OLAY

新生高效緊緻精華乳液

好開心今次可以得到@cosme X OLAY 的新升級OLAY Super Essence Emulsion精華乳液嘅試用。

今次嘅OLAY Super Essence 系列，佢有精華水同精華乳液，主要功效係抗皺精華，保濕，打造富有彈性嘅水潤肌膚 。 佢雖然就叫做精華乳液，但佢應該係面霜黎，需要搽完精華之後使用的乳液嚟。（因為我自己就誤解左做精華）

同罐裝嘅面霜唔同。呢個精華乳液嘅質地比較水潤嘅，用量少但易推勻全面，用後塊面係會好濕潤嘅，呢個時候我就會喺塊面做咗少少按摩。係佢吸收嘅時間，塊面係好濕潤，同時又會feel到塊面有啲被油滋潤緊嘅感覺嘅。作為一個淡紋抗皺效果嘅產品，大概一個星期嘅試用時間太短，睇唔出有改變細紋嘅效果。
不過係洗完面會感覺到面上有拉緊感覺嘅年紀，支精華乳液有足夠滋潤。
而且我亦很喜歡搽完後，面上濕潤的狀態，很方便我做按摩。
另外和膏狀嘅面霜唔同，支精華乳液很溫和，就算用到去眼嘅周邊，都唔會刺激到眼睛，令隻眼好油張唔開。