Dettol 滴露

ProFresh清爽保濕沐浴露(水感蜜桃)

多謝 @cosme 同埋滴露嘅邀請試用~ 今次總共收到2支: 「清新柑橘及淡雅橙花」同「水感蜜桃」味

懶人包: 有水蜜桃味，香，保濕，去異味力強，我愛

連續用咗2日，對佢第一印象係：好抵好大支，以前用過蜜桃味都覺得幾香，所以期望值好高，滴露不嬲比我嘅印象都不錯，branding做得又幾好，同埋唔知點解一望到佢就覺得用滴露會好乾淨令人好安心

先講下第一使用感先，吱出嚟係粉粉橙橙的（唔知點解影相偏橙），第一下聞落有水蜜桃味，慢慢就變咗果味，係甜甜地嘅味，甜而不膩，有抗菌嘅感覺🤣


起泡力強，唔用起泡網都得，甜甜果味令人享受沖涼嘅過程🥰沖涼個時真係會有成浸水蜜桃味圍繞成個浴室，真係好舒服！比我印象中好耐以前啱啱出嘅滴露水蜜桃味更香濃，唔知有冇升級咗呢。（半bump用手起泡）
(用起泡網起泡，好多泡好正，泡泡觸感柔軟）

用完之後成身都好香，去除到異味同體味之餘仲會帶嚟香味，呢隻味比柑橘味更long last，last到入被竇同埋第二日出門。

沖完個下真係有保濕feel，但又唔會笠，唔會有黏笠感，係好清爽嘅。

開住冷氣訓咗成晚，第二日皮膚都唔會乾，亦都唔會令我乾癢（之前其他牌子會），而且摸落皮膚觸感好柔軟！

水蜜桃味真係我數一數二喜歡嘅沐浴露香味，暫時未諗到有任何唔符合我嘅期望/ 有任何缺點。

結論：我會推薦比女仔/ 女士用呢支「水感蜜桃」味滴露沐浴露，用後清爽無殘留，保濕，舒服，香味甜，好水蜜桃，鍾意水蜜桃嘅女仔一定會喜歡呢個味