Essential

瞬滑抗熱美髮水

抗熱效果非常有效，吹頭髮前噴一噴，用了大慨兩星期後髮絲的確會比以前順滑。

Essential 瞬滑抗熱美髮水 200ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款產品標榜係可以做到瞬間保濕同保護頭髮係set頭嗰陣受到熱力傷害( •̀∀︎•́ )✧︎實際用落覺得頭髮嘅毛躁感係減少咗ヾ(≧︎∇︎≦︎*)/但唔覺得呢款產品可以做到瞬間保濕(꒦ິ⌑︎꒦ີ)屬於乾性髮質嘅我用完之後都係覺得髮質依然係好乾( ꈨຶ ˙̫̮ ꈨຶ )而且用完覺得佢好黏笠(꒦ິ⌑︎꒦ີ)搞到髮尾好似無洗頭咁(இдஇ;

通常喺夾頭髮之前使用，大概10分鐘頭髮沒有那麼濕嘅時候再夾直頭髮，修護能力未能肯定，但是夾後頭髮有自然嘅香氣

這個夠便宜買了幾次，多數是粗用，由於每天都會夾髮，始終用了好像沒那麼傷，不過效果來說沒甚麼可說。不過不失，有更好用的。味道淡淡的可接受。

有香味 噴霧範圍比較大 經常會噴到其他身體部位 通常係夾頭髮前噴定保護髮絲 噴完頭髮摸落有少少油潤感 如果無噴直接夾頭髮就會好嚡手 噴咗會好少少 夾完之後會變到乾爽但唔算順滑 無咩光澤

唔知有冇用，就係夾頭髮之前用下，感覺冇咁傷頭髮，佢有陣香味，幾好聞，但都幾大味，用佢之後應該再噴唔到香水

見佢$50 200ml大大支所以吸引左我 因為工作需要所以我日日都要洗頭 頭髮好厚又硬而且偏乾 晚晚洗完頭一定用風筒吹乾 見佢可以濕髮用 我就洗完頭 輕輕印乾 梳順就薄薄噴一噴 之後吹乾 好明顯係冇咁毛燥 同埋比起冇用係多左光澤感 而且比我預期中唔油同笠 或者可能因為我噴得唔多？

好同意其他人所講，其實用呢啲抗熱美髮產品都係為咗自我感覺良好，好似做咗啲嘢去保護頭髮咁。可能因為我本身頭髮受損十分嚴重，長期燙染頭髮令到我嘅頭髮開叉同埋毛燥，基本上冇乜產品可以救到。不過呢個產品價錢唔貴，都不妨係夾頭髮之前噴一噴，但係頭髮嘅保濕噴霧用，而且有少少香味，都唔差嘅。

吹頭前噴一噴，佢聲稱有抗熱功效，似係用個安心咁 不過用左感覺比冇用好似少啲啲毛燥感，而且起碼用完唔會立唔會油

我不常燙髮 都係偶然用下 感覺得可以 定形就冇乜 但係如果常燙髮可能要買啲更保護的產品 呢枝總體而言唔錯

平平地粗用，始終每日都要用熱風吹頭同夾頭髮，有個保護令頭髮無咁毛躁

之前經過見到平平地諗住當頭髮香水噴 之後噴左幾次覺得會好濕潤 所以我有時都會夾直髮夾/吹頭前 噴一噴，頭髮好似會無咁旱

用完之後再用直髮夾個d可以幫助頭髮隔熱，冇甘容易乾

每天都會用直髮夾/曲髮夾 已經使用這瓶噴霧一瓶有多 喜歡它的香味 長期使用下來髮尾也沒有之前未用噴霧夾頭髮時乾燥 噴完再用直髮夾之後的頭髮也比較有光澤 是一定會回購的

聞落幾香，不過實際作用唔大，用完再夾頭髮唔覺得順滑咗，仲有少少笠，叫做試過就算，唔會再買。