平價淡斑 推薦好用產品

Joanne好用推薦：NIVEA LUMINOUS630雙效淡斑透白精華 試用日期：16 Aug ~ 27 Aug 非常榮幸能夠參加今次試用 多謝@cosme 要成為擁有白滑皮膚嘅女人 防曬美白淡斑真係唔可以懶 咁啱今次暑假期同小朋友去咗兩轉日本 曬到成個人黑咗幾度 本身曬黑都唔緊要，最慘係塊面曬到出咗斑🥲 真係喊出嚟😭😭 所以一見到有出淡斑啲試用就二話不說申請咗 抽到真係好開心 今次試用嘅產品有 LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講咗精華先 顏色係淺肉色，質地都算水狀，易推易吸收 上面後有啲光澤，一啲都唔黏笠 用咗十幾日，明顯睇到塊面係透白咗 但斑點方便未話有好大改善 都明嘅，出咗斑真係唔係話搽幾日就會無咗 始終年紀唔細😭 不過，前排手多唧完瘡嘅印就淡得好快 呢點係幾有驚喜 我覺得呢個價錢嚟講，日常當係美白保養都算係性價比高 （30ml/ HKD 309) 不過有一樣我比較在意呢就係 佢嘅香味太濃，其實有香味我都接受到 但今次呢隻味道就唔係太討好 我覺得有啲似柔順劑嘅味🙈 如果對氣味好有要求嘅人 想買之前最好去試

Lesleyy好用推薦：產品試用心得：NIVEA LUMINOUS630 雙效淡斑透白精華 試用時間：2週 最近試咗NIVEA嘅LUMINOUS630系列，真係幾驚喜。聽講呢款LUMINOUS630成分，NIVEA花咗10年時間研發出嚟，可以由根源淡化色斑，仲可以提亮膚色，真係好吸引。 質地同感覺 LUMINOUS630 雙效淡斑透白精華： 呢支精華真係好輕盈，質地好似乳液咁，推開之後好快吸收到皮膚入面，完全唔黏笠。 因為我皮膚比較敏感，所以好驚會唔會刺激到，但試咗兩個星期完全無問題，真係幾溫和。 效果分享 膚色提亮： 覺得成個膚色均勻咗，之前暗啞嘅位（例如嘴角同鼻翼）都改善咗，皮膚好似更亮更有神。 淡化斑點： 兩個星期後，發現啲斑點同痘印真係有淡咗，雖然啲頑固斑仲未完全消失，但明顯淡咗。呢款精華對淡斑效果真係唔錯。 保濕效果： 仲有，呢款產品嘅保濕效果都幾好，用咗之後皮膚一直水潤潤，完全無乾燥脫皮嘅情況。

Ariel好用推薦：感謝@cosme邀請參加今次試用「亮肌淨斑精華」✨本身都有用開肌研嘅化妝水，但精華就真係第一次試，結果完全冇失望，仲幾有驚喜！ 本身係敏感肌，所以好少用美白產品，通常曬黑咗都係等佢自然變白🫠但過程實在太漫長了 試用肌研呢支精華兩個星期之後，照鏡覺得個人氣色好咗，無咁黃同暗沉。 佢質地好水狀，滴上手流得好快，上面唔使30秒就吸收晒，美白同時唔會令皮膚變乾～重點係我完全冇敏感🙌🏻 前排膝頭哥有傷口，甩咗焦之後個印一直唔好，我多手用精華搽埋佢😂結果好快去咗印，喺我記得要影相嗰陣已經無咗😂😂😂 推介比所有想美白的敏感肌sis！下次應該會入手埋佢支保濕精華～

jhope0725好用推薦：感謝@cosme與肌研，讓我有機會試用今次期待已久嘅美白產品！ 先睇睇我平日素顏嘅情況，皮膚因為每日都需要化妝，所以明顯暗沉，有黑色素沉澱，另外皮膚亦都有暗瘡痘印 呢枝升級版精華，質地非常清爽輕盈，從相片已經睇到非常流質，亦都唔會加添太多增稠劑，因此上面好快就吸收 以下係我使用兩星期後嘅效果，雖然未見到皮膚好明顯亮度提升兩度或以上、但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角，呢啲係色素沉澱嘅鬼鼠位！ 之前額頭亦都有痘痘，原本擔心產品可能會刺激到豆豆發炎，但相反，精華亦都有效減退痘痘帶來嘅發炎情況！ 雖然主打係美白精華，但同時高效保濕，入面加添四種透明質酸，比以前用過嘅美白精華保濕效力更高，不擔心只攻美白，會令皮膚變乾、好似嚡熠熠咁！ 總結而言，美白效果中上，而且令膚況穩定，不擔心因為想美白而令到皮膚狀況變差，如果你都搵緊價錢合理，可以令皮膚提亮嘅產品，非常推介！

A&R好用推薦：呢款美容液，主要作用係去斑美白，但係我本身皮膚都冇乜班，所以見唔到實際嘅效果，用完一段時間都有少少美白效果。如果皮膚需要集中美白效果的話，呢支係一支不錯的選擇。

Kura好用推薦：係我無限回購嘅一款美白精華，去印真心一流，質地雖然係好似油咁，但搽上臉好容易吸收，同埋美白效果非常見效，價錢非常平，點用都唔會心痛，強力推薦嘅美白精華，產地係日本，推薦俾有需要美白嘅朋友仔 @cosme

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

Sccan好用推薦：Olay新推出嘅抗糖系列一直想試好耐，早排佢減價買左支試。 效果：少許提亮膚色 質地：精華液狀，較黏稠，易推不算透氣 香味：一貫Olay經典香味 用後感：用左兩星期，去斑就暫時未見效果但提亮美白係有少少效果，樽身設計係扭開一泵，份量剛剛好，都幾方便。

綺羅香好用推薦：去完旅行皮膚未適應返，爆咗一堆暗瘡，好彩唔算嚴重，好快謝哂，係留咗一堆痘印，就求其買一盒美白面膜幫助去印，一打開面膜發覺剪裁幾特別，好似立體口罩咁，紙質厚，敷上面見鼻翼位覆蓋得好好，咀唇邊都遮得好貼，成個下巴都蓋得好密實，敷完塊面亮白咗好多，無過敏，會考慮回購

JuneL好用推薦：雖然這款面膜剪裁是3D, 但真的要是標準美蛋臉用先啱，紙質偏厚，精華也算足夠，保濕效果一般，至於美白又唔算好明顯。

Sssue317好用推薦： - 質地：輕盈水潤 - 味道：帶有香料味道 - 包裝：硬身塑料 因為工作關係經常捱夜，捱夜後的皮膚也會較為蠟黃。同時一直也很在意淚溝和法令紋，尤其過了25歲之後，感覺皮膚比以前變得更乾燥，皺紋又會更加明顯，所以也開始注重抗老。 這次使用了LUMINOUS 630 雙效淡斑抗皺精華，也有記錄下使用的前後對比（如圖）。最明顯的分別是皮膚變得更均勻透亮，本身我下巴的位置膚色較為暗沉，用後整張臉的膚色更平均。 另外，看到自己的一些細紋有減淡了，當然也沒有完全去除，但是以短時間來講的效果我也很滿意。 而且很喜歡他一抹化水的質地，塗上後很快吸收，不會有黏笠的感覺。 不過它也有一點香料的味道，所以敏感肌的朋友也要在塗上臉上之前，建議還是要在耳背測試一下是否會敏感。不過我不是比較敏感的皮膚，所以用起上來也沒有任何的問題。 也有一點是我覺得瓶蓋很難開，冇辦法單手開瓶

Sccan好用推薦：首先感謝@cosme 的邀請試用， 第三次抽中依款新推出嘅NIVEA LUMINOUS 630 雙效淡斑精華正裝30ml。 我屬於混合敏感肌，膚色不均勻易泛紅，有雀斑及痘印因缺水毛孔粗大易出油。 質地：比較稠身乳霜狀，唔算易推開，但不油膩有水感。 效果：輕微淡斑，平撫毛孔及細紋，非常保濕滋潤，減輕泛紅令皮膚更有彈性更緊緻。 缺點： 化學香味較濃，雖然唔刺鼻但唔係個個接受到。 用後感：比以往嘅Nivea 嘅廉價感，今次依個包裝較高級感精緻，拎上手比較重但手感十足，啲唧頭好細好方便控制想要嘅份量，用量唔大，建議少少咁撳出黎。雖然建議話試20天，但收到通知提示截止要交，由我收到試用裝開始試用左10天都先報告下情況。無濾鏡同一光度下影相，見到眼下雀斑淡左少少，膚色均勻左少左泛紅，毛孔都細左啲，虎紋位都提升左，整體感覺平滑緊緻左。 總結：很推薦！ 雖然依款其實似面霜多過精華，以為會無感，但估唔到效果會咁好！

Cc2016好用推薦：趁做特價第二盒半價時買，性價比高，夠貼面型，亦夠滋潤，用完皮膚感覺更有彈性，已經再回購

jaye好用推薦：肌研呢個系列既面有3款，3款都好岩敏感皮膚，3款我自己都鐘意亦會交換用，面膜紙好貼臉亦親膚，一敷上臉已經好快感覺到滿滿既精華，完全無吉既感覺，15分鐘後再洗淨臉部，馬上見到皮膚水潤飽滿，後搽護膚品亦更快吸收晒，第二朝起身水潤感依然持續，呢款就美白功能既就係3款裡面精華中最清爽，保濕之餘仲可以逐步改善唔均勻既膚色。

Kakar好用推薦：係innisfree買面霜果陣送既，佢質地唔太笠，都幾容易吸收。個人無好明顯既美白效果，但覺得用後膚色好似均勻左。

Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。

Noel好用推薦：雖然我是 Minon 的fans，但是個人並不推薦這個美白款的面膜。所以我不會回購藍色邊這個，只會繼續用 Minon 氨基酸面膜‼️ 先講一下使用感，面膜精華液係純白色，流動性偏低，能夠令面膜很貼服。第二，精華液含量高，除了面膜部份，還夠塗頸部及手腳👍 面膜剪裁一般，可見圖三，下巴位置我是自行撕開，再重新覆蓋的。而精華液的吸收情況方面，只能說是不過不失，沒有像氨基酸面膜般好吸收。 敷完面膜後，皮膚有變亮白的效果，但是不持久。只可算是皮膚保水後變明亮。

Angie好用推薦：打開包裝就見到滿滿嘅精華液，做到保濕效果，不過美白效果就唔明顯

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

Kpl6be6好用推薦：呢個品牌嘅美白産品出哂名有效果～感覺精華滲透肌膚～用後補濕度十足～膚色亦明顯亮白咗～

Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。

KDing好用推薦：呢個美白化妝水我會拎嚟做濕敷，朝早化妝前敷15分鐘，皮膚已經有好透亮㗎喎

sammiimelda好用推薦：方便衛生嘅美白泥膜 用完之後有明顯提亮美白效果 一次用一粒 通常一個禮拜用一次 之後再上返個保濕面膜就可以

mavis好用推薦：好方便嘅cream mask 一粒係一次嘅份量 唔會有平時一大樽cream mask嘅衛生問題 推介

iliya 好用推薦：同滋潤版相比，呢款簡直係清爽得滯，搽完等於無搽一樣😂😂😂

natanatalie好用推薦：以開架產品來說，效果十分不錯，性質溫和，有基本保濕功效，但感覺唔到美白

KDing好用推薦：保濕效果唔同 用完塊面都可以keep到一日既水潤感 亮白就有少少

Hamiii好用推薦：保濕ok 亮白唔覺 但呢個牌子會想再試 幾鐘意面膜紙唔厚但足夠貼面 又hold得住精華既mask 下次旅行再買

橘子貓好用推薦：套裝贈品。 化妝水是透明，近乎無味。質地有點稠度，似gel。幾易推開，亦快被皮膚吸收，但吸收後似有膜感，摸上去有點點黏，不太喜歡。用後未見有提亮感，美白效果更是沒有啦。

natanatalie好用推薦：性價比很高，質地溫和不刺激，有足夠保濕功效，但未能感受到美白功效

維他他好用推薦：我通常喺夜晚敷面膜，呢隻面膜敷完之後覺得好保濕，有少少提亮效果，相信長期使用可以使皮膚變得更白淨，但敷完之後記得要用保濕的產品，因為美白嘅產品通常用完會會較乾

lingbb好用推薦：價格唔算最平，但算係好保濕嘅選擇、面膜充滿化妝水，無味、無色，使用後塊面好白淨水潤，敏感肌至愛之選

Hchan好用推薦：The ordinary 的產品一向價格不高又有效，剛好這段時間轉季，皮膚不穩定會間中起痘，留下的痘印又久久不退，見到這枝新推出主打去印，蘆薈成份又有舒緩功效，希望能改善一下。 精華液是滴管裝設計，質地是如水般的液狀，少許滑順感，沒有味道，上臉後容易推開及吸收，對暗瘡肌也沒有負擔，由於我是在夏天至轉季期間使用，後續再上面霜保濕度亦足夠了，但因質地十分清爽輕盈，乾燥的天氣可能要再搭配其他高保濕產品。 用後覺得膚況有變得穩定點，暗瘡減少了，淡化痘印的功效就不太明顯，不過如果只看穩定膚況這點我會再回購，因為像痘印及色斑這種的，我會另外再用它家的維他命c精華乳局部塗就已經十分有效淡印。

Mclmcl好用推薦： Anessa 這個品牌都係防曬產品上數一數二。今次佢出咗晚間修護都想試吓。 今次我主要用係手腳位置，平日都忽略呢啲位置，夏天曬完都冇好好修護一下。 連續用咗一星期，皮膚滑左，感覺少少似浸完溫泉的效果。之後冇日日用都好似keep到。美白效果就唔覺。 質地唔笠、易推。 會keep 住用，尤其夏天，手腳每日都暴露出嚟，都要注意修護。 $175/180ml。可以用到2個月多啲。超抵用。

YolandaAuYeung好用推薦：質地: 4.5分 質地呈淡黃色乳霜狀，微香，晚霜質感非常幼滑，輕易推開，按摩後肌膚能完全吸收 即時保濕度： 4.7分 即時保濕度高達73%，保濕效果十分理想，晚間使用後，翌日起床亦感到滋潤，面容看起來更精神 淡斑度：4.6分 使用5天後，千年痘印明顯淡了一度，有效減淡色斑，此外面頰較大面積的色斑，色素亦變得不明顯，範圍亦縮小了！ 提亮/美白度：4.6分 膚色均勻度有所提升，特別是鼻翼兩側、嘴角，較易色素沉澱的地方，整體膚色變得更均勻，更有光澤感，面容看起來更有神！ 配合雙效淡斑透白精華使用，美白淡斑效果更顯著！ 總評： 連續使用NIVEA LUMINOUS 630雙效淡斑煥白系列 5天後，千年痘印明顯淡了一度，而面頰面積較大的色斑，色素亦變得不明顯，範圍亦縮小了，減淡色斑功效岀色！ 此外，使用後膚色均勻度有所提升，特別是鼻翼兩側、嘴角，較易色素沉澱的地方，整體膚色變得更均勻，肌膚亦變得光滑潤澤，面容看起來更有神。 建議配合整個LUMINOUS 630雙效淡斑煥白系列使用，美白淡斑效果更顯著！ 以美白產品來說，價錢親民效果顯著，推薦給大家使用！ #火熱新品