SK-II

護膚精華 (神仙水)

❤️‍🔥❤️‍🔥究竟咩野令到一枝神仙水紅足咁多年？？

「神仙水」，我細細個睇電視已經見佢賣廣告。由以前媽咪化妝枱上嘅護膚品變成今時今日自己化妝枱上必備嘅護膚品，究竟係咩野令到一枝神仙水紅足咁多十年？!!

🌸PITERA™ 嘅奧秘
SK-II 神仙水貴為護膚品界嘅天花板，相信唔少女生都好似我咁由唔同途徑聽過，對依三隻字唔陌生。原來神仙水之所以一直享譽盛名全因為獨家嘅PITERA™ 成份！佢絕對係成枝神仙水嘅靈魂關鍵！就連玻璃樽上面都深深咁刻住個名詞。因為PITERA™ 同我地肌膚入面嘅天然保濕因子(NMF)成份十分相似，而且擁有水狀質地，所以非常容易就可以被肌膚吸收，滲透肌膚底層，令肌膚水油快速得到平衡。

樽嘅後面係日文介紹，而且大大隻字寫清楚「無香料」，無添加額外化學成份，各位美美就能夠更加健康地護膚啦 🆙。當然第一次使用前，建議先取小份量使皮膚測試。

🌸 使用前後對比
我要衷心感謝 @cosme同 @SKII 嘅邀請，使我有幸成為試用家之一。依枝神仙水真係黎得非常合時。最近天氣時暖時冷，再加上壓力，令我嘅皮膚狀態變得超級唔穩定，唔止冒出幾粒石頭瘡，仲搞到我皮膚甩皮添！！持續使用左大概十日後，其實已經見到明顯效果。睇得出皮膚明顯比未用前變得有水潤飽滿，面頰毛孔收細左。🌸 點樣用神仙水最有效？
原來每次使用只需要一個5蚊銀大細嘅份量就足夠！只要令到神仙水滲透全面肌膚，就可以發揮最佳護膚效果，如果倒得太多反而會造成浪費，畢竟一枝價錢都唔便宜，哈哈。另外，其實用手輕拍同用化妝棉都可以達到保濕效果。好似我上圖啲肌膚狀態唔穩定時，我就會選擇用化妝棉輕拍面部。 重點位置敷一分鐘。平常的話，倒適量神仙水倒喺掌心，然後輕輕拍在臉上就搞掂。 希望大家都可以保持肌齡定格25歲啦！✿💓