呢隻面膜我係曬傷之後用嘅， 佢有效幫我皮膚鎮靜和退紅。 佢呢個價錢嚟計如果久唔久用一次嘅話都好抵，而且佢一包夠我用兩次。 不過佢嘅缺點就係好難洗。

超級好用，無論春夏秋冬都咁適合用，即使冬天都好夠滋潤，而且質地濃稠又勁香，勁relax

Fresh Black Tea Instant Perfecting Mask — 清涼滋潤，雪芭般奢華呵護！✨ 呢款Mask嘅質地比較似雪葩加少少沙， 敷上面之後非常貼服，唔會覺得厚重或者黏膩， 使用感覺非常舒服 而且延展性很好，一點點就可以均勻地推開全臉🤣 面膜帶有高級細膩嘅香氣，味道唔會過於濃烈， 敷上面之後會感受到微微嘅清涼感， 特別適合肌膚感到疲累或者屏障脆弱嘅時候。 我通常會將皮膚屏障比較脆弱嘅地方進行厚敷， 例如面頰或者鼻翼，以加強修復皮膚狀況， 係咁嘅情況下使用，我都冇任何敏感嘅情況👏🏻 敷5至10分鐘後，會見到面膜慢慢變得透明， 用清水慢慢洗乾淨，仲可以順便按摩肌膚 洗完之後，皮膚即時有種清爽涼快嘅感覺， 而且會發現面部明顯滋潤咗、膚色更明亮均勻🤩 知道佢新版面膜出咗，遲啲有機會都一定會試下！💆‍♀️✨

呢款面膜喺今年5月出咗新版本，但屋企嘅存貨仲未用完XD，都分享一下用後感，當作參考。 我自己比較鐘意塗抹式面膜多過片狀面膜，因為就算每個人嘅面形、大小唔同，塗抹式面膜都可以完全覆蓋到。fresh嘅產品，香味好似真係食得嘅咁……XD，呢款面膜有清香嘅茶味，質地好似雪葩咁，有少少沙沙哋嘅感覺。 佢作為急救用面膜，效果非常好，搽上面敷5-10分鐘，清水洗淨就可以。敷上面有清涼感，洗完面之後清涼感仲會維持多一陣，所以夏天使用，感覺非常舒服。敷完之後會發現皮膚細緻咗、水潤咗，毛孔變得冇咁明顯，所以敷完之後上妝都會貼服咗。 夏天如果長期處於冷氣房，皮膚好易缺水乾燥。呢款面膜可以瞬間保濕、修護皮膚，敷上面又有涼爽嘅感覺，幫個人降降温，推薦大家入手作為夏天保養品。