CLS24好用推薦：本人混油/油肌，幾中意呢隻cream既質地！好易推，質感輕盈、舒服，推開亦非常清爽、水潤，𣊬間就吸收晒！溫和，零刺激，而且皮膚狀態維持得幾好！不過佢附送既膠匙仔如果可以放入cream蓋內就好啦，可以再衛生d！ 用左一段時間，覺得皮膚有細緻平滑左！BUT!!試用途中快閃左一次大阪，個幾日溫差相差10度，1日25-28第日又14-18，1日80幾濕度第日又50幾，非常反覆！！！！！連續幾日早出晚歸、帶妝8-12小時、暴飲暴食既日子下，本人番來就爛面了🥲兩邊臉頰又紅又乾又爆幾粒痘仔……持續使用又回歸番平靜了，感謝B5感謝AHC😂

kyara918好用推薦：今次試用既係AHC B5益菌修護霜~ 同其他韓系面霜一樣，附有小膠匙羹。面霜打開即刻會聞到好明顯嘅香味，好似去咗做Spa咁😆呢排早晚用，感覺好似每日都經lush門口兩次咁 ㅋㅋ 如果隻香味淡返少少會更加好。介意嘅人可能要去萬寧屈臣氏睇吓有冇試用裝試左再買。 質地方面，呢個面霜流動性都幾高，唔會好杰， 好容易推開，少少嘅份量已經足夠搽晒成塊面。上面之後皮膚感覺飲飽水，喺而家轉季嘅天氣保濕度依然好足夠，水潤得來吸收亦都好快，唔會黐立立滿面油光，混油肌用得好舒服😊不過冬天用保濕力有機會唔夠，要再等待觀察~ 用咗一排我覺得呢隻面霜係好溫和、唔刺激嘅，無論係Office坐冷氣房，或者出site工作全日，面部嘅皮膚都好穩定，可以一試。

Blehh好用推薦： 首先多謝cosme抽中今次嘅試用，本身係混合肌，因為夏天所以都物色緊去角質嘅產品，今次kanebo爽膚水嘅表現好滿意✨ 首先佢到出嚟嘅質地係偏清爽，唔會好似精華水咁稠，流動性好高亦好易吸收。另外都冇咩奇怪嘅味道，上到臉感覺到水潤舒服。用咗一段時間覺得皮膚軟熟咗，同埋變得均勻透亮。總括嚟講，覺得佢都幾適合夏天用，冬天的話可能保濕度就未必夠。另外個人覺得個泵有啲難控制(?，個角度好容易濺到周邊都係  另外附送嘅化妝棉都好鍾意👍🏻👍🏻 就張就可以分開四層，好襟用。而且佢嘅質料好柔軟親膚，唔會好「鞋」，有輕微嘅彈力，唔會一拉就爛，亦唔會起毛粒，無論濕敷定抹面都唔錯。 不過最令我驚艷係佢可以溫和去角質嘅成效。濕敷之後攞去輕輕擦面，個化妝棉即刻充滿着啲黃黃灰灰嘅老廢角質，但同時塊面都唔會覺得好乾用嚟抹頸或者其他冇仔細保養嘅部位個效果更加明顯🙀😽

saphi好用推薦：最近收到KANEBO 的雙效修護嫩膚水, 產品表示同時間可以去角質但又做到滋潤效果, 平時通常去角質就是清潔力比較強, 很難想像如何同時間會有保濕效果, 於是抱著半信半疑的心態下試用..... 呢支嫩膚水係有泵頭, 對控制份量都幾好, 質地偏水狀清爽的, 我有配合同品牌的化妝棉用, 抹面後仍然幾清爽的, 因為有化妝棉既關係, 感覺上係會好似一邊保濕又一邊去左d死皮角質, 同時間仲有另一個用法, 就係可以濕敷, 我試過鼻上濕敷, 鼻翼的角質層係容易清除, 再用化妝棉輕輕一抹都會見到黃黃的 感覺上用左一個星期, 皮膚係透亮左少少, 呢款產品我覺得夏天使用比較合適, 因為天水熱出油出汗的情況較多, 每日使用可以幫助去除角質, 又有清爽水潤的感覺, 唔會好似其他清潔產品用完扯住扯住皮膚咁, 但冬天就未必適合日日用, 冬天可能間唔中濕敷用黎溫和去角質就ok! 平時潔面後先用佢成塊面抹一次, 後續既精華都好似更容易吸收, 又或者用完佢再敷面膜, 效果都事半功倍~ 用黎濕敷腳跟都不錯的~~~會嫩滑返!

Milo101好用推薦：香氣很舒服，洗澡可以起到泡沫，雖然不算豐盈，但仍然很乾淨，同時感覺溫和

葉子🍃好用推薦：微藍色，只需小量足夠全臉，起泡很快很多，洗面好乾淨同清涼，感覺清爽但不乾，未覺得很滋潤，感覺不錯

JOYCE好用推薦：由有記憶以嚟都係一邊眼雙眼皮一邊眼單眼皮，仲要係好厚重嘅單眼皮，黐咗膠紙、膠水廿年都未變雙眼皮⋯ 幾年前見日本美妝系Instagrammer介紹呢枝膠水，買嚟試完就好似發現新大陸，原來膠水有分黏貼式同皮膜式！效果好到用咗幾年都不斷回購。 ＊黏貼式就係將眼皮黐住，形成雙眼皮效果。搽嘅位置就要距離睫毛遠少少。 ＊皮膜式就係膠水乾咗就會有塊少少硬嘅膜去撐出雙眼皮。搽嘅位置就會比較接近睫毛。 呢隻膠水要喺完成眼妝後同夾睫毛之前用，如果夾咗睫毛就好容易搽到睫毛，就會黐住一嚿。 膠水未乾之前係白色，完全乾透就會變透明，好似做手工嘅白膠漿。雖然有少少令面，但唔需要擔心影響妝感。解決呢個令面問題，有兩個方法： ①用令面眼影。 ②乾透之後用眼影掃上面少少殘留嘅粉掃落去，可以減低令面問題。 無咁令面真係睇唔出有膠水痕跡，效果比其他黏貼式膠水同膠紙自然好多。 如果當日眼皮真係好重，單搽一層未必夠力撐出雙眼皮。呢個時候就要搽兩層，但要等第一層乾咗再搽第二層。搽兩層薄比搽一層厚嘅效果好好多。可以參考呢張相。 每一日眼嘅狀態都有少少唔同，要黐到完全對稱其實真係好難😩不過少少唔對稱嘅雙眼皮都好過一邊雙眼皮一邊單

940727.0好用推薦：之前試過好多吾同品牌嘅雙眼皮膠水，好多都吾夠痴力。最近試咗依個牌子非常好用，好快乾而且keep到一日，如果想keep得耐啲可以配合埋雙眼皮膠紙. 效果更好。

Giselle 好用推薦：Bifesta 深層卸妝潔膚水亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前入手嘅產品₍ᐢ⸝⸝› ̫ ‹⸝⸝ᐢ₎我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

Noel好用推薦：Bifesta 潔膚產品深受我喜愛，這枝 Bright up 卸妝＋潔膚水，清潔力無容置疑，一如既往的好，倒到化妝棉上輕抹就能有效卸妝👌價格也很親民，大大瓶可用上三至四個月。當然，不要妄想可卸淨睫毛液啊！這枝香味不難聞，沒有致敏或薰眼，唯獨沒有「亮白」效果 😝

takemyokane好用推薦：看到最新的派對彩妝募集，立刻想起這盒色號 SI02 的 Excel Shiny Shadow。圖二是輕掃兩層的效果，除了幼細閃粉外還帶有金粉粒，拍照會食一半妝，其實肉眼看已經很閃。再來圖三是掃夠四五層的效果，拍照也看得出來超級閃。（剛拍完唇膏，所以手部有些紅紅的😹） 因為色號以銀色為底色，上手太重會顯出灰調，一不小心會變成髒髒的感覺，要拿捏好份量。另外原本沒有附掃，試過用手上有點飛粉，建議用手指上，不過可能粉質不算通透，用手指上完會殘留很多在手指上。 不過性價比極高（以現在日圓兌換才60元左右），而且效果真的很閃亮，所以它依然是我晚上去約會的愛用品之一🥰

killkew.b好用推薦：呢款眼影都好多隻顏色，每隻顏色都好實用， 返工用或者出街扮靚靚用都得， 就咁單色用效果已經好出眾🫶 上色效果好滿意，以開架產品質素黎講， 非常優秀，尤其閃粉上眼效果好細緻，好閃， 唔會飛粉，即使唔用primer都唔會跌哂入眼度， 性價比高🫶

Milo101好用推薦：白色乳霜狀，輕盈易推開，不會厚實，有適當滋潤度，價格相宜，可以常備在家中

KDing好用推薦：乾燥甩皮用既時候好D 因為佢既質地都幾厚實 所以夏天用會唔太鍾意 冬天會好d

killkew.b好用推薦：雖然NYX已經離開左香港，不過都仲有用緊佢既產品～ 呢款唇妝產品當初係職員介紹比我用既， 效果好出色同持久，但又唔會好乾，質地似cream狀， 又有超多顏色選擇，決定買左黎試👍 搽佢同搽韓式唇軸個種手法有啲唔同， 韓式個種顏色好鮮艷，所以搽既時候通常會點係中央位置， 然後慢慢用唇掃或者棉花棒掃開，等效果自然啲～ 但係呢種因為質地好似cream狀， 其實好隨意左右搽上唇上面，個效果已經好自然好貼合， 完全唔需要思考，所以買左好幾支係屋企🤗 佢都算幾long lasting，飲水唔會甩得好勁， 不過如果唇太乾就比較容易顯露唇紋。

格仔餅公主好用推薦：質地柔滑唔會難搽勻旬，上咗嘴有好啞緻MATT嘅感覺，last得都好耐唔係好需要點樣補搽

KyouQ好用推薦：NARS POWERMATTE 玩魅啞緻唇膏筆 呢款唇筆我分別喺日本同香港各自買咗兩隻色，分別係888色號同180色號，因為喺日本買嗰隻色比較暗，所以返香港又買多隻鮮色少少嘅，可以間唔中轉下色嘛～🫢 呢隻唇筆有個好處就係細細支方便收入手袋，而用到咁上下需要刨一刨咁又會短咗少少，另外佢冇咩香味，同時佢真係幾keep到不脫色，除非你食嘢有油份啦，基本上淨係飲水都唔駛點補色，有個缺點係喺再補色時用會偏乾，最好搽少少潤唇膏喺底會好少少。😌 暫時應該會係我長期會回購嘅唇筆系列 ✨✨✨

Noel好用推薦：NARS 這個絲絨唇膏筆一共收過兩枝，都時由美國 Sephora 購入，分別係 #DanceFever 及 #DolceVita。本身已經係 Nars 唇膏的 fans，這款唇膏筆也相當滿意，塗到唇上很滑很順，不會 dry up 嘴唇，更加可以不用護唇膏打底👍 唇膏筆顯色度高，一抹大約七成左右，堆疊兩層可達飽和。 個人比較喜歡 #DanceFever，比較有個性，玫瑰色帶點土色系❗#DolceVita 就是比較火紅的 dusty rose，因為常有的顏色，所以感覺平平吧~

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

VictoriaPanda好用推薦：質地幾滑，唔點飛粉，有四隻顏色，都幾顯色，塊鏡好大好清, 方便攞出街補妝