KAMINOWA法之羽

養髮液

好開心喺@ cosme抽到試用法之羽KAMINOWA一套四件防脫育髮產品。法之羽係日本品牌，由皮膚科醫生和日本頭髮診斷專家合作研發，全綫產品都係日本製造，而且功效得到日本厚生省認可，所以我都好期待佢嘅效果。
我以前細個啲頭髮都幾濃密，但係因為經常染髮，有時仲加埋電髮，令到頭髮變得脆弱，容易甩頭髮，尤其係頭頂條分界線變得明顯。
法之羽養髮液含有有效成分Swertianin Extract ，獨有「生髮酶」，改善血液微循環，喚醒處於休眠狀態的毛囊，提升毛髮的再生能力。
以前用開的養髮精華通常係水狀液體，用噴嘴噴喺頭皮上，但今次呢隻精華係凝露狀，尖尖的瓶咀更容易控制份量，尤其用喺頭頂分界線就更加方便。而且佢嘅包裝係膠樽裝，帶去旅行用就更加方便。早晚各一次，搽喺毛髮脫落稀疏嘅部份就得。用落頭皮後輕輕按摩會容易啲吸收，不過都唔係即時吸收，所以如果早上用，要預番少少時間俾佢吸收。
效果：
我試用咗成個系列嘅產品三十日，最明顯嘅效果就係洗頭嘅時候覺得甩嘅頭髮少咗，而我最在意嘅頭頂條分界線係變得無咁明顯，而且呢啲效果係試用咗產品兩個星期左右已經見到，都算幾驚喜。
呢隻精華液，由於佢停留喺頭皮上嘅時間係最耐，感覺佢係會最發揮到效果，而且佢無添加矽，礦物油，香料及色素等唔好嘅成份，用喺頭皮上會比較放心。所以四件產品裏面，我最喜歡嘅係呢個精華液。