Amber礦泥潔面乳 心得評價
b.glen礦泥潔面乳

b.glen
礦泥潔面乳

b.glen Clay Wash
5.6
心得評價:215 篇(185人覺得好用)
容量/價格:150g / HK$309
看產品及心得
Amber
年齡25膚質混合肌心得篇數38
6
2020.10.10 發表
標籤清爽毛孔低刺激・敏感肌清潔力強
連續試用咗兩星期b.glen clay wash係時候寫返個心得(•̀ᴗ•́)و *本人膚質為混合肌,主要T位出油,但唔係大油田,面頰偏微乾*

先簡單介紹下呢枝潔面乳,特色係唔洗起泡而又唔傷皮膚嘅吸附型潔面乳,主要成份內含常見美容護膚成份如蒙脫土,角鯊烷,透明質酸等。

先講下最最最重要嘅清潔力,洗得幾乾淨!洗完之後鼻上部分黑頭粉刺明顯浮起,好容易就可以清咗佢出黎(///▽///) 從成份所見,佢其中一個成份係蒙脫土,用黎做礦泥嘅吸附力係幾強(ง'̀-'́)ง

另外我都抽咗兩日特別做個測試,分別係朝早起身後只用清水洗面同有用clay wash洗面,之後都會用去污力較強嘅潔膚水抹面,睇下效果如何。由比較嘅相可以見到,就咁清水洗面仲有好多黃色污糟,但用完clay wash洗面,的確冇咩污糟油脂留係面上(ง'̀-'́)ง

至於保濕方面,啱啱洗完面感覺清爽唔繃緊,塊面兩頰唔會乾到甩皮,摸落係光滑~亦feel到一層膜嘅感覺(呢個正正係透明質酸應有嘅效果)。從成份睇雖然角鯊烷、透明質酸都係保濕鎖水嘅成份,不過始終佢都係一枝潔面乳,保濕效果都係一般般,好快就會開始乾,後續一定要搽保濕!

最後都講下其他方面,味道嘅話..係一般泥mask嘅味,唔係臭亦唔難聞。包裝方面,樽身長條圓蓋,開蓋唧出黎都好方便,份量亦易控制。質感方面,杰杰地嘅泥漿(?),一捽就捽開,好易就搽均塊面,有別於一啲洗面膏係捽開比較黏身,同埋佢只有超級輕微嘅起泡。至於價錢方面...可能對學生黎講有啲負擔( ・᷄ὢ・᷅ )係需要諗諗嘅價位,不過效果黎講係值得呢個價嘅~有經濟能力係值得考慮。

小總結:用咗兩星期,毛孔粉刺閉塞情況有改善,有減慢黑頭粉刺嘅生成,塊面睇落都白滑咗~值得回購💕一枝好嘅潔面乳係可以幫到後續護膚品嘅吸收,但日常護理同深層清潔都唔可以懶架(=´∀`)人(´∀`=)

p.s.多謝@cosme邀請成為試用嘅其中一員( ˘ ³˘)♥︎如果唔係我應該唔會自己買呢枝潔面乳用😹發現新好物
L
o
a
d
i
n
g
.
.
.