已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

產品是透明水性，本人習慣將水份輕輕滴在化妝棉再輕拍在臉上，是屬於補充水份的產品。由於使用份量不用太多，因此一支貨量的使用時間挺久。大概是這個份量，然後輕拍在臉上，令膚質變得飽滿和充滿水份。

首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

過敏救星🥲 前排對貓毛過敏，塊面又紅又痕，仲有密密麻麻嘅小粒粒，停晒所有功能性嘅護膚品，衝咗去藥妝店隨手拎咗一支CeraVe嘅面霜，夏天嚟到想清爽啲，所以就揀咗呢盒。 夏天我係混合偏油皮，所以呢盒面霜真係好好咁舒緩咗我嘅過敏同保濕需要。 #一直用呢個牌子 #保濕 #覺得好好用

最近的精華和晚上都轉用了此品牌，主要是做開美容的美容師都有介紹，而且本身對這品牌都很有信心，用過之後發覺這個產品很滋潤，但不會黏笠，查完之後很快吸收開頭摸上去感覺好像很乾身，但第二朝仍然保持到水潤，所以很適合怕黏立和太滋潤的產品，但皮膚又很乾的人

Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮質可能唔夠潤 ❌ 我成日染髮，乾性髮質，髮量少又幼細 呢支好啱我 用完頭髮順咗、有光澤、香噴噴 會回購 👍 回購意願：★★★★☆ #kerastase #逆時光至臻香氛修護精華 #卡詩 #護髮精華 #乾性髮質 #幼細髮質 #經常染髮 #木調香味 #輕盈不膩 #會回購 #haircare #hairserum #hkbeauty #髮尾油

支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

一支已經好保濕，非常方便，適合敷完paper mask後直接用，或者坐飛機時厚敷。

我諗冇人唔識La Roche Posay B5修復霜，前前後後都用咗四、五支。日常好少用（偏油），但皮膚一出狀況就會拎嚟急救，完全係看開口之選！ 🤍 修復力：5/5 無論係轉季泛紅、乾燥脫皮，定係暗瘡印，厚敷一晚第二日就舒緩好多，修復屏障效果超強！ 🤍 溫和度：5/5 成分簡單安全，完全冇酒精香料。以前大髀位有幾撻濕疹，我都係靠佢🥹安心度滿分～ 🤍 質地使用：4/5 質地偏厚身，上臉前最好熱乳化先，如果要化妝就建議夜晚使用，如果唔係個粉底會好浮… 🤍 耐用性：5/5 一支可以用好耐，而且價錢親民，性價比極 總結： La Roche Posay B5修復霜絕對係敏感肌家庭必備！一支搞定泛紅、脫皮，仲可以舒緩濕疹。由細用到大都冇令我失望～會繼續回購，推薦！

我是混油肌，以前偶爾會在額頭面頰長暗瘡，痘印都頗多。 這枝B5 cream已經是點購了5次的產品，裡面有5% 維他命B5而且有積雪草的活性成份madecassoside，主打修復及增強皮膚屏障，令皮膚無咁容易敏感，無咁容易因為捱夜轉季生暗瘡。增強皮膚屏障係好重要，以前塗完啲精華，比如小黑瓶、小棕瓶，都無咩感覺，原來係因為屏障有破損，即使塗咗好嘅護膚品、面膜等，都吸收唔到。 我會每晚厚塗到面上，質感都比較特別，一開始覺得佢有啲難推，塗得多又唔太吸收，而且裡面有氧化鈦，會令到塊面白哂，好似塗咗防曬咁。 但當使用2-3星期已經覺得膚質好起來，無咁易生暗瘡，初起嘅暗瘡都抑制到，塗多幾晚會唔見咗。依家日日有用，見到啲印都淡埋，捱幾晚夜、暴曬一兩日太陽都頂到。 建議： 平時日常可以晚上，skincare最後一步塗一個5毫子份量。 如果係捱咗夜或者暴曬太陽，可以厚塗一層，當敷面膜。

not bad, 依個brand嘅去痘產品都OK的💁🏻‍♀️可以維持到肌膚穩定，都唔會好刺激

開始轉季，皮膚變得比較容易敏感，容易出油。呢支CeraVe SA水楊酸潔膚露，可以清除皮膚角質，深層清潔皮膚同埋都可以卸妝，有效咁改善毛孔、粉刺問題。 一開始用嘅時候味道有啲怪，講唔出係咩味，但都可以接受。 起泡唔算好多，都好容易清洗乾淨。唔需要重複洗好多次洗，洗完之後皮膚唔覺繃緊。 不過因為水楊酸會帶走角質同油脂，皮膚可能會乾， 仲要徹底沖洗乾淨，再加強保濕同做好防曬，所以洗完要即刻用保濕精華或乳霜。 #潔面

使用方法是加水乳化上臉洗淨，泡沫細緻洗後肌膚能揉出一些小白頭和油脂，洗後肌膚不緊蹦很水亮舒服~有效改善毛孔粗大泛紅，很推薦油痘肌購入！

之前用過一次試用之後就愛不釋手！ 小燈泡完全可以為肌膚提供到穩定膚況嘅效果，而且質地輕盈，容易吸收，完全唔會喺面上殘留。 使用一段時間後，見到肌膚透白冇咁殘，而且淡淡嘅香味怡人，成為我經常回購嘅產品之一。

Nivea呢支潤膚乳好好用，尤其冬天的乾燥天氣，敏感肌嘅我使用完全無問題。效果持久，唔笠身，質地清爽，吸收速度快，適合在香港使用

秋冬季至愛身體潤膚乳分享 𝙉𝙞𝙫𝙚𝙖～ 𝙉𝙞𝙫𝙚𝙖 敏修復潤膚露 🤍 我本身已經係 Nivea 嘅用家 ❤️ 由防曬到潤膚乳都係用緊呢個牌子 ✨ 我好鍾意呢個牌子佢獨有嘅氣味，聞落好舒服好放鬆 😌 同佢自己牌子另一個系列（藍色樽嗰款）🔹 比起嚟 呢支明顯杰身啲、濃稠啲，但又比想像中容易推開 🉐 我一直用開 Nivea 最主要原因， 係因為佢嘅質地可以好快被皮膚吸收 👍🏻 而呢支都無令我失望！ 推開嗰陣覺得佢幾潤，仲以為會好黐身， 點知出奇地又無喎 👏🏻 踏入秋天開始用，已經明顯感覺到皮膚無咁痕！

對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。

最近轉季，鄰近年尾又成日OT，塊面又開始唔聽話，又乾又暗沉，搞到我都冇咩心機扮靚😮‍💨。好彩有YSL支夜皇后精華幫我補救，用咗一段時間，效果都幾明顯！ ✨質地同氣味： 用前搖一搖，一揼出嚟係水油混合質地，推兩推就吸晒收，完全唔黐立立！味道方面見仁見智，我接受到~ 💫使用感受： 我本身係混合肌，T位出油，但面頰又乾到爆。夜皇后最令我驚喜係佢嘅平衡度！用完唔會油淋淋，但保濕力又夠，第二朝起身塊面唔會成面油光！最明顯係毛孔睇落細緻咗，同埋膚色冇之前咁黃，透亮咗好多～ 🌟重點效果： 1. 去黃提亮：用咗兩星期左右，發現塊面冇咁易暗沉，就算熬夜睇劇，第二日都唔會殘到嚇親人！ 2. 平滑肌膚：之前額頭同下巴有啲粒粒，而家摸落去滑溜咗，上粉底更加貼服！ 3. 修復力：有次生咗粒暗瘡，撳咗之後厚敷夜皇后，好快就退紅，冇留到印！ ✅小貼士： - 建議每晚用，揼兩泵就夠全面同頸。 - 記得一定要搖勻，等啲精华同油份混合先上面！ - 如果皮膚敏感，可以隔日用，等皮膚慢慢適應。 總結嚟講，雖然價錢有少少貴，但真係一分錢一分貨！尤其係捱夜肌同暗啞肌，佢真係幫到手～ 而家成日俾人話你塊面點解咁透亮，心情都靚啲🥰！如果大家想改善膚質同亮度，YSL Pure Shots精華絕對值得投資！

先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

是一款帶有驚喜的產品！一開始以為ysl的捱夜精華系屬於好滋潤好油潤的質地，會漿到塊面痴笠笠，第二日會潤到爆痘。後黎試咗幾晚，每次用完第二朝起身都發現面部的粉刺少咗，皮膚光滑咗好多，睇番成分，原來帶有一定程度的酸。雖然剛搽上面部會有感受到少少刺激性，但適應咗就好好多！果然係捱夜精華！名不虛傳！

Hair Recipe 米糠洗髮水測評 一句話總結： 像給頭髮吃保養餐，主打「天然米糠滋養」，適合追求頭髮柔順光澤的人。 主要優點： · 修護力強： 核心成分「日本米糠精華」能有效滋養受損髮質，填補毛鱗片，洗後頭髮非常柔順、有光澤，對改善毛躁效果明顯。 · 成分安心： 無矽靈、無硫酸鹽、無Paraben防腐劑，成分溫和。 · 香味舒適： 是淡淡的天然米糠香混合花果香，清新不人工。 潛在缺點： · 清潔力溫和： 對於油性頭皮的人來說，夏天可能會覺得清潔力不夠，有出油變快的可能。 · 蓬鬆感普通： 主打柔順，因此對「細軟扁塌髮」追求的蓬鬆感效果較為一般。 適合誰？ · 乾燥、受損、毛躁髮質（尤其適合經常染燙的人）。 · 追求頭髮順滑和光澤感的人。 不適合誰？ · 大油頭或追求極致蓬鬆感的人。

呢支body milk陣味聞落好舒服，質地易推而且好易被皮膚吸收。但係我皮膚真係太dry,冬天用的話可能會唔夠潤。

從小用到大的藍色鐵罐！標誌性的濃郁香氣和豐潤質地，是記憶裡最安心的存在。雖然質地偏厚，但對付冬天乾癢脫皮超有效，是皮膚鬧情緒時的急救首選。 優點： · 滋潤度極高： 質地豐潤，非常適合乾燥肌或極乾燥部位（如手肘、腳跟）。 · 修復力強： 對於因乾燥引起的脫皮、緊繃問題，能快速舒緩和修復。 · 價格實惠： 便宜大碗，性價比高。 · 經典萬用： 從臉到身體都能使用，堪稱家庭常備品。 缺點： · 質地厚重： 較難推開，吸收速度慢，塗完會有油膩黏膩感。 · 香味濃烈： 經典的「妮維雅香」較濃，不是所有人都喜歡。 · 不適合油性肌： 對油性肌膚或喜歡清爽感的人來說，負擔感太重。 是解決「極度乾燥」的經典神器，適合在秋冬或皮膚狀態極差時使用。但如果你追求清爽、快速吸收的日常使用感，這款可能會讓你覺得過於厚重，可以選擇白色款！

呢支Nivea既潤膚露價錢便宜、性價比高，就算唔小心唧多咗都唔會肉痛。而且佢質地好薄同易吸收，好啱啲唔鍾意黐立立嘅人用。