freeplus

雙效平衡肌能露

再一次令我驚喜嘅品牌 — freeplus

猶記得第一次認識freeplus係喺台灣屈臣氏，櫃上陳列咗幾款爽膚水，就買咗支滋潤型嚟試，效果好好亦穩定到膚況，之後就一直有留意佢哋嘅產品，保濕效果好出色！

呢款水油混合嘅爽膚水有個好靚嘅名— 雙效平衡肌能露。一個樽仔入面有20%含有squalane嘅護膚油，80%含有氨基酸嘅精華液，保濕功效好好之餘一啲唔笠

自己嘅用法係先用力搖個樽仔，好似整cocktail咁㧦兩㧦，見到精華精同護膚油混合咗就倒大概$1銀嘅份量係掌手，輕輕搽混再拍上面，無咩product係手時就用掌心嘅温度輕柔按壓面頰，額頭同頸。產品無香料，亦無奇怪味，所以過程好放鬆㗎

因為精華液減輕咗護膚油嘅厚重感，搽上面後感覺比原本純粹爽膚水更保濕，過咗一分鐘唔洗臉上一啲都唔笠，有微微潤澤感+嫩滑，感受到毛孔吸入唔產品同時都預備好下一階段嘅保護。用咗一星期明顯延遲咗上妝後皮膚出油，乾紋都有淡化。最明顯嘅感覺係洗完面後無咗拉扯嘅感覺，係皮膚水份高咗嘅跡象啊☺️