多支唔同嘅頭皮精華，呢支嘅質地係唯一一支令我可以持續使用，只需要洗頭後直接用噴頭噴落頭皮，用法相當簡單。捽開之後只要吹返乾頭髮就會完全乾爽，亦唔會令頭頂頭髮黏住。我持續用咗2個月，額角開始出返d健康嘅毛毛，抓起頭髮唔會再白色一片，我會繼續回購好好地養返d頭髮🥹

Blueblueblue好用推薦：薑味郁濃，愈洗愈香。 油頭適用，頭髮很清爽，保持到大半日嘅清爽。

Milo101好用推薦：🌟生薑洗髮水質地啫喱偏流質，帶有天然薑味 🌟洗完頭髮會變得細滑

Suidan好用推薦：好多謝@cosme 及 Fusari抽中我試用速染蓬髮粉撲。我本身髮質偏幼，而且人愈大，就發現頭髮分界愈來愈闊，望落好顯老。以前都有諗過買其他牌子既髮粉來遮蓋分界，但都礙於擔心遇到以下狀況而卻步。 1️⃣造形型不自然 2️⃣會令頭髮變得油膩及頭皮發炎 3️⃣遇到雨水便會脫色 而在試用了此產品一段時間後，我發現呢個Fusari既速染蓬髮粉撲就完全沒有以上既問題出現。 首先，佢既使用方法很容易及方便，我每天出門口上班前都會用呢個髮粉撲在分界線上印幾下，會發現份量很容易控制，而且唔會有重手左既情況出現，好輕鬆就可以打造澎湃髮量的視覺效果，而髮粉的顏色與我本身的頭髮顏色完全融合左，望落超級自然！ 其次，我已經連續使用此產品14天，每一天的髮粉都可以留在頭皮超過10小時。經我細心觀察後，留意到並沒有因用了髮粉而令髮絲變得油膩，頭皮亦沒有受刺激而變得紅腫或發炎等情況。 此外，我在家中試過用水噴灑在已使用髮粉的手上以模仿下雨之情況，發現髮粉仍然不易脫色，不過加上洗頭水的話仍能容易洗淨。 總括而言，我十分推薦大家選購Fusari既速染蓬髮粉撲，因為佢能輕鬆解決我髮型的煩惱。

Kaufmann好用推薦：很高興@@cosme 抽中試用Fusarium速染蓬鬆粉撲！ 本身的法則較纖幼、髮色是棕黑色。由於頭髮偏幼，所以平時會使用一啲類似爽身粉的粉末去洒在頭髮上，使頭髮看起來厚一些，但不能有染色！ 使用這產品時，我覺得產品粉質好有幼細、冇乜氣味、包裝簡單，去旅行容易帶備、使用好方便。只需要將粉撲印在分明的髮界上會，便快速染到髮、有蓬髮嘅效果。 使用產品後，效果很自然，能好好與髮色融合。這產品不易脫色，很持久而且能防水！特別在夏季這樣天氣潮濕下，我覺得很好用，加上這產品我覺得係不刺激，不會引起頭皮敏感。我現在一外出就會用，值得推介！

annielittlecake好用推薦：/ #育髮三寶 / . 每次洗完頭都見到甩咗好多頭髮， 髮界愈黎愈明顯，頭髮愈變愈薄， 真係好擔心會愈甩會多.... . 最近試咗#Return育髮系列100%由日本製造🇯🇵配方採用天然草本🌱成分 從根本改善掉髮問題❗️❗️❗️ 要擁有健康秀髮除咗要照顧到毛囊及髮幹外 最、最、最重要就係為主宰頭髮生長嘅毛乳頭提供足夠營養！ . #Return育髮洗髮露 蘊含16種胺基酸及💮日本厚生省認可育髮成分嘅💛 🔸為髮絲提供豐富營養，直達頭皮內層補水保濕💦及養份，激活已休眠毛乳頭細胞，延長頭髮生長期，由根本開始守護毛乳頭，深層修護易斷髮絲，減少掉髮 🔸改善血液循環🔄、激活毛囊、增強毛髮生長⬆️ . #Return育髮蛋白 擁有革命性育髮新科技WWH（Works with Heat)吹頭時可提升髮絲水份💦同時修復毛髮結構陽離子蛋白技術：有效為頭髮注入空氣感 . #Return育髮精華素 獨立包裝，方便攜帶，就算乾髮/濕髮同樣都可以用，仲免沖洗配方超方便～ . 💓用後感： 用咁Return育髮三寶一段時間，無論洗髮定梳頭發現真係甩少咗頭髮，頭髮比前更強韌健康有光澤，仲發現生咗好多BB毛, 髮量感覺更

Noel好用推薦：由2019年起，每次洗頭都會發現很多掉髮，實在非常擔心。後來請教護髮有道的姊妹，先知道 Return 這個日本品牌，結果就一直使用至今👍 洗髮露呈透明，流動性很高，亦容易起泡。我的頭髮及腰，需要使用兩泵左右。洗髮後，我比較喜歡將頭髮盤起，大約2️⃣分鐘，讓泡泡多留在頭皮上一點時間，之後才沖洗。 雖然，沒有發現長出更多頭髮或 bb毛，不過，洗頭時的掉髮問題大大改善‼️只有原來掉髮的 1/3，實在太值得了❤

Haidy好用推薦：SOGO 感謝祭買的~ 和防脫髮洗頭水一起買！這款護髮素用起來不會有明顯的矽靈感覺！櫃姐說可以塗上頭皮的~只要沖乾淨也不會長暗瘡！ 氣味和防脫髮洗頭水一樣！兩樣配搭起上來，不錯，不錯。不過感覺防脫髮洗頭水更有用！ 使用了大概一個月，感覺頭髮強硬了很多！真的缺少了很多！

takemyokane好用推薦：跟同系列洗頭水一起使用。有草本香味，蘊含植物油複合物，十分滋潤。使用時，立即感受到髮尾被滋潤，能撫平不貼服的毛躁。沖洗後頭髮變得蓬鬆和豐盈。

katrina523好用推薦：The smell is very sweet. But hk no more shop can’t buy Texture and moisture level just so so. Not any surprise.

🌸好用推薦：三年前開始轉嘅新包裝，不過並唔影響使用感受。同佢其他系列嘅產品一樣，都係我最喜歡嘅白花香味。呢個髮膜洗頭之後使用，竟然可以做到焗油嘅效果，相當出色！價錢唔貴，值得回購。

SUM好用推薦：感謝@Cosme 讓我有機會體驗Scalp-D 「豐盈藥用防脫洗髮露」和「滋潤藥用防脫洗髮露｣。因為最近幾個月出見脱發問題，只要一梳頭就有幾十條頭髮脱落，洗頭嘅時候更加嚴重，每次都會甩好多頭髮，今次係第一次試用防脱髮嘅洗發產品。 試用一個月呢過程，防脱髮效果不算太顯著，不過洗髮水和護髮素的香味、質地和順滑效果不錯，令人想繼續使用，洗完頭也有蓬鬆感和柔順感。長期使用下竟然在洗頭時發覺脱髮情況大減，每次只有數條，而乾髮梳頭時更加只有2、3條脱落。另外，係頭頂好明顯睇得出之前脱落嘅頭髮已經生返出黎，睇得出防脱和活髮效果顯著。 產品容量不算太大，只有350mL，大約比平時用開嘅洗頭水細一半，不過好彩每次只需用一pump便夠，泡沫足夠，所以使用了一個月後洗髮水仍有半枝，而護髮素更有大半枝！其中一枝瓶身有凸紋，即使合埋眼洗頭都可以分辨到邊枝係洗頭水或護髮素。 最後，雖然價格不算便宜，但如果有脱髮問題而又想短期也善的話，我會很推薦這個洗髮產品！

lkylky3003好用推薦：唔知道大家對洗髮露要求係咩？ 作為細柔頭髮用家之一，除咗要求洗髮露可以潔淨乾爽外，對於可唔可以減少脫髮，都係我對洗髮露嘅要求之一。 香港人生活壓力大，情緒緊繃。容易導致男性荷爾蒙增加，女性荷爾蒙減少，引起脫髮問題。 呢款SCALP-D保濕潤澤藥用防脫洗髮露專門就係針對女士荷爾蒙脫髮而設計。 佢有育毛、健髮成份，可以促進頭皮同毛囊膠原蛋白代謝，強健髮根。仲添加咗銀耳多醣，可以深層補濕同鎖住水份。 呢枝洗髮露味道係淡淡的玫瑰花味，唔會太濃，一路聞一路護髮真係好relax 佢吱出嚟容易起出綿密豐盈嘅泡泡，清潔每一根髮絲，但清潔又唔會太強，令頭皮髮絲變得乾燥痕癢。 另外佢嘅潔淨效果都last 得耐，返咗一整日工，頭髮都Keep 到乾爽唔扁塌。 我有搭配埋同系列嘅保濕潤澤藥用防脫護髮膜，用後髮絲可變得更加水潤保濕，梳時變得柔順冇咁容易打結。 用咗一段時間，我對呢枝洗髮乳係滿意，因為頭髮真係強韌咗，梳頭時冇咁多髮絲掉落

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。

Hamiii好用推薦：生完之後脫髮脫得好嚴重 又拎媽咪set 50惠試下 呢款洗頭水其實無咩特別 只係洗完唔太乾 當時用左一個月都無咩起色有d失望 但好在有堅持 再配合埋同育髮精華 總算見到有新毛毛 所以.. 如果決定買呢個牌子 記得要堅持 堅持 再堅持😂

dandan好用推薦：😘好開心可以抽中scalp D 育發洗髮護髮系列套裝.其實我系日本旅行時已經知道尼個牌子了，系我老公一直回購育髮防脫男士系列先架🤣🙈! 我本身系細軟髮質 由於產後脫發好犀利. 一直買各種生髮防脫精華同洗髮乳 有時使用感太差 頭頂痴立立 真系好難堅持 變相 效果都麻麻地🙈😅. Scalp D 尼套洗護 首先講下shampoo 好多泡泡 香味又幾舒服wor，跟指引要乾小小頭髮先嗏conditioner髮膜 ，要慢慢按摩頭皮幾分鐘再沖洗 . 整個過程我都幾enjoy 🤭💕 洗完頭髮好滑 夠晒順滑 . 吹乾都幾蓬鬆！ （指引都強調水溫，其實真系唔好沖好熱水淋落頭皮度. 好刺激架🥵💢 ） 我使用一段時間感受最主要防脫效果都幾顯著！ 🤞👏洗完頭髮浴室都執少左掉髮！ btw . 育髮就需要再長D時間見證, 我宜家都慢慢多左D毛毛碎系個頭頂！😍😘 如果sis們都有產後脫髮問題 都真系可以試下！ 💕💋

SUM好用推薦：感謝@Cosme 讓我有機會體驗Scalp-D 「豐盈藥用防脫洗髮露」和「滋潤藥用防脫洗髮露｣。因為最近幾個月出見脱發問題，只要一梳頭就有幾十條頭髮脱落，洗頭嘅時候更加嚴重，每次都會甩好多頭髮，今次係第一次試用防脱髮嘅洗發產品。 試用一個月呢過程，防脱髮效果不算太顯著，不過洗髮水和護髮素的香味、質地和順滑效果不錯，令人想繼續使用，洗完頭也有蓬鬆感和柔順感。長期使用下竟然在洗頭時發覺脱髮情況大減，每次只有數條，而乾髮梳頭時更加只有2、3條脱落。另外，係頭頂好明顯睇得出之前脱落嘅頭髮已經生返出黎，睇得出防脱和活髮效果顯著。 產品容量不算太大，只有350mL，大約比平時用開嘅洗頭水細一半，不過好彩每次只需用一pump便夠，泡沫足夠，所以使用了一個月後洗髮水仍有半枝，而護髮素更有大半枝！其中一枝瓶身有凸紋，即使合埋眼洗頭都可以分辨到邊枝係洗頭水或護髮素。 最後，雖然價格不算便宜，但如果有脱髮問題而又想短期也善的話，我會很推薦這個洗髮產品！