fresh

茶萃強韌激活精華 (火山茶激活精華)

產試用日數：14日
用法：早上清水洗面後用，晚上爽膚水後用

皮膚狀況：乾性，下巴位置有輕微濕疹症狀呈極乾及容易甩皮，鼻翼兩旁及T位有明顯毛孔，額頭長期多細紋

配合產品：頭七天只用Haba g-lotion 及 GA neocream, 後七天配搭其他功能性護膚品使用

曾用適合的Fresh 產品：大豆卸妝潔面乳, 紅茶晚間緊緻面膜

下巴既乾裂問題困擾左我好耐，今次fresh 既精華有增加肌膚屏障功效所以吸引我試用。 產品香味開頭係清新茶香非甜味，塗開後就係帶點煙燻既木味，有種真係種係火山口旁既植物味道感覺。
精華既質地有流動性，搽上面覺得吸收得算快同唔會笠，夏天用都好適合。第一日用完最大既感覺係去黃效果好明顯，同埋開住冷氣瞓第二朝起身皮膚有保濕既感覺。
而朝早搽完上防曬或者base都有更貼面既感覺而且唔會起擦膠粒，不過感覺油性皮膚既人就唔好妝前用，感覺會好易甩妝。好有興趣都建議拎一包包試用裝試下先。
試用期間撞正經期前，平時黎m前一定有一兩粒大痘，不過係試用期間尼個情況無出現，穩定皮膚既效果都唔錯。

係試用後期有嘗試配搭其他具功能性既護膚品一齊用，例如美白精華，面膜，油類產品，如果想配合油類產品用尼款都需要完全吸收完先再搽油，如果唔係都會捽到擦膠碎。而同其他既產品一齊用就覺得係正正常常既護膚。

總結，想皮膚休息下簡簡單單唔搽咁多護膚品，可以選擇尼枝精華。但係改善細紋效果就唔係十分顯著。毛孔就需要長啲時間先體會到少少效果。



圖三上：無仼何護膚既手，左手一直唔會刻意護理，有啲斑，乾紋都較明顯，有乾既感覺。

圖三下：使用14日後，斑有淡左，皮膚有較滋潤同多左啲光澤。