LANCÔME

透明啞緻蜜粉

Lancôme碎粉，香港人通常講緊佢盒Absolute Translucent Setting Powder，賣點就係一個字：滑。 粉質真係幼到癲，用手指拈起會飄煙嗰種，上塊面完全冇粉感，但望落去毛孔即刻柔焦咗，好似天生皮膚就係咁靚。妝效係走高級啞緻路線，唔會死白，唔會令粉底變暗，Keep住個妝乾淨企理。 不過要講現實啲，香港呢個天氣，混合肌夏天用大概頂到四五個鐘，之後T區會出油，但出油之後個妝唔會溶到一撻撻，反而變咗少少光澤感，望落仲自然啲。大油肌就唔好諗，呢盒控油力真係一般，夏天行街戶外活動會溶到崩潰，一定要配強力妝前打底。乾肌朋友冬天要小心，佢偏乾，上喺眼同鼻翼位有機會顯紋，建議淨係用掃輕拍喺T區就夠，唔好全臉厚撲。 包裝方面，個盒靚就靚，但係又大又重，擺喺手袋好阻掟，帶出街補妝簡直係考驗耐性。仲有佢跟盒嗰塊粉撲偏薄身，直接用好易扑到成塊面白濛濛，強烈建議轉用碎粉掃，輕輕掃一層已經好夠，妝感即時升呢。 價錢係專櫃貴婦級，但如果當係「見工見客重要日子專用」，你又係中性至混合肌，鍾意嗰種零粉感霧面效果，咁呢盒絕對對得住個價。相反如果你係油到煎蛋嗰隻，或者係沙漠乾肌，又或者成日要

我直接講我真實用完一盒嘅感受，唔修飾，唔吹捧！ 我係混合肌，夏天T字位勁出油，冬天兩頰會乾。 頭一個星期： 扑上去嗰下係開心嘅，粉幼到呢，塊面即刻滑晒，但望落又唔覺有粉，好似皮膚本身靚咗咁。毛孔柔焦效果好明顯，近睇都平滑。 用多一個月： 開始覺得佢控油唔係神級。夏天喺街行一陣，T區兩個鐘就開始反光，室內冷氣地方就可以頂到半日。但佢有個好處，出油之後唔會一撻撻，個妝唔會暗沉，印完油再補粉，還原度好高，呢樣我鍾意。 用到見底： 我日日用，大約兩個半月玩完。最大感覺係：佢貴，但貴在「妝感靚」，唔係貴在「持久」。如果你追求全日唔駛補妝，佢做唔到。但如果你追求扑完塊面望落乾淨、細緻、自然，佢係堅嘅。 我會唔會回購？ 有錢嘅時候會，因為真係搵唔到第二盒做到呢種「零粉感但靚咗」嘅效果。手緊嗰排就轉Laura Mercier，平一截，效果有七八成，頂住先。 補充一個實際困擾： 個盒嘅窿太大，成日倒多咗粉，嘥好多。我用膠紙封住一半先叫正常返，呢個設計真係麻麻。

粉質細緻，輕盈貼服，啞面妝感，可以令底妝維持更久。蜜粉是無色的，任何膚色都適合。

雖然上臉後無厚粉感覺，而且控油能力都唔錯。但期望Lancome 呢啲高檔牌子既蜜粉會有其他效果，價錢唔平，性價比唔高

搽咗落去塊面度見到個妝唔會好厚咁 但性價比唔太高 同樣用其他牌子嘅碎粉 平平哋又有同樣效果

色澤柔和亦不顯厚重粉感，值得一讚是上臉後不會感到水份被抽乾似的；即使在盛夏使用，也不會泛油，定妝的功效亦通過考驗✅

粉質一樣細緻易上妝，但同樣效果的其他品牌蜜粉太多了，它沒有令我覺得有特別之處，而且價錢偏貴，所以性價比低。