KOSE 雪肌精

雪肌精 亮白水感防曬精華霜

好高興今次有幸可以試用雪肌精嘅新品：亮白水感防曬精華霜。

一向都有用雪肌精嘅防曬產品，喜歡佢有護膚成份，可以一邊防曬，一邊護膚。新版防曬質感較舊版厚實，搽完時會有透亮感，但唔泛油光。防曬強度有SPF50+/PA++++，一般外出已經夠用，如果長時間係户外曝曬就記得要勤力啲補防曬。

新版防曬加強咗抗汗、防水、耐摩擦的UV耐水性，但都只係需要用普通潔面乳就可以洗淨，無需要特登用卸妝油，簡單方便，適合冇化妝習慣嘅我。

最後，呢款防曬屬於海洋友善防曬產品，不含OMC (甲氧基肉桂酸辛酯)，不用擔心有害的化學防曬成分危害珊瑚和海洋生態，係同陽光玩遊戲嘅時候，可以玩得開心又放心。