jessvenusfung好用推薦：多謝Cosmo抽中咗試用呢支精華， 我本身是混合偏乾性加季節性敏感肌， 試用了兩個星期，每天用一次，由於是A醇，所以只在晚間使用，隔天日間一定會用防曬，整體來說，呢支精華更加像乳霜，面霜，滋潤程度不錯，更適合秋天使用。 （*****為滿分） 整體合適度：**** 「整體膚感不錯，夏天用略嫌有點太滋潤」 質地：乳霜到面霜質地 乾爽程度：*** 「比一般精華更加滋潤」 滋潤程度：***** 「秋冬使用會更加不錯，夏天略為有點太滋潤，如果屋企開冷氣的話使用效果會更加好」 抗皺效果：*** 「使用14日後，虎紋位置淡了一點點，不期望會完全消失，陳年深頸紋好似淡了少少，但係 效果不明顯」 導敏度：* 「使用後，基本上沒有敏感」 質地大概是乳霜 使用前： 使用後：

LenaC好用推薦：精華篇🤣 終於的起心肝 試咗Kiehl's嘅醫學淡紋緊緻再生精華（Retinol Skin-Renewing Daily Micro-Dose Serum） 一直唔夠膽用A醇 因為成日聽人講敏感肌膚唔適合用 好驚會用爛塊面 不過最終都係踏出咗呢一步 而我一啲都冇後悔 Kiehl’s 嘅retinol A醇劑量啱啱好 適合每天使用 質地係滋潤乳狀 好易推開 搽完感覺其實就好似保濕乳霜咁用咗一排 我覺得毛孔係緊緻咗 皮膚都好似白滑左 好似生左一層新嘅肌膚咁🍑 最緊要係 皮膚無特別不適感或異常敏感症狀#BA照

Karychung好用推薦：桃味好香 如果鍾意桃味都可以入手 因為我係油性皮膚，所以我覺得幾好 唔會笠 同埋因為佢係用3至5分鐘 乾燥就10分鐘 如果好忙嘅時候都可以快啲用完訓教

Tiffany好用推薦：得個《香》字的面膜。蜜桃味好似好Fresh，似足真正的蜜桃。但敷完好似敷左一陣風咁，基本上無乜補水感，鍾意蜜桃味既可以試下

皮皮爱马桶好用推薦：Lamer经典的面霜，非常滋润，比较适合干皮，质地比较厚重绵密，需要在手心乳化成半透明状后再使用。 本人是混合偏干的肌肤，这款面霜更加适合在秋冬季节使用，

Sarah好用推薦：#秋冬愛用美妝 秋冬天氣乾燥時適合使用la mer 的crème de la mer 精華面霜，佢雖然貴，但護膚效果好。晚上用完要一些時間吸收，第二朝早起身洗面會發現皮膚潤澤更有彈性，面色比好，減少咗膚色不均的問題。但暫時未有毛孔變細，有待觀察。 夏天用會覺得佢質地好油，所以比較適合乾燥時候使用。網上有很多種使用方法，人人都不同，我的是在手心用手指將面霜抹開，令佢乳化再塗上面，最後再用手心將殘餘的微量面霜敷面和頸。 （如果沒有乳化會很難在臉上推開。）雖然步驟有點麻煩，但護膚過程幾開心，因為Creme的味道幾香，而且一塗上臉就有被滋養的感覺。

Fish Tse好用推薦：我好中意薰衣草陣味，可以令人安定心神，改善焦慮同放鬆等功效而且味道仲好好聞添，所以見到哩款磨砂面霜就心郁郁想試 為肌膚磨砂清潔係每個星期都要做既事，普通磨砂建議每星期用一至兩次可以清除角質令皮膚更加乾淨同埋吸收後續既保養產品會更加好 哩款磨砂潔面二合一性質溫和，唔會對皮膚做成負擔或者使用過度會傷害肌膚，可以每日都使用 當中天然荷荷巴磨砂粒可以為肌膚去除角質、淨化毛孔，亦含有死海礦物質同復活草精萃可以為肌膚作平衡同補水 磨砂洗面係呈薰衣草紫好夢幻，取量唔需要好多都夠洗全面，我會取大概$5銀份量既磨砂加少少水溝埋之後就開始上面打磨，係重點位置T字位、下巴位打圈，沖洗之後就會覺得好滑捋捋既感覺

CLS24好用推薦：官方稱佢係面部潔面霜，可每天使用。雖然佢既磨砂膏幾幼細，摸上手得食鹽咁細粒，亦好滑身，但我都唔敢日日用😂皮膚狀態好既日子會一星期既早上用2-3次，順便洗面。夜晚要落妝/卸防曬所以就用唔著啦，廢事刺激皮膚太多啦！ 佢有薄荷粒子，邊用邊涼浸浸，其實都幾舒服，冬天朝早用過，非常醒神😂用後都保濕，皮膚細滑！ 如果想朝早用物理磨砂既話，可以考慮入手！但Sabon同類型既產品我會考慮買死海三合一面膜多d，因為可以做埋深層清潔！！

saraleungyc好用推薦：多謝Cosme邀請第一次試用產品 Step 1 The POREfessional Get Unblock 暢通毛孔深層潔淨卸妝油 卸妝油有微微香味，我覺得可接受，但唔鍾意香味既人要諗諗。質地比較稀，卸妝唔錯，落得都算乾淨，但本身油性皮膚既人需要再用洗面產品洗多次。 Step 2 The POREfessional Good Cleanup 清潔滑溜潔面泡沫 質地水狀，較難起泡，我比較鍾意多泡啲既感覺好似清潔啲。用左兩個禮拜，收細毛孔既效果就未有所以普普通通。 Step 3 The POREfessional Deep Retreat 深層淨化毛孔泥膜 因為本身係T字位多油就唔用哂成塊面，有清潔到少少油脂但黑頭仍然係到，睇黎我啲黑頭太頑固都冇咩辦法😭Step 4 The POREfessional Tight'n Toned 緊緻毛孔爽膚泡沫 雖然介紹話用呢個爽膚泡沫係唔需要用化妝棉，但我個人覺得用番化妝綿感覺乾淨啲，啲泡好快化開變水，同可以輕輕去角質，唔建議日日用，兩三日用一次就ok。之後要搽番啲補水既精華。Step 5 The POREfessional Smooth Si

jessvenusfung好用推薦：Benefit Cosmetics MORE FOR PORE 主要針對毛孔阻塞、粗大、粗糙感！迎接細緻毛孔、均勻平滑肌! 自己本身混合，偏油性肌膚，由於工作需要，需要成日化妝，可能平日卸妝清潔功夫做得唔夠,皮膚毛孔粗大, 黑頭白頭都有 使用期：16日 整體使用感：4/5 我使用完16日之後，由毛孔粗大，黑頭白頭都有愛有，到毛孔明顯減細，黑頭少咗👏🏻 Step 1 : The POREfessional Get Unblock 暢通毛孔深層潔淨卸妝油本身好討厭用卸妝油，但係佢又真係卸得好乾淨 用後感：4/5 清潔力好，膚感不錯的 Step 2 : The POREfessional Good Cleanup 清潔滑溜潔面泡沫 用後感：2/5 質地就是泡沫，不過略嫌清潔力不足 Step 3 : The POREfessional Tight'n Toned-緊緻毛孔爽鬳泡沫 由於成份包括AHA果酸, 所以，開頭用嘅時候需要有耐用期，但是用了一個星期之後, 毛孔粗糙感有明顯減少 用後感：4/5 Step 4 : The PORE

candyiu好用推薦：好開心今次@cosme 有SkinCeuticals既試用機會！ 想試呢枝濃縮維他命 C E Ferulic 精華好耐好耐，但因為佢都要$1580 30ml,所以都會有啲顧慮。 官方話進行激光療程前2星期使用#CE抗氧精華可鞏固皮膚基底，增強療程間耐受性。但未去到做激光療程之前，我都已經感受到佢既效果。雖然試用裝得4ml好似好少咁，但足夠對日日朝早搽全面，我係無慳住用，成個星期過去都仲有大半～ 佢既流動性好好，好易比皮膚吸收，係會有少少味，但好快散走，不過因為有維他命C,所以搽完一排我個手指頭都黃左😹所以大家搽完記得即刻洗手先 官方比出臨床測試證實使用 12 星期後，有效逆轉 8 大衰老跡象3： ✓ 減退皺紋 -36.0% ✓ 提升肌膚緊緻度 +37.4% ✓ 提升肌膚彈性 +36.6% ✓ 均勻膚色 +45.1% ✓ 提升肌膚光澤 +44.8% ✓ 淡化色素沈澱 -39.5% ✓ 改善膚質 -43.2% ✓ 提升整體外觀 +44.6% 咁啱試用期間未需要做激光療程，所以希望之後可以補番比大家知做完再用佢係咪可以加快修復期。 再黎用後感，毛孔雖然未見好明顯收細，但膚質係好左平滑左，

Kay Lee好用推薦：多謝@cosme既試用活動，令我有機會認識SKIN CEUTICALS呢個品牌。 上網search先知係一個護膚科研品牌，致力研究預防皮膚老化。 而今次試用既產品係濃縮維他命C E Ferulic精華，標示”最佳LASER 伙伴，刺激膠原增生”，非常吸引。 收到當晚立即試用，精華係水狀質地，好易推開同快吸收，坦白講，味道稱唔上香，但不至於難聞，可接受。 前日做完facial後用，感覺比之前泛紅少左，皮膚復完期快左，會keep 住用。

Gloria好用推薦：多謝今次JOSERISTINE 皮奧寧袪痘系列 @cosme的試用活動。 先講講我的皮膚習慣三十歲的混合性皮膚，偶然會生痘痘，痘印要長時間淡化，所以痘痘爆發期會累積大量痘印。 主要用滋潤性護膚品認為皮膚水份充足，會減少出痘痘，不用袪痘產品。 然後用了三星期 整個皮奧寧袪痘系列（包括 強效消炎膏，清爽乳液，奇跡面膜） 我覺得三樣產品都互相有功效，而面膜亦好重要，雖然相片中看到依然很多痘印，但根據過往經驗，痘印淡化快速了，而且紅紅的發炎皮膚亦加快癒合了。 因為係袪痘產品，我本身都擔心有刺激性，但呢隻面膜非常溫和，除了第一次打開時會聞到濃烈的袪痘產品有的草本味，敷上面上會有薄荷一樣的冰涼清爽感，但不會令傷口有不適，用後皮膚會很滋潤，但當然不會是用一次就會發現痘痘會痊愈，性質上更加類似補水面膜。 因為皮膚本身不夠滋潤會痕癢。所以一向有敷補濕面膜的習慣，呢隻對我黎講就係痘痘爆發期用的補濕面膜，我覺得有機會我是會再買來用的。

Karen好用推薦：係定期護理面部嘅好用面膜！ 蘊含來自日本🇯🇵針對痘痘嘅皮奥寧成分, 具有強效抗菌作用, 有效急救、鎮靜及舒緩痘痘肌膚！另外, 有助平衡肌膚嘅油脂分泌、收細毛孔、淡化痘印, 回復細緻平滑肌膚！面膜係絲質嘅質地, 好貼面同親膚, 精華亦吸收得好好👍🏻！敷嘅時候有涼浸浸嘅感覺, 過程好舒適, 唔會有任何負擔, 能夠感受到肌膚有滋潤嘅感覺～ 敷完之後, 肌膚摸起來好光滑, 能收細毛孔、平衡油脂分泌、消除面部泛紅問題, 瞬間提亮了✨！肌膚好似飲飽水咁, 回復亮澤, 水嫩保濕💧, 痘痘肌舒緩咗好多, 亦明顯能減退發紅現象！我而家每星期都會使用皮奥寧祛痘奇跡面膜套裝2-3 次, keep住白滑臉蛋同防止生痘痘！

dor.r好用推薦：呢支皇后水聲稱可以緊緻毛孔、去黃同保濕，仲可以定妝！淨係聽到收毛孔已經好想試😆首先佢面頭有一層薄薄嘅精油，噴之前要搖勻，噴霧都幾均勻細緻，有清淡嘅玫瑰同少少薄荷香味，噴上面嗰下幾冰涼幾舒服，不過跟住就嚟料喇🙈🙈🙈 幾秒之後就feel到唔對路，塊面冰涼得好過份，而且眼周皮膚好乸！好攻眼！好刺鼻！感覺就好似搽咗白花油喺眼邊咁😭😭😭跟住我眼水鼻水直出，立即衝去洗面，但係用咗兩次洗面泡都洗唔走啲「涼爽」嘅感覺，不過稍為好少少冇再標眼水，但塊面都係keep住咁「涼」，大約10分鐘後感覺先慢慢減退…我一向都唔係敏感皮膚，好少會對護膚品有咁大反應🙈唔知有冇人用過都有同樣感覺呢🤔可唔可以分享下🫶🏻 其實撇除咗佢乸眼嘅感覺，呢支噴霧保濕效果都算唔錯，可能有精油成份噴完皮膚好滑溜好水潤💧至於收毛孔同去黃功效我就冇辦法試到喇🥹因為真係太刺激用唔到，不過夏天用來噴身應該會幾舒服😅

mssylviaa好用推薦：一開始係俾呢枝皇后水嘅漸變色樽吸引，聽完店員推介話呢枝係明星產品，係爽膚水融合天然精油，補濕之餘多一份護膚功效，份外鎖水，我就買咗一枝放公司枱頭。 爽膚水最面有一層薄薄精油，用前要先搖勻，隔30cm左右嘅距離噴於面上。噴出嚟嘅水霧比同牌子另一枝補濕噴霧，相對再微細啲。噴時有涼涼的舒適感，味道都好好聞，份外醒神。噴完好快就吸收晒，立即覺得乾到繃緊嘅皮膚得到舒緩。 不過我只係用嚟做office嘅補濕，如果用作洗完面嘅toner，補濕力未必足夠～

kvet好用推薦：多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

sharonchowcc好用推薦：近年Skin care promote喺skin care routine入面定期用酸類產品去達到煥膚嘅功效。之前都有試過用唔少酸類產品，但都因為刺激皮膚，用完皮膚紅所以無用落去。今次第一次用Kiehl’s醫學三酸煥膚精華，連續用咗14日，以下係我嘅使用感受🙆🏻‍♀️ 產品性質：質地比較輕盈嘅精華，吸收速度較快，易推開。無明顯香味。 用後感：連續用咗兩個禮拜，明顯皮膚少咗粗糙同暗粒，平滑咗，皮膚明顯有光澤咗 (真係識反光)，無再好似之前灰灰暗暗，嚡熠熠咁😹膚色明顯平均過以前。毛孔收細方面，因為本身毛孔唔算好大所以無太大感覺。本身 最想大讚嘅地方係，依款精華做到酸類產品要做到嘅功效外，更好溫和一啲都唔刺激。之前用酸類產品經常會用到甩皮同皮膚發紅，但依隻連續用咗14日都無依個問題出現😍夏天用佢唔會太笠得黎都唔會太乾。 總結：大推俾膚色暗沉想改善，敏感肌，之前用其他酸類產品有不良反應嘅人。用完依支會想再買第二支😆 使用步驟：洗面後，先用醫學三酸煥膚精華，隨後使用醫學維C淡斑精華達至最強亮白效果。 再塗上保濕霜及防紫外線產品。 Before & after: 質地：

🌸好用推薦：多謝@cosme 邀請我試用Sofina iP嘅兩款新產品：土台美容液同埋角質層修護凝露。 最近天氣極度乾燥，對於本身係乾敏肌嘅我嚟講，呢種天氣無疑係雪上加霜。我嘅工作需要捱夜同輪班，工作壓力又大，令到皮膚暗沉無光，毛孔粗大，泛紅過敏。呢個係我使用產品前嘅肌膚狀態： 我根據返使用建議，每日早晚洗面之後，擠出慕絲狀嘅土台美容液約3cm，直接放置面上，再用指尖輕輕按壓，再根據返指示進行面部按摩。 泡沫狀嘅土台美容液不但沒有對乾燥皮膚造成刺激，而且因我佢嘅精華只濃縮至只有毛孔嘅20份之1咁嘅大小，吸收速度比一般肌底液更快、更容易，為肌膚注氧。輕盈的泡沫質感，氣味清新。 慕絲精華含有嘅碳酸分子可以加速新陳代謝，加快皮膚細胞吸收養份，同時加速排走老廢物質，達到肌膚煥然一新嘅功效。 呢個係使用兩日後嘅效果： 雖然仲有少量暗粒，但乾敏泛紅已得到大力改善，暗啞嘅膚色亦稍為提亮咗少少。 以下係使用兩星期後： 膚色變得更有光澤，毛孔比未之前更緊緻，暗粒同敏感得到改善。 以下係使用三星期後： 肌膚狀態愈嚟愈好，完全冇缺水、乾敏、泛紅，乾紋消失，肌膚嘅紋理、暗沉、粗糙同鬆弛嘅問題都解決晒！肌

Che SY好用推薦：感謝@Cosme的試用品，雖然可惜今次沒有機會試到同系列的角質層修護凝露，不過單用士台美容液就更可能試真一點單用的效果。 本身自己的皮膚偏乾，冬季更是乾上加乾，鼻翼、唇峰更會乾到脫皮，可算是超級大乾皮，一直以來護膚都會衝著保濕、鎖水等。今次士台美容液主打注氧、修護、穩定等等也讓我很好奇在秋冬天氣下能不能幫到忙。 連續用3星期，我可以說絕對有幫助～ 雖說名字是美容液，但按出來卻是泡泡，說明寫了使用量是直徑3CM，我用過後覺得一半就很夠用全臉（利申大臉人士）。泡泡的質感不是抹開就消失的水感，而是偏向滋潤、保濕感足夠，足以在臉上按摩1-2分鐘。直到完全吸收後，臉上保持滋潤，我通常日用都不會上精華，只補上面霜上妝也不太會乾，明顯比一般爽膚水更有保濕功效。 一向在乾燥天氣，皮膚會整不穩定的我，近一個月有明顯改善，雖然仍然是偏乾肌，但是脫皮、泛紅有減少，感覺肌膚的狀態有好轉，用完後也會繼續購入使用喔～ Before:After: