Bioré

滋潤亮澤洗面泡沫

細個用Biore洗面膏，次次用完好乾，係十幾廿歲先至啱用👧🏻另外以前用過肌研嘅泡泡洗面，用後感不佳，從此對泡泡同Biore洗面卻步😞 呢支Biore 滋潤亮澤洗面泡沫係細佬買嘅時，咁有新嘢會心癢攞嚟試吓，比一次機會喇😉 🫧泡泡潔面方便唧出嚟，唔需要加水打泡，無咁傷害皮膚。同埋佢呢支黃添加咗1/3保濕精華，雖然用完就冇咩特別高級膚質感，但保濕度還好，至少用完冇拉扯感。同埋佢嘅cp值高，特價時4x就買到。用完之後我對泡泡洗面有改觀🤗但請記得要買黃色樽蓋呢款，應該係保濕到最好的💦

Biore 泡泡洗面，呢一款係最滋潤，但用完後感覺有啲略為乾燥，夏天用後感普通、冬天用完好乾燥。即係唔會特別有保濕嘅感覺，覺得有啲普通。 佢嘅泡泡真係密度適中，唔算好稀，唧出嚟之後感覺好有空氣感，係一種輕盈的感覺，沖洗時好容易就可以清走臉上嘅油脂。雖然添加了1/3保濕美容液，但洗面後都係乾燥。 至於價錢方面，Biore嘅產品向來都比較平價，如果你係油性皮膚嘅話會適合，因為佢嘅清潔能力好好，乾性皮膚就不用試了💕

本身我偏好一撳出嚟出泡嘅洗面泡泡，因此對多款此類產品有興趣，方便使用。Biore推出的幾款洗面泡，針對不同膚質而設計，圖片嘅係滋潤亮澤洗面泡泡，用落差異不大。重點係皮膚洗後不乾燥嘅特性，就是普普通通。碧柔泡沫洗面奶價格實惠，都係幾十蚊有一支。 泡泡本身都係喺液體裏面嘅，撳出嚟就會變空氣感泡泡，棉花感覺泡泡，洗面後皮膚幼滑。

因為我喜歡一按就出泡的洗面泡泡，所以全部这類式的也喜歡試用。Biore出了幾款針對不同肌膚的洗面泡，基本上分別不大，畢竟洗面時間不長，可以有什麼特別功效，只要洗完不乾就可以了。

呢款的價錢同質素都算得上係cp值之選，泡泡都好綿密，清潔度都還可以，最緊要係洗完塊面唔會太乾，無扯住扯住既感覺，所以去旅行我都會揀呢個牌子既潔面產品。

雖然是標榜滋潤型但實際用後覺得略為乾燥，較適合春夏季使用免得用後皮膚覺得緊繃；泡泡密度適中不稀但亦不算持久會一陣子便化開，用完一瓶以後就沒再回購過了

一吱出嚟就係泡泡非常方便，用呢款洗面泡泡嘅時候連洗面機都唔洗用，同一系列唔同顏色保濕效果都OK

呢款洗面泡沫最大嘅賣點就係一唧出嚟就係滿滿嘅泡泡，方便使用！ 同埋呢款洗面泡泡係全個系列入邊比較滋潤嘅一款，平平哋都幾抵用！

泡沫系列最鐘意呢枝，洗完唔乾係重點，其他對我嚟講用耐咗會乾，可惜用唔夠一個月我就會用哂，cp值唔算好高

每次用完洗面諗唔到買就會回購，夏天用超正，洗得好乾淨，泡泡好綿密，不過會有少少乾

呢支洗臉已有埋保濕美容成份，感覺安心。用後又唔會皮膚乾，泡泡幾傑身唔會好易散，覺得潔淨力幾好。