YSL BEAUTÉ

淨膚煥彩泡沫潔面水

好記得當初YSL潔面乳同Dior個支OFF/ON 推出時期 & selling point好相近， 我都糾結左好耐，價格相近但究竟邊一支比較適合我呢！ 呢支潔面乳專櫃價 $455/125ml , 包裝呈白色，在光線底下可以幻變出淺藍色coating, 視覺上頗享受喎～潔面乳係cream狀質地，遇水後可以擦出綿密泡沫，即使少少（如圖）都可以擦出足夠一塊面既泡泡；佢成份含有APG，氨基酸，茉莉花瓣萃取同甘油，我按摩20秒潔面+拭乾水後唔覺得面部肌膚*特別*的滋潤；有繃緊既感覺 試用過後，我認為潔面乳即使添加甘油，稍微拔乾了肌膚也是在所難免，起碼潔淨力係滿分的～反正洗面後會即刻用爽膚水補水，我唔係好介意究竟佢係咪如廣告描述中所講嘅咁滋潤！ 與其賣點係滋潤，不如話佢係清爽清潔力極高嘅潔面乳～ 整體上，因包裝同氣味令我比高分佢，未能俾滿分就因佢始終有繃緊嘅感覺。