敏感護膚 推薦好用產品

Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。

lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺

SandyTip好用推薦：葡萄籽急救保濕精華係每年夏天必回購的精華，質地十分清爽加上淡淡既獨有味道，令到每日都想用和享受護膚既時刻♥️♥️ 回購度⭐️⭐️⭐️⭐️ 清爽度⭐️⭐️⭐️⭐️⭐️

Angiema好用推薦：葡萄籽急救保濕精華係我係呢個牌子第一樣用嘅產品，非常有驚喜！ 我係敏感皮膚容易泛紅，呢隻精華可以即時補水舒緩乾敏，滲透力強，夏天用都唔會笠！ 用完上妝唔會起刷膠碎💜已回購🤣

hellolulu好用推薦：踏入盛夏，每天都反覆輪迴＜被猛烈的太陽曬得面頰又紅又乾＞＜口罩焗著汗水＞＜室內冷氣抽乾水分＞，肌膚非常乾燥敏感，長期泛紅灼熱，不論如何保濕潤膚都感覺皮膚吸收不了😖 本身是 belif moisturizing bomb的長期用家，試用這款cica bomb cream (圖左) 的試用裝後，覺得抗敏效果出色而專程到專門店入手貨size～ 一枝50ml 牙膏軟管包裝，比普通炸彈霜的罐裝設計衛生，而且更方便取得準確份量👍cica bomb cream 呈半透明，帶belif一貫清新草本香氣，質地比moisturizing bomb 輕盈一點，水潤易吸收。塗上面霜後，泛紅灼熱的皮膚即時有鎮靜補濕、紓緩降溫的效果，抗敏功效比moisturizing bomb更勝一籌呢👍 配合同系列產品使用一個多星期，很高興敏感情況已大大改善。我特別喜歡在日間使用這款cica bomb cream ，在炎炎夏日為肌膚注入水潤清涼感，明顯減少口罩下的泛紅灼熱，心情都靚d ☺～ 除了cica bomb cream外，亦一併試用了belif 積雪草系列其他三款產品，在此逐一分享給同樣受敏感困擾的朋友們～

zetalhc好用推薦：很適合秋冬天氣混合性皮膚使用，質感有點兒油膩需要一點時間推開，但保濕度很高。而且用了幾日發覺面頰泛紅少了一點，亦都不刺激。

YY好用推薦：呢塊面膜係朋友去完韓國旅行嘅手信♡⸝⸝ 本身對mediheal 嘅面膜已經有好感，見到佢係有茶樹成份，我就留起佢做急救用途。 早排因為月經黎，所以生左兩粒有膿嘅暗瘡。於是我用左一塊，第二日見到其中一粒本身有白頭嘅暗瘡已經消緊，另一粒都扁平左～效果比我想像中好ᕙ( ˙꒳​˙ )ᕗ 不過面膜比較重草青味，如果對味道敏感嘅人要注意՞ ՞ ՞

橘子貓好用推薦：多年來有回購的面膜。由舊款較厚的面膜布，到現在升級了的透氣度更高的面膜布。這款茶樹面膜的去暗瘡效果在我皮膚上並不明顯，主要舒緩清理痘痘後的紅腫不適。遇到有特價或聯名版會購入。

海女好用推薦：最近臉部皮膚有啲敏感，成日泛紅 所以想買返支適合敏感肌膚嘅面霜 見消委會推薦過Avene嘅乳霜 就去咗個人護理店試下啲產品 試左呢支「長效鎖水輕盈保濕乳Hydrance LIGHT Hydrating Emulsion」 搽上手推開唔會笠，所以買咗黎試下 搽上面都唔會笠，唔會反哂光 就算早上搽完，到午飯後，都唔會泛油光，而且保濕能力都keep到 ❣️因為敏感，所以冇額外搽防曬同上碎粉，淨係搽左另一品牌嘅toner同精華gel

NaNa好用推薦：乳液質地 易推 帶有淡淡香味 上面好舒服同保濕 混合肌用剛剛好

Kuma醬好用推薦：Cetaphil的透亮抗敏舒緩晚霜不含香料， 適合容易敏感嘅人士， 專利成份透亮科技Gentle Bright Technology溫和， 淡化色斑、提升肌膚光澤度及透亮度。 雖然保濕效果不太顯著， 但可配合其他保濕精華使用， 而且提升肌膚光澤度和透亮度只需一晚， 第二朝就可以見到效果， 也有均勻膚色嘅功效。 質地亦不黏，適合香港潮濕嘅天氣。 價錢相宜，會再考慮購買。

Beast lover 好用推薦： 晚霜日霜都有一起用，第一次用嘅，用咗之後，覺得能夠提供長時間的保濕效果，減少肌膚乾燥和緊繃的問題。吸收得好好，一啲都唔癡粒粒。 價錢偏小小貴，但是值得推介。

皮皮爱马桶好用推薦：这个水有一定粘稠度，倒出呈乳白状，流动性尚可。瓶口的设计非常使用友好，可以按滴数来挤。虽然是旅行装的包装，但是有整整40毫升，长途旅行也完全够用，而且携带方便。 上脸比较清爽，有豆乳的香味很好闻。即使在夏天也很快能吸收，后续上眼霜、乳液、防晒等也完全不会搓泥，用来打底妆也很服帖。 即使晚上用水清洗也不会觉得黏黏的有残留感，总体来说夏季很推荐用这款水。

Emma W好用推薦：Kiehl’s 特效保濕爽膚水係我秋冬天最鍾意用的Toner。其明顯的提升肌膚的水分，讓肌膚感覺柔軟和潤澤。配方相對溫和，洗面後或者皮膚爆坼後，也不會造成刺激。可能含有金盞花成份，能有效舒緩皮膚乾燥不適。 好快被吸收，使用後，肌膚感覺潤而不油膩，適合在炎熱的天氣使用。 適合肌膚：任何，但敏感性肌膚要進行測試先好用 成效度：4/5 保濕度：4/5 吸收度：4/5 質地：lotion texture

Milo101好用推薦：🌟淡黃色乳液質地（跟fortifying emulsion的質地非常相似！），但推開後稍為薄一點點 🌟同樣都是鎮靜、強健皮膚的作用 🌟很舒服的經典菇水香氣

mamayi好用推薦：一轉季啲皮膚就好容易過敏，所以一定要買定呢支for敏感肌專用嘅精華看門口！ 佢精華係白色乳液質地，好容易推開同吸收，如果皮膚泛紅嘅日子，用完佢，第二朝真係退咗好多。如果夏天曬完，皮膚輕微曬傷時，可以用佢紓緩紅腫。 佢係紓緩紅腫、防預敏感方面，真係效果超班；不過美中不足係佢保水力唔太夠，如果乾燥日子就需要加保濕精華係面，加重保濕，咁皮膚就第二朝水潤透亮啦！ 價錢屬於中價位，咁我都推介大家買支看門口，肌膚唔穩定嗰排用佢就舒緩曬所有不適。

Kelvin好用推薦：Fresh 大豆卸妝潔面乳 法國牌子，係藥妝店成日見到平一大截，拎包sample試下。冇特別研究成份，只靠感覺純粹寫。 ⭐️啫喱狀，小小起泡 ⭐️花香清新味道，可接受 ⭐️性質溫和，洗面時唔刺激👍🏻 ⭐️有卸妝功效 中性肌至乾性岩用，日常冇化妝/淨係搽防曬嘅日子就啱啱好夠用。洗完面未搽面嘅時候有好輕微繃緊。 混合肌至偏油肌未必岩用，應該會感覺唔夠清潔力。 如果正價買$330/140g性價比唔高。

Kpl6be6好用推薦：擠出嚟有淡淡清香～性質幾溫和～感覺用嚟缷除日常防曬都足夠～但如果有化妝～個人覺得額外要再用卸妝水再抹多次至夠乾淨～

agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣

Nicnic好用推薦：好用！用完舒服 唔乾 啲泡泡唔係好綿密 但清潔力適中 唔會太強太弱 冇香味 已回購貨size

Miu Lai好用推薦：皮膚是一個好重要的保護屏障，每日都會接觸著好多不同的物質，如路上的塵埃、汗水、空氣及溫度的變化等，所以清潔皮膚絕對不能馬虎！ Cetaphil 溫和潔膚露性質溫和，可以徹底去除毛孔的油脂污垢、雜質和卸除面部彩妝。同時，它採用免沖洗潔膚技術，即使在無水情況下也能輕易潔淨皮膚，使用後皮膚質地更水嫩。 經臨床實驗證實，這款產品能持久舒緩和滋養肌膚，防止出現乾燥不適，適合乾性至中性、敏感性皮膚使用。 當中包含有皮膚科醫生推薦的成分，包括維他命B3（煙酸胺）、維他命原B5和甘油。這些成分提供強大的保濕效果，強化皮膚及提供防禦屏障，使敏感肌膚回復健康強韌，改善皮膚狀況。 用後感: 1. 半透明白色乳狀，無香料，溫和度及清潔度足夠，用後皮膚仍水潤，但油性皮膚者可能會覺得有洗不夠潔淨的感覺。 2. 日常清潔已很足夠，皮膚敏感的情況下使用也OK，沒有引起不適。 3. 持續使用，會明顯有如有著一層保護膜，有助改善皮膚乾燥的情況。 面部及全身肌膚、濕疹皮膚都能用，價錢又經濟，推薦!

Wing fly好用推薦：舒膚特潤膚，不但可搽全身，也可搽面部。質地不會太油膩。冬天時搽可防乾裂，一支每天用，起碼可用上半年，十分抵用。

Fng好用推薦：質感夠水潤，清爽，容易吸收，夏天搽唔會黐立立，感覺良好，同埋有少少收細毛孔嘅效果。

Nicole 好用推薦：水感質地，流動性強，上面快吸收和不黏笠，太適合夏天使用！ 最近氣溫飆升，皮膚開始變得不穩定，時而泛紅、時而乾燥，這款b5精華能舒緩乾燥肌膚和修復皮膚屏障，讓肌膚時刻保持水潤💦

dor.r好用推薦：呢支潔面泡沫係利用物理起泡原理，即係靠個內置泵去起泡🫧所以泡沫唔算豐盈細緻，但勝在不含皂鹼，冇化學起泡劑、酒精、防腐劑等有害化學物，性質溫和💧佢有一種淡淡嘅草本香味，我講唔出係咩味，唔臭但又唔算好香😂尚可接受👌🏻優點係洗面後皮膚唔會乾燥繃緊，保濕度做得幾好👍🏻用後皮膚都幾乾淨舒服，敏感肌都用得🙆🏻‍♀️

zetalhc好用推薦：泡泡好綿密，可以深層潔淨皮脂同毛孔嘅污垢，有線皮膚洗完之後覺得好乾淨又唔繃緊。

zetalhc好用推薦：即時保濕效果好顯著，質感偏膏狀，但容易易推開同吸收。油性皮膚比較適合秋冬季節使用。

Sumeb好用推薦：我買嘅係聖誕boxset入面嘅細支裝 偏水狀嘅質地 敷嘅時候好舒服 要抹走都好輕鬆 用完係有保濕嘅感覺 皮膚有軟滑感，乾紋有減左 唯一唔太鍾意嘅係佢陣signature 嘅葡萄籽味😂

楊壯碩好用推薦：#夏季必備保養 #夏季必備保養 #夏季必備保養 Laneige water bank blue hyaluronic cream 是我愛用的夏季面霜之一，我so far已經用了2樽，全部自費購入使用，自費回購。我的具體評價如下： 優點： 1、質感水潤輕盈，介乎cream與gel之間的質地，即便在潮濕悶熱的夏季使用也完全不會覺得油膩厚重，油性皮膚也不用擔心會「悶痘」； 2、補水保濕能力夠高，雖然是輕薄水感的gel cream質地，但足以抵抗冷氣房的抽濕功能，同時又不會令皮膚感到黏膩不透氣； 3、擦上面後很快吸收，吸收後膚質看上去很好很飽滿，有些許水光感，很又不會像disco ball一樣泛著油光，而是令面部皮膚持續性地看上去帶有透亮的自然光澤； 4、sits well under makeup，不會與底妝「打架」起「擦膠碎」。 缺點： 1、它的氣味很特殊，不是香的，不知道怎樣形容比較貼切，反正那不是一種宜人的氣味，但這種氣味並不濃烈，而是很淡的，擦上面後很快就聞不到了，所以也不算太bother我，有興趣買它的用家可以先聞一聞它的tester，確定自己可以接受它的氣味再買； 2、包

pillowjai好用推薦：Laneige呢隻moisture cream係我喺轉天氣時候嘅最佳拍擋！佢質地比一般cream輕，搽上面好容易推開，感覺可以保濕鎖水但又唔會好笠，好適合轉天氣皮膚唔穩定嘅日子使用。 #秋冬護膚神隊友

Emma W好用推薦：啫喱能迅速滲透肌膚，提供持久的保濕效果，特別適合乾燥季節使用。其質地輕盈，不油膩。一搽上面上，水潤感足，容易吸收，雖然一開始有少少gel 狀係面上，會感覺有一層保護膜，但使用後肌膚感覺清爽舒適的。 加上Gel 能有效舒緩敏感肌膚，減少紅腫和刺激感，特別適合秋冬天，因極乾燥而脫皮的皮膚。 適合肌膚：任何，特別有脫皮現象的人士 成效度：4/5 保濕度：4/5 吸收度：4.5/5 質地：啫喱狀

whTsoi好用推薦：目前已經快用完一瓶 個人覺得它因為不含油份 所以使用起來很清爽 很適合油性或敏感性肌膚 因為它能補水 成分也不算複雜 不用怕引起過敏（起碼我個人用它沒有這問題）而且在夏天塗太多東西上臉 出門十分鐘臉上就會出汗 會對皮膚造成負擔容易長痘 所以在夏天會很好用 我在白天會用它代替精華 之後上面霜就夠了 而在包裝方面我十分喜歡這種按壓式設計 既衛生又方便

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme

Kpl6be6好用推薦：啫喱質感夠哂清爽～上面後保濕感幾好～但如果想再滋潤啲就要後結續加面霜之類去補一補至得～

Bubu好用推薦：敏感肌手袋必備！細細技方便攜帶，皮膚一乾就拎出嚟噴一噴，即時補水。

劉肥貓好用推薦：有ceramide成份嘅一款保濕噴霧 保濕效果比我想像中輕盈 無香料 色素

Emma W好用推薦：Curel 的清潔洗面泡，一按就有大量泡泡。直接塗於面上打圈，用後有refresh 的感覺，去到冷氣房，因為有保濕成分，面部又唔會太崩緊。加上，佢係花王品牌其下的產品，保質有保證。 平時化妝或者護膚，或多或少都少少刺激皮膚。依個品牌主打無香料、無酒精，為敏感肌而設。所以用Curel 早晚比皮膚休息一下，作為一日的開始與結束。

chasiutung好用推薦：只需一按就有豐盈嘅泡泡 不用手動起泡 清潔力一般 普通無搽防曬無化妝嘅時候可以用 潔面後清爽乾淨 不繃緊 溫和潔面不致敏 適合敏感皮膚使用 👍我皮膚過敏時候都會用佢 感覺同藍色嗰款無乜分別 冇咩特別嘅控油效果  潔面後都一樣無繃緊感 皮膚依然水潤💕推介👍