係我用過最好用嘅BB cushion 💯 淨係包裝已經好靚，細細盒仲有埋鏡，好易帶出街補妝～ 色號方面，除咗基本嘅膚色深淺度，大熱嘅色號（21同23號）仲再分左冷同暖色，可以方便用家揀到完全適合自己嘅膚色，唔怕出現死白嘅情況。 我本身膚色暗啞偏紅，所以揀咗偏冷嘅21N色，用落會有提亮效果，而且睇落會有好氣息嘅色澤😊用附送嘅撲上妝可以將產品blend得好薄、妝感好自然。 個妝整體有光澤感得黎又唔會覺得好笠，用落皮膚亦唔會覺得焗，用完一個cushion都冇出現過生暗粒嘅情況👍🏽 最正係個妝好貼服，持久力亦好強，就算平時戴口罩都hold到全日唔會脫妝！不過上妝後半日都可能會出現輕微嘅浮粉情況，我通常用紙巾印一印返啲油就冇事～ 就算呢個bb cushion持久力強，但佢都非常容易卸，用普通卸妝油卸一次已經冇晒。 韓國購物網做promotion時買會比專門店平大概4成，而且仲會送贈品，真係好抵，一定要強力推薦！ 

一直用開粉底液，但係疫情加上粉底液上妝要另外用掃/blender好麻煩，所以睇咗好多review下買咗佢 CP值：4/5 一盒裏面仲有一個refill 遮瑕力：4/5 基本上唔係好深色雀斑都遮到，唔洗再加遮瑕膏 持久力：4.5/5 戴口罩出去長洲完成日都冇脫妝，係鼻翼位置到晏晝要補少少，霧面同時控油都做得幾好，夜晚feel到有出油但係嗰種油嘅程度係少少光澤咁 使用感：4/5 顏值好高，細細個薄荷綠色嘅正方形。男朋友見到都覺得幾精緻。粉底打開嗰個蓋可以揀向左開定向右開，係幾方便手勢。 缺點：始終我混合肌額頭用霧面氣墊粉底會有少少乾，所以妝前一定要做好補濕。