羅小白好用推薦：一開始用確實係幾滋潤個嘴，但係浸橄欖味真係幾臭，但夜晚瞓覺用都叫接受到，之後再買多支就發現，個嘴越用越乾，仲要成日甩皮，仲要支唇膏好快就用晒，感覺冇幾耐又要再買過支，性價比低

呆呆的槑好用推薦：DHC護唇膏一直都好出名，用完之後發現佢真係值得推薦畀人。 外裝設計簡單又高級，有時仲有同卡通公仔聯動，見到鍾意嘅都會買返支🥰 質感上搽上去之後會感覺有層膜包住嘴唇，但不會難受。秋冬天夜晚搽完第二天嘴唇啲裂紋冇曬，超好用👍 唯一減分位就係佢個味...有d難聞，膠膠哋。好彩搽落嘴唇唔會聞到🙈 下圖是我用到底的唇膏😗：

Lingling1108好用推薦：本人屬於偏乾敏感肌膚，而嘴唇都會有點乾燥，本人要一年四季都會搽潤膚膏來滋潤雙唇的，𣎴能接受到唇爆裂甩皮既狀態🫣而有次行街經過Laneige專門店看到有個好靚既深粉紅色既圓形盒仔，就被它吸引左入店內睇睇😍原來係Laneige水潤修護睡眠唇膜,完全合哂我心意，回家當晚急不及待試用，首先打開蓋子後已聞到陣類似士多啤梨味，Laneige好細心配上一支小小羹仔可用來取唇膜的，唇膜都係粉紅色架😍，搽上嘴上感覺有一層厚厚既啫喱保護住嘴唇，到了第二天早上。。嘩，洗臉後十分驚喜，嘴上既唇紋完全消失，而且會有種水潤粉嫩脹卜卜既效果👍👍而且一次只需用一羹份量，所以十分耐用，用完一定會回購💯💯

Hamiii好用推薦：Laneige既sleeping mask係我長期必備既，廿幾歲買到而家無斷過🫶🏻 但呢隻唇膜… 就唔係好適合我😅 佢一搽落去係好潤既，淡淡既士多啤梨味，唔算好濃，算接受到既 過一陣，覺得黏黏地… 再過多陣…. 出事啦…. 好痕😵‍💫 即洗.. 過多陣.. 就腫左咀😵‍💫😵‍💫 呢盒最後俾左妹妹，佢用無問題既，覺得潤，但側訓比較易high污糟枕頭，要小心d.. 但如果好似我咁屬於敏感肌，建議試一試上手先，唔敏感先上咀🫶🏻

bibubibu好用推薦：色號係012 Rosewood 係一個非常之自然嘅顏色 就算素顏搽都冇問題 搽咗上嘴就好似有自然嘅好氣色 佢嘅質地滋潤 係有色潤唇膏 能夠有效撫平唇紋 就算係乾燥嘅冬天都可以直接用佢 一搽上嘴就感覺唇部得到立即嘅舒緩同滋潤 喺冷氣房用都好適合 不過佢比較黏咀 你會感覺到有立痴痴嘅感覺

takemyokane好用推薦：為人熟悉的 Dior Addict 潤唇膏，應該都不用多介紹了！1 號色最自然，塗上嘴是顯健康粉色也有輕微清涼感，滋潤度中等，一般上班適用。

Kura好用推薦：冬天必備最強潤唇膏，我已經回購無數咁多次，最鍾意蜂蜜味，味道夠香甜，搽上嘴非常潤，但唔係油膩嘅感覺，之前冬天個嘴乾到爆裂，用咗呢款潤唇膏之後就好返，夏天用都唔會覺得好油膩，其他口味味道唔係好香好濃，適合唔鍾意香味嘅朋友仔，不過一樣咁潤，用完呢款潤唇膏再搽其他有色潤唇膏都係非常一流，修復唇紋，去除死皮，價錢係非常平，男女老少都啱用呢款潤唇膏，包裝好靚設計方便，自己用或者送朋友都適合，產地係美國，近期需要入手潤唇膏嘅朋友仔可以考慮下 @cosme

橘子貓好用推薦：Beeswax Lip Balm with Vitamin E & Peppermint 經典的潤唇膏，聞着不太有蜂蜜味，是淡淡薄荷味，塗上嘴更是很清涼。 主要滋潤成份是蜂蠟、椰子油和葵花籽油，蠟感稍稍重一些，不會油膩黏笠。塗上大概5分鐘就可以舒緩唇部乾燥，減淡6-7成唇紋。 由於這唇膏的薄荷精油添加量不少，排在成份表第四位，所以涼感都幾持久，夏天用會幾清爽，但如果有唇炎的妹子要留意，薄荷成份會有機會令嘴唇過敏。

維他他好用推薦：曼秀雷敦成日出一啲特別版潤唇膏，今次出咗貓爪，照樣係薄荷潤唇膏，但係得意咗好多，薄荷潤唇膏一向好用，滋潤，有即時嘅保濕效果，但係隔一陣又會乾返，所以要keep住補搽，價錢好大眾，買多幾支都唔怕。搽上咀亦有好明顯嘅薄荷味，嘴唇即時涼涼哋，好提神！

Hamiii好用推薦：我既手袋必備！ 平。靚。正！ 可以日常保養用，妝前打底又得，一d都唔黏立👍🏻搽完佢再上唇膏，會上色好多。 再加上淡淡薄荷味，有種好清新既感覺。 大推🫶🏻

維他他好用推薦：好耐之前用過嘅一支潤唇膏，記憶中佢都幾好用，唧出嚟少少少少咁，冇味道嘅，當時嚟講凡士林係好出名滋潤嘅牌子，所以好多人都有用㗎

lingbb好用推薦：我妹好鐘意用，一定有枝係屋企 - 晚上睡前查 質地比vaseline無咁黏，但相似，比較水一點 上咀後會好似食完炸物滿咀油既感覺。 如果口角損咗都會用佢黎厚厚塗一層等佢有滋潤感 非常便宜方便 枝裝好處唔需要弄污手指就可以塗係乾燥地方 但vaseline既成份成疑，最好唔好咁近咀，塗係其他乾燥地方會比較安全

mysecretgarden好用推薦：嘴唇一直都暗沉乾燥 ，每次刷完潤唇膏好快又要再補搽，之前聽朋友講過話呢隻好用就買來試吓。包裝非常吸引人，賣點係嘴唇嘅熱力將潤唇膏溶化，感覺非常滋潤。因為皮膚敏感嘅關係所以都係買咗無香味，第一下用感覺覺得有啲奇怪。可能因為唇膏新開嘅關係，個面仍然係比較硬，擦起來毫不順滑，同埋無香味嘅感覺好似搽緊漿糊咁，一開始覺得非常失望，但俾啲耐性用多幾日發現搽上咀都順滑咗好多，保濕力度都足夠，一日唔使補搽好多次，但整體個舒適度都係一般般。

agnessstang好用推薦：超級喜歡嘅潤唇膏❤️ 已經唔知用咗幾多支 用咗呢隻潤唇膏之後就冇再用過其他 最近仲出咗premium版本(暫時淨係喺日本🇯🇵見到) 最鍾意嘅味係蜜糖🍯、白桃🍑同無香料 我嘅嘴唇偏乾 係潤唇膏重度使用者 (總之一感覺到個嘴冇曬潤唇膏就會搽 搽任何唇膏之前都一定要搽潤唇膏打底) 搽咗呢款潤唇膏之後係真係感受到個嘴唇冇咁乾 化妝前搽厚少少 化完妝抹一抹走再搽唇膏就會好靚啦 補唇膏前用嚟打底都ok 同埋我習慣瞓覺前會厚搽 唯一缺點係價錢比普遍潤唇膏貴💸 通常我見萬寧有2送1就會買定🤣

羅小白好用推薦：鍾意冇香味嘅潤唇膏，就算去到好乾燥嘅地方都唔會甩皮，反而仲好水潤，不過都就好似有層豬油係個嘴，所以夜晚臨瞓前用就幾好。但同等價位會有更好嘅選擇，但勝在係無香料，用起嚟安心

940727.0好用推薦：依枝潤唇膏，實在太好用。我已經買咗第三支用，佢嘅質地比較啫喱狀，我只係差少少已經夠。夜晚可以當Sleepingmask用。化妝前用更加令唇色貼服。

Jane好用推薦：Rose色比較適合淺唇人，我唇色較深唯有用黎做日常素顏搽，化妝時就會揀其他唇膏。

Lumi Kwan好用推薦：黃糖系列唔會陌生，買fresh好多時都會連帶唇膏做gift，潤色護唇膏官方話有24 小時保濕滋潤，查上去感覺好滑，好似有層油包住，少少甜味，色系較女性化，如果本身唇色淺嘅人應係個唔錯選擇。不過略嫌小少黏，上咀已有溶化感覺，而且好易痴到頭髮。

Rin好用推薦：好似是買東西剛好差點錢就夾單買了 是有個味道，奶奶地，塗上唇好像用乳液的味道 有4.8g, 比較大枝 滋潤度：剛上唇是可以，有點油笠的感覺 相對就有水潤反光在唇上，大概5分鐘後就沒有 放在公司用，沒有曬太陽不知道是否抗融 包裝簡約，扭上落順滑

Kpl6be6好用推薦：質地略嫌厚身～感覺只停留喺唇表面～無滲透吸收～不過價錢咁平～唔可以要求咁多啦～