Benefit

gogotint 櫻桃胭脂水

【質感】 佢嘅質地真係同一般胭脂好唔同，係一種非常純粹嘅「水狀液體」，流動性極高，唧出嚟嗰下真係好似水咁，完全冇任何油份或者杰身嘅感覺。我通常會直接點幾下喺蘋果肌上面，佢嘅水感基底推開嗰下好順滑，但乾嘅速度真係快到一個點，基本上你點上去之後，10秒內就要快速用指腹或者美妝蛋拍開，如果手腳慢少少，佢就會定咗型喺度，之後好難暈染得勻。因為佢係水狀，所以上面之後完全零粉感、零負擔，緊貼住皮膚唔會移位，感覺就好似自己皮膚底層透出嚟嘅血色咁自然，唔會好似粉狀胭脂咁有浮粉或者卡紋嘅問題。不過要留意，乾肌或者皮膚狀態唔好嘅時候，邊緣位有機會積線，所以妝前保濕一定要做足。 【使用感】 呢個位係我最滿意嘅地方，Gogotint 嘅顏色真係黃皮嘅「天命色」。上網Fact Check過，官方同唔少用家都話佢係一支櫻桃紅（Cherry Red），但實際上面之後，你會發現佢帶有明顯嘅橘調同西柚感，並唔係死實嘅大紅色。我本身係混合偏黃肌，好多時用粉紅色胭脂都會顯得塊面灰灰黃黃，但呢支嘅橘調完美中和咗我皮膚嘅黃氣，薄薄拍一層上去，成塊面即刻顯白咗一個度，望落去好有活力、好精神，完全冇「猴子屁股」嗰種尷尬感。

Benefit GoGoTint 胭脂液質地水感超薄，水質基底推開快乾，緊貼皮膚唔移位，出汗後用紙巾印都keep到色！混合肌建議在粉底後、碎粉前拍開，妝感更融合。乾肌記得做好保濕，否則邊緣易積線～ 👀色號攻略（黃調肌必看） 🩷#PosieTint（櫻花粉）：偏冷調粉紅，白黃皮用顯仙氣，暗黃皮慎選（易顯灰） ❤️#Benetint（經典玫瑰紅）：暖調紅調，黃皮友好！薄塗似天然血气厚塗復古感，全膚通用 🧡#GogoTint（橘調西柚紅）：黃皮天命色！ 橘調中和黃氣，顯白又活力，夏天配橙調妝容一流 ✨ 使用技巧 1️⃣ 搖勻後點在蘋果肌，10秒內快速拍開（乾後難暈染） 2️⃣ 黃皮可混#GogoTint+#Benetint製造層次感 3️⃣ 唇頰兩用時，先塗胭脂再上唇膏以免染色不均 總結：黃皮首選#GogoTint💕，自然橘紅調完美提亮膚色，持久度贏盡香港悶熱天！注意手速要快，新手多練習唷～

胭脂水真係好方便。 液體無閃粉。 為左衞生，我會點落手背，然後再上面同嘴～

可以用作胭脂水 點幾點係面頰到輕輕印開 紅紅的印開左唔會好紅 但望落去個胭脂好似我平時敏感咁嘅樣 可以用嚟查嘴 但我不喜歡 有苦嘅味道

一物兩用唔錯呀，做唇釉又得，質地偏水潤，搽少少已經夠搽勻成個嘴，唔乾，顯色。做胭脂液又好顯白，不過較易用色．

呢隻係超舊嘅款，可以一物兩用，用嚟做胭脂或者唇部使用都得，顏色鮮艷飽滿，但略嫌太紅🙈

搽嘴、搽面、搽手踭都可以，身體上任何想即時變粉嫩的位置都可以塗。好輕薄，顯色。

- 當時買血紅色， 可以做到唇同胭脂一樣色， - 上咀好輕薄，唔係好顯色，上胭脂都偏淡，印開會愈黎愈淡色，有試過令個底妝唔貼服 - 咀用耐咗會乾，唔會回購

質地如水般,比較稀身易推開,色彩偏紅,故份量不宜太多,以免胭脂妝弄至不均勻似的

顏色好自然，上臉後似係由內以外透紅出黎， 而且一物兩用，可以用黎做胭脂或者唇膏， 但長時間搽係唇上面我覺得有啲乾。

已經係好耐之前嘅款 佢好易上色但好顯紅，不過就係太紅🤣 同埋唔好夏天用，液係完全防唔到水，好快甩哂…🤣🤣🤣

是用清光的產品 如果想做成咬唇妝的效果 這產品很適合 但天氣太乾的話 上唇不久會有一撻撻的現場 但夏天很合用

有一排好興偽素顏妝容 好多人都想要白裡透紅皮膚既感覺都會用胭脂液 呢款胭脂液好顯色 如果新手就要小心d 冇咩大太缺點 只係我中意胭脂粉多d 😗

作為唇彩的話會好乾，好顯唇紋。 而作為胭脂嘅話，因為太顯色所以新手會比較難控制，要逐少逐少咁疊層上先會靚。

偏乾易有乾紋出現，色澤還可以，但不易上手，太快乾變得色澤不夠均勻自然。

多數用於臉上做胭脂，沾上臉後， 睇落幾嫩紅。 但用在嘴唇上，會覺得偏乾 /黏。

效果可以叠加，效果亦好持久，不過我覺得有點油油的，搽上面笠笠的

雖說係唇頰兩用 但我係想買黎做染唇液 結果超失望 我本身唇部狀態唔好 佢又超拔乾 用完好似倒吸曬水份咁 起死皮 仲爆擦 乾得好誇張 隻色一上嘴戈陣好自然好靚 但超易甩色 久而久之變左得唇部內圈有色 令唇部睇落好尷尬肉酸 未用完就dum左了 唔推薦

拎出嚟睇落非常紅，要少量係面慢慢拍開 比啲時間慢慢拍開後先唔會一撻撻/有界線感 不過隻色始終都係偏紅，個人嚟講唔係太鍾意 同埋比較實色，卸妝要注意啲卸乾淨

做唇膏都幾好，質地偏水，搽少少已經夠搽勻成個唇，唔乾，顯色