海外美妝 推薦好用產品

🌸好用推薦：保濕度高，使用後，眼影色澤持久。而且保濕度高，乾性皮膚嘅恩物，秋冬使用一流！

choichoi好用推薦：沒有因此令眼影持久，油眼人一樣會暈染；倒是很助眼影顯色

mavis好用推薦：第一眼見到就好鍾意粉紅色閃粉嗰格，所以即刻入手❤️‍🔥成盒嘅顏色配搭好適合化春夏天嘅妝容，好靚好鍾意

jaye好用推薦：九宮格設計，粉質夠細緻，唔會點飛粉，特別係閃粉既質地值得一讚，但覺得顯色度比起韓牌更低，淡妝都可以用下，較喜歡韓牌眼影。

wingche好用推薦：意想不到咁好用嘅妝前必需品！ 之前購買M.A.C嘅卸妝油時，sales送sample時，問我想要控油定補濕，監於最近天氣比較乾同凍，我揀咗補濕。朝早搽曬日常護膚程序後，搽粉底前用佢。一打開就係好水狀嘅白色乳液，好容易推開，搽完有種保濕面膜係面上咁，同埋毛孔好似blur咗咁，之後搽粉底都好似特別貼服咁。 到下午嘅時間，粉底都仲好貼服，面油都好似少咗咁，唔洗太補碎粉。 最開心係冬天有少少甩皮嘅日子，都可以好似「護膚膠水」咁撫平甩皮嘅地方，攪到我好心動💓買貨裝用！

wintonggg好用推薦：保濕度好高，妝前搽可以令之後上妝更加帖服，本身係乾性肌膚，依款可以提供足夠保濕，唔錯

LenaC好用推薦：Visee 呢款肌底乳深得我心 在肌膚一抹 由白轉變粉紅色 皮膚瞬間充滿自然紅潤感 輕鬆打造透明感美肌 潤澤度：🌈🌈🌈🌈🌈 （添加 91%美容液成分 上粧同時滋潤肌膚） 延展度： 🌈🌈🌈🌈 （輕抹可塗勻全面） 透明感：🌈🌈🌈🌈🌈 （瞬間提亮肌膚 打造瑩亮美肌） 遮瑕度：🌈🌈🌈🌈🌈 （ 有效修飾毛孔） 持久度：🌈🌈🌈🌈🌈 (能夠吸附多餘油脂 維持長時間不易泛油光） 防曬度：🌈🌈🌈 （SPF30 保護肌膚不受紫外線傷害 冬天夠晒數） 重點：無添加香料 敏感肌適用❤️❤️ #派對完美底妝 #火熱新品

Verna好用推薦：這款妝前乳是白色的，很容易推開，推開後感覺都幾清爽，完全沒有黏笠感 戴了口罩後，我已經很少用粉底，但我仍然會用有修飾功效的primer打底。這款妝前乳搽上面後，皮膚明顯變得有光澤，而且有點紅潤感，毛孔也變得不明顯，所以我通常搽完它，再薄薄上一層碎粉，就出門口了 而且它有SPF30 PA++，如果不是有戶外活動，只是平日返工行街的話，我有時也會貪方便，只是搽它而不另外搽防曬乳 #火熱新品

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

綺羅香好用推薦：感謝@cosme送 addiction 眼影盤😍，好早之前已經收到，因為顏色偏秋冬，所以一直未有機會用，依家拎出嚟用正好 呢盤眼影嚴格嚟講唔係屬於晴藝眼影組合，而係癮炫訂製入面嘅006號First Romance，外盒係會反光漆黑鋼琴面，幾易留指紋，要經常抹，四格眼影排位同其他有少少分別，啡色霧面色放咗係右上角，左上角就係好靚金橙閃片，下面分別係帶紫調嘅磚紅緞光同帶暗閃嘅紫啡色，眼影質地好順滑，顯色度好高，正好適合配合化一個聖誕party妝，既浪漫，又嫵媚

🌸好用推薦：#火熱新品 我一直以來都係YSL嘅粉絲嚟，得知佢哋推出咗新嘅遮瑕膏之後，就迫不及待買來試啦❤️ 我喺專櫃購買嘅時候，佢仲贈送咗一張試色卡畀我，可以體驗吓唔同嘅顏色。我買嘅顏色係LC2 我本身都係偏乾嘅皮膚，成日都好驚啲遮瑕膏會乾巴巴，搽咗之後會起裂紋。呢隻遮瑕膏嘅質地水潤貼服，質感透薄自然，而且遮瑕度相當驚人！我用咗我自己粒癦嚟試畀大家睇。呢個係使用前：呢個係使用後：粒癦係完全遮蓋咗🤣睇落相當之自然。專櫃嘅職員仲教我深色啲嘅遮瑕膏可以當shading咁樣使用，竟然可以一物二用，正！ 佢完全唔乾，非常透薄，妝感接近零，一年四季任何場合都適用。

Ressie14好用推薦：#火熱新品 當我在尋求遮瑕液產品時, 剛好碰上了YSL Beauté 在香港上市「恆時輕透霧光全效遮瑕液」。 本身想試LM牌 很火的遮瑕液, 但身為YSL fans既我都係要俾機會YSL先。 買左兩支，一支LC5 (黑眼圈用），一支LW7（面部瑕疵用）， $370一支。 呢支新恆時輕透霧光全效遮瑕液, 遮蓋黑眼圈效果我好滿意;上妝6小時後輕微積線在所難免 ; 但勝在水潤度高, 好貼服。 至於遮蓋肌膚瑕疵方面 就表現一般; 例如我腮位有一處深色but平滑既暇疪, 10小時後係會甩左啲（8am化完，6pm觀察）。 一支遮瑕液可以高達15ml容量, 而且包裝酷酷的, 櫃姐推介可以作當埋出街溶妝時補妝用途。 往後呢幾個月就日日用佢啦。

karun好用推薦：學化妝推薦用1028這個6角形筆頭的眉筆，非常容易勾畫眉型，用另一端的刷子刷一刷就能塑造完美眉型，夏日出門都不怕溶妝，一天下來都保持得很好，非常喜歡！

Lumi Kwan好用推薦：color- 04 soft brown 而家香港屈臣氏都引入咗好多唔同地方嘅品牌，我見到呢個台灣品牌個感覺幾型格，而且價錢好親民，所以就買咗一支眉筆返嚟試吓，平時我都好少買台灣品牌。用過之後覺得佢嘅時裝能力都幾強，而且好容易畫，佢個筆頭係斜角型，所以都畫到一條條眉毛嘅效果。cp值高，平價之選。 對比圖: 由上而下- M.a.c , 1028, laneige

mlccs30好用推薦：看到官網示範時就很心動了，包裝超可愛，當場到實體店買了個試試看。 粉質很細很美，擦上去很像本來就有的光澤，不會太誇張。 而且擦在颧骨附近，會有讓人想掐你臉蛋的沖動耶，拿來騙男友應該很好用(´▽｀) 提供的照片有調色，因為想突顯中間的芯體哈哈哈，外殼現實裏再實色一些，沒這麼淺粉

jackielai好用推薦：隻色好靚，好啱春夏季用，畫出嚟嘅妝感好自然，顯色度唔算太高，新手用都唔怕失手，而且價錢真係好平，包裝又靚，絕對值得入手。

SKY好用推薦：買的是8號冴褐色，看網上試色覺得好看就買了，但是第一次使用時覺得比網上看到的更紅，不是我想像中的楓葉色，就不太喜歡，也沒有再使用了。最近又把它拿出來用用看。又好像比印象中的橘色很多，又重新喜歡上它了～ 薄塗： 厚塗： 唇膏不會很乾，實際上看會比拍照深色一點點。好喜歡。 另外附上其他服役中的深色唇膏手部試色以供參考： 左邊是Laura Mecier 5號色 Brun Naturel ，偏冷色調，但其實上嘴冷色調不太明顯，很適合暗黑的妝容。 中間是Suqqu 8號冴褐色，明顯偏橙色，適合黃皮。 右邊是MAC Chili，明顯偏紅，不太喜歡，上嘴會顯老。

Fng好用推薦：買咗12號色(流月)，係好靚嘅橙啡色tone， 半光澤妝感，適合黃皮膚使用，夠顯白，持久度就一般，食嘢之後剩下兩三成色，要補妝，但滋潤感夠，同埋搽上唇有清透感， 滋潤觸感舒服，冇黏笠。

lingbb好用推薦： 一物多用通常都好吸晴，呢款有哂提亮同遮瑕令人心動。而且可單獨使用或在粉底後使用。👍🏻👍🏻 但使用方面對我黎講有難度🧐 遮瑕質地係厚身d而且唔算好乾， 但用手blend我覺得有d難遮，需要用掃先易遮到紅印， 提亮既質地明顯薄好多， - 係遮瑕咗既位置上提亮要非常小心，好易會推走遮瑕 - 使用完後，覺得試用品比起筆會更加方便，因為有哂幾隻顏色，可以適合唔同顏色既瘡同印， - 而且想像到用筆直接上遮瑕會好難使用，因筆頭比較圓，最後都係用手指或掃上。 - 而提亮方面比較適合好暗沈既瘡用，但使用上都非常困難。 - 所以我遮完應該唔會再疊加提亮， 提亮會用係我自己喜歡既地方如Ｔ字位﹑眼底﹑咀角位置。 - 另外呢款遮瑕遮唔到較凸起既瘡位，質地係好滑身但遮瑕度唔算好高，如果係細微瑕疵如雀斑會比較易遮。整體而言唔會入購了。

Hazel好用推薦：鍾意佢雙頭筆型嘅設計，結合遮瑕同提亮於一身，簡單一掃即時遮住黑眼圈、色斑、痘印同埋毛孔等瑕疵。同時又可以提亮膚色、突出眼部輪廓，眼周即刻回復立體飽滿。

劉肥貓好用推薦：容易推開 唔會有難聞嘅臭蠟氣味 價錢要二百幾蚊潤唇膏嚟講價錢可能貴了一點

Tjhinn好用推薦：外殼粉粉的很漂亮，質地滋潤，打造自然飽滿祼唇感覺，不過護唇膏來説價錢較貴

Lumi Kwan好用推薦：係因為顔色靚所以買，Color mascara以日牌顔色較低飽和度(相對歐美ysl, L’Oréal等)，而且addiction 日雜誌狂推，所以喺香港唔紅都算可惜。 顔色係橙色，掃頭都幾易刷，但較難用落下眼睫毛，份量一拎會較多，所以第一下要小心，相對持久度高，缷妝一定要用眼部專用，而且要落兩次。

rachelnoni好用推薦：用的是02號色，rusty brunette 棕色，顏色自然又易襯髮色。一塗上睫毛就根根分明，最好是不會結塊又不會暈染。易卸妝，一抹就可以。會再回購其他顏色。

Rosa好用推薦：第一眼已經被它的外型吸引住，華麗又精緻！專程叫妹妹着日本買回來。我覺得他適合乾性皮膚使用，粉質細膩，剛剛上粉的效果係最漂亮的，透薄自然。我嘗試在炎熱夏天使用，感覺會有點不夠乾爽 去到中午基本上都會溶妝 所以我建議可能入秋，或者乾性皮膚使用效果相當不錯

綺羅香好用推薦：睇包裝系列，幾年前已經好想買天使蜜粉，點知俾疫情搞到好耐都無得去日本，最後唯有搵代購（松本清都有，不過新版無咁快上） 天使蜜粉分兩個版本，一個周圍都有得賣嘅常規版，一個淨係得專櫃有嘅GR版，粉餅成分當然係GR版比較好（原來香港都有專櫃），我手上呢款係常規版，佢每逢雙年份會出厚盒版，我拎過上手，厚度大概有一般兩個普通蜜粉餅厚度以上，用完可以直接當飾物盒用，單年份會出薄盒版，容易帶出街多啲 每年天使蜜粉都會有一個主題，而今年係創造幸福，粉盒同粉餅上面嘅天使好可愛，暫時未捨得用

Blueblueblue好用推薦：matte 款適合油肌人士。 出油會變奶油肌，能修飾毛孔。 會回購。

wintonggg好用推薦：好輕薄，上妝都好貼服，一到兩個度嘅暗沈，但接受到，買一個有一個補充裝送，性價比高

Tsoi Pik Ying Iris好用推薦：本人為油性敏感肌膚，因為呢款產品相對比較保濕，所以比較適合係冬天使用。 冬天使用既話因為太乾而導致既泛紅同甩皮問題會減少 但如果夏天使用相對就會比較厚重，同埋容易出油

lucrezianoin好用推薦：冇色既conditioning cream, 素顏必備! 有防曬效果, 而且仲好保濕. 價錢又唔貴, 已經回購咗兩次 :-)

inkitsung好用推薦：以Lancôme咁多支粉底液嚟講，absolue 系列呢支最好用！ 佢好滑好滋潤，質地亦都透薄～ 就算化完成日妝，落妝個下你都係覺得自己皮膚好左，完全唔傷皮膚～

Tsyyy好用推薦：色號130 係自然調 圖係舊包裝 係一個好滿意嘅粉底 有一種自然光澤感 遮暇中上 又可以持久 不過疫情下點都要做好定妝 個效果係令人覺得天生皮膚好好 跟粉底會送一個掃 不過唔好用的

jojoma123好用推薦：帶有微微香味的粉餅,混合了多種色調於一身,只要利用化妝掃打圈取出適當份量,然後輕掃臉部,可以有打亮肌膚的作用,令膚色更均勻白皙.

Noel好用推薦：我跌爛了這個compact 😭 蓋子斷了😭 所以用了其他產品空盒安置~ 這個係衝著顏值入手的🤣 打開粉盒，會有淡淡小黑裙香味💕 定妝粉輕掃全面好治癒，香氣消散速度快😆 粉餅由：白色、米色、綠色、深粉色、紫色組成，手指掃3圈左右，會有薄薄一層白色(上面透明色) 粉質 🌟🌟🌟🌟🌟🌟 遮瑕 🌟🌟 控油 🌟🌟 持久 🌟🌟🌟 價錢 🌟 個人覺得它未必可以完美定妝，因為會 cake，控油功效不多❗反而適合做定妝後既 touch up，定妝後用 Voyage 輕掃全面，令妝容更柔滑，並提亮膚色🤗 雖然，我好喜歡里個粉餅，但實用性偏低

chasiutung好用推薦：本人混油肌 膚色大概黃1.5白ysl 銀氣墊用 b30 主打霧面妝感控油持久不脫妝防曬SPF50/PA+++剛上面有點白氧化之後色號剛好 遮暇度高 輕輕上一兩層粉底就已經好足夠 黑眼圈嗰d位都吾洗加遮瑕 但依款粉感會有點重 霧面啞緻妝效 控油效果吾錯 持久度都算高 我平時夏天用銀氣墊 無用定妝產品 都keep得吾錯 T字位會出油 吾算嚴重 下巴位同鼻邊會輕微浮粉 係可接受嘅範圍 因為我用氣墊粉底妝 懶得定妝 下午補一補就可以了 整體來講算吾錯 個銀氣墊秋冬會有點乾 秋冬我就會用新版羽毛氣墊控油持妝都吾錯 妝感比銀氣墊薄 同滋潤d 但遮暇度就真係無銀氣墊咁高 無卡粉 無浮粉問題 妝感真係幾靚 兩款都好鐘意 但個人比較喜歡新版羽毛氣墊粉底嗰種日系奶油肌嘅妝感 我覺得同銀氣墊嘅控油同持妝能力 差吾太遠 兩款都好好用 右邊係恆時啞緻氣墊粉底B30 左邊係昇級版輕透無重羽毛氣墊粉底B25

pigpig好用推薦：油性皮膚友善 上臉輕薄清爽不會顯毛孔 遮瑕度中上 容易推開 係眼圈位置可以疊加唔厚重 屬於絲滑質感 防水防油 表面都唔會有黏笠感覺 唔癡口罩 。 夏天出入商場完全唔補妝可以堅持全日 。如果全日都係戶外需要中途補妝但持久度都唔錯 。我用附屬的工具已經可以完美延展 在氣墊中屬最適合油性皮膚

Sarah好用推薦：自己本身嘴唇比較乾，所以鍾意用唇彩，佢水潤同顯色，不過質地比較立痴痴，好多時會黐住頭髮。

chasiutung好用推薦：Bobbi brown 柔滑亮澤唇蜜 質地好透薄 韓式玻璃唇效果 我買嘅色號係slow jam 顏色係類似紫紅色 本人係深唇色 膚色黃1.5白 搽上唇搽左好似無搽

Vlee好用推薦：#A89 Lujainglam 深紫紅色 上一層已經非常顯色 霧面但不會太乾，沒有緊繃感覺 比一般霧面唇膏滋潤 卸妝不會太困難

格仔餅公主好用推薦：直出霧面唇妝感，有少少顯唇紋，持久度好高，基本上唔飲水都唔太甩甘濟