kathy.lhy好用推薦：多謝cosme嘅試用邀請🥳 今次係第一次用shu uemura呢個牌子🙈 <外觀> 佢個樽有啲磨沙質地feel 幾靚~ 另外特別想講個樽蓋 佢都有啲小心思 呢個設計會令到蓋得實啲 冇咁易甩出嚟!! <質感> 一開始吱咗啲上手睇下質感 我覺得呢隻粉底液比較流質 水啲 <試用> Before: 呢排皮膚狀況麻麻 塊面多粒粒 After(1): 今次試用嘅係564 Medium Light Sand色號 顏色方面貼近我原膚色 所以唔會有特別大色差同兩截色嘅問題🙈 因為佢比較液體 我用粉底刮刀可以好容易咁控制份量👍🏻 幾中意佢可以做到一層薄薄自然嘅粉底 唔厚重 淨上完粉底之後 可以見到佢幫到手調整整體膚色 同遮到部分暗粉(額頭) 但略嫌遮瑕度唔夠勁(例如鼻附近嘅毛孔) After(2): 最後上咗粉定妝 同做咗啲遮瑕 整體感覺唔錯🙈 化完妝都唔會好厚重 好粉 反而偏向自然 After 5 Hours: 整體上其實都keep得ok 平時化妝出街一排就會開始出油 要補少少粉咁 但今次呢個係冇出過油!!! 不過可能油性皮膚效果會再好啲 我自己混合性就略嫌有啲乾~ (可能吸油效果太勁😂😂

Sogno夢好用推薦：感謝@cosme 給予試用機會 今次試用產品是植村秀無限輕透持妝粉底液(色號674) 首先我本人的肌膚狀況: 混合油肌, 主要T 字位出油, 有少量痘印和黑眼圈首先包裝是磨砂按壓瓶, 非常簡單大方, 粉底本身帶有SPF 25 +++防曬, 足夠日常出門這是按壓一下的量, 可以看的出來粉底液非常水潤, 很好推很絲滑, 這一下的量足夠全臉上妝, 上妝工具配合了植村秀的Petal 55 粉底刷 上妝前後, 可以看出來粉底液雖然很輕薄, 但有一定的遮瑕力度, 而且感覺很清爽, 並不會有負擔, 一點也不厚重. 這是在24 度室外約6小時後持妝效果, 可以看到我容易出油的T 字位有一點淡淡的油光, 和粉底融成比較好看的奶油妝感, 並不會不舒服 這瓶主打輕透自然及控油力強, 全日保持妝感不氧化, 我認為是非常出色. 推薦: 中性 混合偏油 油肌 遮瑕:3/5 控油:4/5 服貼:5/5 持妝:4/5

Jcxjessie好用推薦：呢支眉筆已經用咗好多年，係PD05色，有小小似好深嘅灰色，但係又未去到黑色 支筆又有分三部份，一邊係一個刷，另一邊係眉筆，中間扭開係眉粉 通常我會用眉筆畫眼尾，然後再用眉粉掃眉頭，然後用隻梳梳一梳條眉，等啲顏色冇咁實，睇落自然啲！ 呢支筆好方便而且好好用，新手買都唔會錯！

Bakchoi Leung好用推薦： excel眉筆我已經keep住用左好幾年，覺得佢d色自然得來，一支筆就做到晒我要嘅效果，而且CP值亦相當高！ 我主要係用7及11號色，有時深色會用在眉尾，令眉形更立體 佢個旋轉筆頭大小適中，畫眉時更易掌控。我尤其喜歡佢個好細滑同色澤好自然且亮麗嘅眉粉，用佢個圓頭先把眉粉掃上眉，再用佢個掃掃均勻，覺得效果媲美上左眉gel，感覺仲好似更自然。 所以自從用了一支excel嘅眉筆，就成了佢嘅忠實fans，冇轉過。佢最正係好方便購買，而且好多色揀，有時如果改變左髮色，都唔難配番自己想要嘅色系。

Kayyan22好用推薦：呢枝kiss me眼線筆 基本上從細聽到大 見到無論網上定身邊既人都會推佢 所以我都入左手試試佢我揀左棕色 佢呢隻啡色唔會太高調 相較黑色亦無咁沉悶 係返工出街都可以用既顏色～ 佢上手好順滑～都十分容易上眼，可以十分輕鬆畫出唔同類型既眼線 出墨都十分流暢 我自己雖然唔係油眼 但都會擔心眼線暈染既問題 而呢枝我係完全冇呢個問題！持妝大半日都hold到冇變過 試過半日室外活動都一樣掂！我日本旅行全程都係用住佢 完全唔使擔心要補妝！ 抵讚既係 我試過拎呢枝筆比好大汗既男朋友用 但佢都冇出事 可見佢防水能力都十分好 以下係我玩左半日既實測照 完全係無脫妝同暈染同埋卸妝都十分輕鬆 唔洗刻拎眼妝卸妝液去清理就可以搞掂 如果唔想出意外 眼線筆首選會揀佢～ 而相信新手都可以駕馭到佢 因為佢真係唔會出錯！

Sophia好用推薦：Kiss Me眼線液黑或啡色的基本款受歡迎不用多說，自己都用過了好幾支，這次用的是寶石珠光系列的栗灰色，效果驚艷！顏色是很自然輕透的棕色，帶有非常細緻的金色珠光，不會過於閃爍，適合日常使用，讓眼神柔和有神。 筆尖一如基本款可以輕鬆勾勒出各種眼線線條，無論是自然內眼線還是俐落上揚眼線都能完美駕馭。出水流暢均勻，不會斷墨或暈染，即使是新手也能輕鬆上手。 持久度方面是一整天都不會脫妝或暈染，即使我是油眼皮也不用擔心變成熊貓眼。溫水即可輕鬆卸除，不會拉扯眼皮，非常方便。 如果想有新鮮感同時又保持日常妝感的朋友，都不妨試下這款寶石珠光栗灰色眼線液💖💖💖

alicec好用推薦：這款眼影色調很自然，非常適合日常妝容，無論是單色還是疊加都很容易上手。上班還是約會，這款眼影都能讓我的眼妝看起來深邃又迷人。 質地絲滑，不會卡粉、飛粉。持妝力也不錯，整天都能保持色彩鮮明。小小一個，帶去旅行也是非常方便。強烈推薦！👍🏻

PorscheB好用推薦： 呢隻日本牌子比起其他韓國牌子嘅眼影更加顯色 唔會飛粉 持色ok! 價錢唔貴但係顏色好百搭，好易用 Earth tone 係 SR01 色 基本上應該係所有人都用得到😉 係日本藥妝店買好有驚喜😀

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗

Amy好用推薦：首先感謝@Cosme邀請試用KÉRASTASE逆時光至臻修護系列產品 本身髮質細軟又自然捲，年紀越大頭髮越容易甩，所以揀洗頭水都慎重咗。 先講下試用KÉRASTASE逆時光至臻修護浴髮乳的特點先： 呢款洗頭水嘅質地偏透明，唔算容易起泡，可能要份量用多少少，味道方面係有淡淡嘅高級香氛味，聞落都幾舒服唔會刺鼻，而且香氣都long lasting。 配合埋逆時光至臻修護髮膜，於洗髮後將護髮膜塗抹於濕髮上，按摩及乳化，靜待5分鐘，再沖洗乾淨。 洗完頭吹乾之後，會配合埋逆時光至臻香氛修護精華塗抹於髮尾位置，質地輕柔不油膩，減少髮尾分叉及斷裂，依排天氣唔好成日落雨頭髮毛躁感下降咗，頭髮順滑易梳咗。而香味係玫瑰木調芳香(茶香玫瑰、淡木和麝香)，同浴髮乳味道一樣，係知性有女人味既味道！ KÉRASTASE逆時光至臻修護系列產品能夠即時改善髮質情況，持續使用使頭髮更健康更柔順，用完會繼續回購，救下我啲頭髮😆

A&R好用推薦：貪平買來試吓嘅爽膚水美顏水，用咗之後覺得好刺激皮膚，因為含有酒精，似消毒水多一點，而且味道好奇怪，不太鍾意放咗喺度好耐都用唔晒。

zetalhc好用推薦：因為有酒精比較刺激，我主要用係心口嘅暗瘡度。可以做到消炎嘅效果，但同時都會令皮膚有少少紅腫

msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。

AmyAmy好用推薦：已回購多次❤️ CP值極高，易起泡沫，清潔能力高，但用後又冇忟緊或好乾嘅感覺，我四季都用佢👍🏻

Chami好用推薦：多謝@cosme 抽中我試用一系列canmake產品❤️ 用左差唔多一星期 今日想寫下呢篇夢幻胭脂膏既心得 收到呢盒胭脂膏之前，其實我自己都有一盒，不過自己購入個盒係17號焦糖楓葉色，同埋係冇珠光既。今次收到呢盒係最新限定22號蜜柑雪葩色帶珠光，比起蜜柑，我覺得實物顏色更貼近南瓜色，而且實物比官網圖片係深色少少🤏🏻 平時都有買開canmake產品，主要係性價比高，但胭脂膏都仲係有啲失望既。其實canmake既胭脂膏顏色係好靚，令人有衝動想包色，但用後發現最大缺點唔持久，同埋拍上面冇普通胭脂咁均勻。 用法：用手指沾上胭脂，逐啲逐啲拍上面。每次我都只會沾少少，寧願拍多幾次。 用後感：係幾顯色（當下），同埋呢隻橙色好夏天好有活力既感覺，加埋珠光幾靚。胭脂膏好似啫哩膏既質地，好容易推。但係！首先要好有心機沾少量胭脂慢慢拍同推開，如果就咁點2-3點上面推開，妝感會有啲唔自然，覺得顏色唔夠均勻，需要慢慢拍慢慢堆疊。變相需要用既時間多左，冇普通胭脂粉掃開咁方便。另外，可能質地太水潤，真係hi一hi都好易甩妝。平時搭車戴口罩返到公司除口罩，啲胭脂膏已經甩得7788，加上定妝粉/噴霧先會last

Hw226好用推薦：#秋冬愛用美妝 Canmake嘅cream cheek係我每到秋冬必用嘅胭脂🫶最愛嘅係上面勁好氣色嘅16號豆沙色~雖然已經過出左一段時間，但仍然係我最愛嘅色號！夏天嗰陣略嫌太深色唔敢用，但依家終於可以用啦😍😍😍😍😍😍😍 有別於一般嘅粉狀，呢隻胭脂呈膏狀，手指餘溫就可以溶化佢，上面容易推開，一推就變左粉感，好matt唔會有油光，冇上碎粉定妝都唔會痴笠笠🫶 上手之後由左至右推開可以見到漸層好柔和，唔會一撻撻！好靚🥹 16號呢隻色真係好溫柔，係暖調人士必備，不過由於好顯色，要少量多次上面！呢盒胭脂膏雖然好嬌小，但每次上面用量都係點幾下，可以用到好耐，CP值極高！雖然要用手指上，但效果爆靚加持下，手指污糟少少都值！推薦！

Fanfanmorning好用推薦：中女恩物💛 Nivea深層潤膚露 10月一到幾日，就感受到天氣忽然變乾，尤其手腳，會乾到係咁R，R到起晒皮屑甚至R損。特別係年紀到30中，感受到皮膚越嚟越乾，以前年輕可能成個冬天只係需要搽幾次body lotion，搽一次就成個星期都唔會再乾，但而家夜晚沖完涼或朝早搽完，隔幾個鐘又會乾，係街真係少尷，唔R又痕，R又驚人哋以為我有皮膚病ಥ_ಥ。 咁啱收到@cosme 嘅Nivea深層潤膚露試用活動，嚟得實在太合時！ Nivea好多潤膚產品我都試過，例如經典嘅小藍罐，白色罐潤膚霜，但質地對我嚟講都太潤太厚。而呢隻深藍色樽嘅深層潤膚露係以前會用晒嘅產品。 深層潤膚露嘅成份有深層保濕精華，亦有對皮膚親和嘅杏仁油同維他命E，杏仁油可以滋潤同柔軟肌膚，而維他命E 可防止皮膚受自由基損傷而老化，同時可以幫助皮膚保濕和軟化角質，如果你有皮膚發炎嘅情況仲可以舒緩添，不過我就淨係乾姐。 兩種成份提供5合1全方位護理，俾你48小時深層保濕效果，同時預防乾燥、柔滑肌膚觸感、質地不黏膩、呈現健康肌膚狀態，原本乾到鞋恰恰嘅皮膚，一搽即刻又滑又細緻！ 講咁耐即刻睇下效果啦。首先每一泵嘅份量對我嚟講啱啱好，唔

cynthia_snow好用推薦：最近早晚出街覺得涼爽咗少少，即係香港終於準備轉秋啦！不過，部份日子皮膚亦有啲乾燥、痕癢嘅感覺🥹所以好開心收到2023美妝大賞身體保養產品嘅第二位 —— Nivea深層潤膚露嘅試用，呢個時候轉用呢款比較滋潤嘅潤膚露就最適合啦！ Nivea深層潤膚露成分有深層保濕精華、牛油果油同埋維他命E，經過皮膚科測試唔會致敏，適合任何膚質使用，而且特別適合皮膚非常乾燥嘅人士。 試下同Nivea其他款式嘅潤膚露比較，上圖最左邊係Nivea嘅Express hydration body lotion(普通至乾性肌膚)，中間就係Nivea深層潤膚露，右邊就係Nivea嘅雙管精萃凝乳。可以睇到深層潤膚露嘅質地唔會好杰撻撻、好厚重，係有流動性嘅，所以好易推開。 除左易推，Nivea深層潤膚露亦好易比皮膚吸收。沖完涼之後搽匀全身，唔會覺得黐笠笠之餘，皮膚亦無左繃緊嘅感覺，喺呢啲乾燥天氣更加特別感受得到，而且皮膚摸落好柔軟好滑捋捋😌 就算返工、出街出咗成日，都唔會覺得皮膚有乾燥、繃緊、唔舒服嘅感覺。雖然冇機會測試係咪48小時深層保濕，不過10幾個鐘嘅保濕滋潤就肯定冇問題啦！😆