LuLuLun

平衡化妝水面膜

感謝今次幸運抽中試用產品！💜❤️

精華量方面，呢個牌子嘅面膜我自己本身都有買開，作為日常保濕之用，每一片面膜都充滿着精華，唔會用用下變乾，至少可以搽埋頸。👍🏻呢個品牌嘅其中一個目標係做到用面膜代替化妝水，起初我都覺得有啲驚訝，但係用耐左就發現，咁樣其中一個好處，就係面膜會緊貼皮膚，比起一般使用化妝水，能夠將精華更加推入皮膚深層，所以如果大家日日敷呢款面膜，可能真係可以做到代替化妝水~

佢嘅面膜紙屬於中間偏厚，未必完全緊貼面部，但係唔會太多氣泡出現。剪裁方面的確可以進步，可以變得更加貼面，眼睛位置亦都可以細一啲，鼻翼位可以闊一啲，確保每一寸皮膚都被面膜覆蓋。

保濕效果屬於中上，用完會感覺皮膚明顯保濕度提升，但係用完必須要盡快用其他護膚品，因為佢嘅精華屬於水凝，並非乳液性，需要依賴其他護膚品提供日常保濕作用。而我用咁耐都冇試過出現致敏反應。

喺試用期間，會感覺皮膚飽滿左，保濕度提高，有啲面膜敷完冇乜感覺，但係呢隻敷完，你會覺得真係滑咗，白左！毛孔第一下望落去細左，如果有暗瘡，用完望落去會退咗紅色，當然不能完全根治暗瘡問題。連用10日後，面油喺早上會出少左，但係毛孔長遠情況就未見明顯改善。作為每日用嘅產品，佢嘅性價比好高，適合喜歡每日敷面膜嘅朋友，作為保濕，平衡水油作用，但若果針對個別皮膚問題，想作出改善，可能就要搵更有效嘅產品。

期待日後嘗試更多同品牌產品！😆💜