Kiehl's

醫學維C淡斑精華

我的皮膚一向都有不少雀斑，多年來試過好多品牌的美白精華，也還未找到一隻令我覺得有明顯效果的。今次好開心收到@cosme 邀請試用 Kiehl’s的醫學維C淡斑精華，希望有助改善雀斑問題。

睇產品資料介紹，呢款精華 除咗淡斑，亦可以均勻膚色，去黃氣暗沉，令皮膚更剔透亮白，十分吸引! 成份方面，除咗含有 活性維他命C去抑制及預防黑色素嘅形成及積聚，佢仲添加咗專利成分「玻色因」，有助促進膠原蛋白新生 ，令皮膚更加剔透有彈性。

質地:
透明水狀，但唔係水一般咁稀，係有點點濃稠的；用幾滴就可以搽晒全面，非常好推開，而且好容易被皮膚 吸收 ，唔會覺得笠， 但係 又有保濕的感覺 ，搽後皮膚變得水嫩，亦不會跟後續的護膚品或化妝品打架，我個人好喜歡😌

用法：
早晚潔面後，於爽膚水後使用。全面搽完後我會再用兩滴搽在有斑同暗瘡印的地方輕輕按摩作重點修護。

連續試用咗12日，特登影低相去比較一下效果，結果令我幾有驚喜：
🌟皮膚明亮度提升，膚色無咁暗沉，望落白淨了不少
🌟雀斑方面，畢竟只係用了短時間，所以唔敢抱太大期望，但睇相比較發現都有少少改善呢！真係好驚喜🤩而暗瘡印就明顯地淡了 💕
🌟Bonus係膚質都有改善，變得更加細緻

總結：用咗呢支Kiehl’s嘅美白淡斑精華喺短短12日就有以上效果，真係令我十分驚喜同開心😍呢支精華有效美白之外還可保濕及改善膚質，而且成份溫和，即使試用時正值轉季天氣，使用時皮膚都沒有任何不適或敏感。我會繼續努力使用，期待面上的雀斑能慢慢淡化消失。真心推薦啊! ❤️❤️