Loreal Paris

活力緊緻透明質酸水光瓶保濕精華

感謝@cosme送上呢枝產品俾我試用！
一收到已經俾佢嘅包裝吸引，入面提到呢啲精華含有大小唔同種類嘅透明質酸，能夠做到補水同鎖水雙倍功效，對於我 容易油光滿面嘅人來講，保濕精華揀得啱好重要。
質感來講，呢支精華唔會太濃稠，夏天來講啱啱好，肌膚唔會有負擔。
最初搽上面嘅時候，同其他含透明質酸產品一樣，會較為黏笠，但幾分鐘之內就會被皮膚吸收。相比同類型其他品牌嘅透明質酸產品，我覺得呢枝精華更容易被我皮膚 吸收 ，黏笠時間相對較短 。
由相片入面見到， 上左面一分鐘左右仍然會見到皮膚輕微透亮， 幾分鐘後就完全吸收 。
值得一讚 嘅係產品泵頭設計，每一下吸起嘅產品剛剛好就係全塊面嘅用量，唔會造成吸得太多，用唔晒，又放返樽入面唔衛生 嘅情況。
如果你都係夏天容易出油嘅肌膚，又長期開冷氣需要加強保濕，建議可以喺晚上厚敷呢枝產品，第二朝起身保濕度會更顯著。推介~