呢一個系列嘅產品比較特別，佢本身有支角質層修護凝露，就好似平時嘅化妝水，但係佢唔係第一件使用嘅產品，呢個系列建議第一樣使用嘅產品係土台美容液 呢支美容液係一個碳酸慕絲嘅質地，非常特別，洗完面之後就直接用呢支台美容液，需要盡快推開，唔係會好快變水狀，我自己係偏乾性嘅皮膚，但都唔需要用到一泵咁多已經夠用晒成面，佢嘅質地清爽得來呢就有少少滋潤嘅，按摩一陣好快吸收，用完之後感覺面部有即時保水，之後按塊面都非常柔嫩。 佢另一個好特別嘅功效係可以加速新陳代謝，排走老廢物質，唔知係咪因為佢有排走積聚廢物嘅功效，我用嘅第三日鼻翼生咗粒暗瘡，但係好快就凋謝咗，連印都無，呢點值得一讚。

多謝cosme 今次邀請我參加「SOFINA iP基礎護膚系列」嘅試用活動🩷😊 我本身都有用開sofina嘅化妝品，呢個品牌嘅品質有保證，而今次係我第一次用佢哋嘅護膚品～ 呢套護膚品嘅包裝設計簡單而清新，亦容易使用 呢個系列主力加強保濕，呢排天氣皮膚乾燥就最岩使用呢個系列喇～ 洗完面之後，第一步就先用「土台美容液」搽勻皮膚，美容液係mousse 質感，唧出嚟嘅泡沫好細緻，唧一下嘅份量已經可以搽晒成塊面。搽勻之後嘅感覺係清爽而唔會黏立立，四季都岩用。搽完感覺面部有舒緩嘅感覺，冇咁乾燥、繃緊。作為護膚嘅第一個程序，呢個美容液係幾好嘅👍

第一次試用sofina既土台美容液，質地係慕絲咁～好有趣！美容液係洗完面後即時用，最近開始踏入秋冬，天氣令到皮膚好容易乾燥，用左美容液之後肌膚得到即時既舒緩，上面係好快吸收左，只要用1.5泵就可以用哂全面同頸！肌膚狀態比之前天穩定，化妝時細紋都減淡左無咁易卡紋