NIVEA

DERMA CARE科研 舒敏修護雙管精萃凝乳

多謝 @cosme 抽中我試用 「舒敏修護雙管精萃凝乳」！❤️
首先講下第一次試用嘅感受，佢同 「PHA 煥膚柔嫩奇肌雙管精萃凝乳」一樣，吱出黎真係睇到雙管2種質地，分別係外面嘅透明gelly質地，入面係lotion質地，但佢個最佳按壓位置好難吱，會跣。
👆🏻可見有機會吱不均勻

但佢好易推開，推嘅時候手感都幾好；不過香味都幾濃，係香精味，個人唔太喜歡呢種味，浸味聞落好廉價；吸收都需要啲時間，我搽左薄薄一層，都起碼要5分鐘先吸收得7788，吸收後，佢滋潤嘅存在感可以話係冇乜，搽完好似冇搽咁。臨訓前搽，滋潤效果可以last到第二日朝早，但到下午就開始冇乜滋潤感。
👆🏻推開時個樣
👆🏻推均時，可見吸收需要一定時間
👆🏻吸收後的右邊明顯較少乾紋

佢聲稱可以20秒舒緩乾癢，7天修護乾燥敏感泛紅；我個人認為佢除左修護泛紅呢點有待觀察之外，其他效果都有做到，佢的確好快可以感受到舒緩乾癢，我大髀之前好容易痕，敏感，搽完呢支之後唔會再有痕嘅感覺同起粒粒。泛紅嘅部分係有好過以前，但都仲有些少泛紅，不過我本來都有毛囊角化，所以我認為需要多啲時間去驗證呢支新lotion對於修護泛紅嘅能力。
總結而言，如果以佢正價149一支的話，我未必會選擇呢個產品，但佢做到大部分所聲稱嘅效果，如果佢有大折扣時，我都會考慮呢個產品。