LANCÔME

煥活修護精華 (逆時小黑瓶)

感謝@cosme 邀請和抽中有機會試用LANCÔME 全新Génifique逆時小黑瓶同第二代極光水！

上年已試用過第一代嘅極光水同小黑瓶精華, 已經覺得效果非常好, 所以好開心可以體驗全新同新一代嘅產品！
首先, 喺第一個星期先試嘅逆時小黑瓶, 質地流動性好好 搽抹上臉上吸收得好快, 感覺比小黑瓶更保濕 皮膚吸收得更加好, 沒有黏笠感！因為我皮膚偶爾都有啲小泛紅, 但用咗逆時小黑瓶嘅呢個星期, 睇得到膚質穩定咗同感覺修復到肌膚, 毛孔緊緻咗, 細紋都有改善, 相信持續使用後膚色均勻效果會更明顯！之後第二星期再配合埋第二代極光水使用, 將極光水搖勻融和配方後 倒落掌心混合精華直接輕拍上臉, 雖然含有油嘅成份 但皮膚吸收得好快, 好快感到輕微嘅滋潤感但又唔油膩唔黏笠, 與第一代相比 第二代嘅極光水明顯更滋潤更保濕！

我係混合性偏油嘅膚質, 配合逆時小黑瓶使用一星期後, 感覺膚質有明顯改善 就算喺而家天氣較炎熱同潮濕嘅天氣下, 臉部出油嘅情況係改善咗, 相信係保濕效果好先可以做到水油平衡嘅效果, 提升亮澤感同更柔滑 細緻咗毛孔同細紋 感覺膚質穩定同健康咗！
我喺未用之前, 喺冷氣房瞓醒起身 臉頰同T字位都會見到有泛油情況, 但用逆時小黑瓶同第二代極光水嘅呢段時間, 起身時好明顯會睇到呢個情況改善咗好多,
而且摸到塊臉皮膚好柔滑同有亮澤感！

逆時小黑瓶同第二代極光水呢個組合, 係我暫時喺使用過聲稱有相近效果嘅產品中 使用效果最能夠同可以喺短時間內感覺到有明顯嘅變化同效果！
已經去到輕熟女嘅年紀, 皮膚嘅穩定性好重要, 之後會買貨裝keep住用！