CLINIQUE

眼部護理水凝霜

Clinique  All about Eyes 眼部護理水凝霜 $405/ 15ml 功效: 減淡浮腫及黑眼圈 凝膠質地，延展性很好，非常易於推開。 使用感舒適帶少許滋潤感，很好被肌膚吸收， 之後肌膚變得清爽輕盈，不影響後續上眼妝。 不會有黏笠感，使用後也不會生脂肪粒。 含有不少保濕、抗氧化、抗衰老及美白等有益的護膚成分。 使用時，一面塗抹一面按摩，眼周肌膚會減少浮腫。 夏季時可以先放入雪櫃30分鐘，之後再使用，效果會更明顯。 黑眼圈暫時未有效果，始終黑眼圈的問題比較難有即時效果， 而且也需要11點前睡覺不熬夜，熬夜很難沒有黑眼圈。 不含酒精及香料，敏感肌也可安心使用。 如果喜歡使用滋潤型眼霜，可選用豐盈眼部護理水凝霜。 含保濕成分: 丁二醇, 植物鞘氨醇, 黃芩根萃取, 乳清蛋白, 茶葉萃取, 膽固醇, 亞麻仁油酸, 醋酸鹽維他命E, 蔗糖, 甘油, 矽靈 及 凡士林 抗氧化成分: 桑白根, 咖啡因 黃芩根萃取, 茶葉萃取, 醋酸鹽維他命E 及 維他命C磷酸鎂鹽  抗衰老成分: 桑白根, 咖啡因, 植物鞘氨醇 黃芩根萃取, 茶葉萃取,

如其他粉紅line產品一様，質地介乎啫喱與乳霜之間，十分保濕。滋潤得黎又唔笠，春夏特別啱用，秋冬就可能要再rich啲既眼霜。正常一般保養用，有效保水，持續用細紋望上去就好似淺咗啲，黑眼圈就冇乜減淡效果。

質地乾爽不黏稠 四季適用 用後有少許的保濕度又不會長奇怪的顆粒 適合青春肌用

呢款眼霜呈gel cream 狀，質感輕盈水潤，超容易推開，我個人覺得比較合年青肌膚人士用，會比較保濕，早晚都啱用，而且唔會油膩，也不會令眼周出油脂粒，價格相對大眾化。 但對於成熟肌朋友，可能會覺眼霜滋潤度差D, 去紋效果唔太明顯，雖然呢款眼霜滋潤度差D, 不過我偏愛清爽感，會在春夏天早上用它，晚上用其它較潤嘅眼霜。

好易推，而且用完唔會好痴笠笠 買一罐都可以用幾個月 不過就唔覺得特別保濕

這個 eye gel cream 算是滿心歡喜地購入的，用了一個多月也寫這個心得❗結論：非乾性皮膚，沒有特別需要，膚齡年輕的朋友，可以一試。 對於快要30歲既我而言，這個眼霜表現一般，沒有很特出的優點或好處。雖然眼霜主打去眼腫及黑眼圈，又能保持眼周水濕，但是我比較失望🤨 用上一個多月，感覺不明顯。 滋潤 🌟🌟🌟 緊緻 🌟🌟🌟 淡化黑眼圈 🌟🌟🌟🌟 眼霜質地輕盈，容易吸收，但滋潤感覺實在一般。如果多塗，又會在 waterline 出油脂粒……

介紹: 15mL 優點: 絕對係一至值得攞滿分嘅眼霜。先講質感，佢好水潤，好容易覆蓋到眼嘅四周，完全唔似其他眼霜好多油，好難推。而且佢保濕效果真係唔錯，用左一個月，細紋會少咗。 缺點: 佢屬於非常基礎系列嘅保養產品，佢唔會局部幫你解決到個別問題，例如係黑眼圈，或者係魚尾紋等。但係基礎保養來講，佢嘅表現算係唔錯。 建議: 配合佢嘅眼部精華用，用耐左，眼部皮膚係有改善。個人來講覺得呢一盒嘅質感會好過另一個加強版嘅質感，另外一個感覺太厚重了。話咁快呢盒又用到就嚟冇晒了。

跟品牌的保濕面霜一樣,質感很水潤清爽,一點也不油膩,用後乾紋絕對有改善,原本暗沉的眼圈看起來亦見明亮一點

搽上眼感覺普普通通， 只係做到基本保濕既效果😐 唔覺得有咩特別。

買嘢送咗細細樽，可能隻眼細都用咗好耐... 質地唔會太油，足夠保濕，但係感覺就冇其他特別功效

學生時代很喜歡的一款眼霜，質地清爽不厚重，因此也不容易長油脂粒，對那時的自己而言滋潤度剛剛好，對年輕時候的眼部肌膚而言很足夠。 不過隨著年紀漸長，漸漸地就不再滿足於它的滋潤度了，需要再厚重一點點的眼部產品🥲

質地水潤啫喱狀，滋潤度真的一般般，而其他效果如緊緻度、提升度、淡化眼紋同黑眼圈並不理想。

質地好流質，比較清爽既水凝霜，有保濕功效，但唔算好強，適合年輕皮膚，眼部無乜問題，簡單補濕用

用過Advent Calendar裡面嘅旅行裝， 覺得呢款眼霜表現中規中矩。 質地係輕盈嘅乳霜狀， 容易推開同吸收， 因為比較清爽所以唔會對眼週皮膚造成負擔， 但與此同時亦冇特別有感嘅修護/保濕效果， 對眼部乾紋或皺紋冇淡化作用， 只能當成基礎保濕眼霜。 唔會特別推薦。

用完之後黑眼圈淺左好多而且細紋淡化左，最估唔到可以改善埋浮腫，雙眼用完睇落有神好多。驚訝佢既功效顯著而且唔算貴！ 佢本身既質地係偏水潤霜狀唔油唔笠，我不論四季都將佢雪係雪櫃，搽上眼到冰冰涼涼好滋潤，效果會加持。 眼紋勁既時候再拎好細好細粒既份量搽係紋路上邊等佢自己吸收，唔單只會淡左亦唔洗擔心呢個用法會產生油滋粒。