包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光澤嘅朋友。雖然唔可以話用一次就變絲綢咁滑，但持續用真係改善咗我啲頭髮質感，而家每次洗頭都好享受用佢個過程！如果你都想頭髮聽聽話話，不妨試下啦！

Yves木莓水漾護髮醋，係一款好特別嘅護髮產品，木莓精華加埋醋，味道超級香甜，可以去除頭油味，主要作用喺頭皮護理方面，幫助頭髮去除殘留物同時保持柔順光澤。 水狀質地清爽，洗完頭之後，喺潤髮步驟之後再用，倒適量喺頭髮上，輕輕按摩再沖水，就可以即刻感受到頭髮滑咗、清爽咗。 頭皮感覺更乾淨，髮尾都冇咁毛躁。倒出嚟用量容易控制。值得繼續回購使用。

護髮產品較常聽到護髮素、髮膜，髮醋就真係比較少聽啲。聽聞呢款產品係Yves Rocher嘅皇牌產品之一，而且口碑都好好，之前趁住品牌有推廣優惠，就買嚟試吓。 呢款髮醋夏天可以隔日使用，洗髮後倒落頭髮，搓至輕微起泡，再用清水洗淨就可以。用後感正評滿滿，首先頭皮有種清爽感，感覺好乾淨，成個頭好似輕咗咁。頭髮方面增加咗光澤感，而且蓬鬆度出返嚟，唔會覺得把頭髮好塌。另外頭髮有種好討喜，清新香甜嘅莓果味（有好幾個朋友都讚把頭髮好香～XD），夏天有時出汗出得多，可能會有啲唔好嘅頭油味，用咗呢款髮醋，就可以減少呢種尷尬嘅情況。 呢款產品真心幾好用，值得推介。