每次化妝定妝都一定係用佢 質地好幼滑而且用完未試過浮粉 而且顏色好自然唔會影響個妝 控油效果都好好 性價比好高 所以近幾年都係用佢未轉過其他牌子

呢盒碎粉效果真係冇得彈！粉質幼細，輕輕掃兩下就已經定到全臉妝，仲要控油得嚟唔會令兩頰乾到卡粉。我試過朝早化完妝出街，夜晚返到屋企個妝都仲keep到7-8成，T位出油情況明顯改善咗。最驚喜係佢有微微提亮效果，成塊面望落去膚質好咗好多！ 雖然價錢有啲肉赤，但一盒超大容量可以用好耐

粉質都係好幼細，定妝同控油力都唔錯 重點個粉量係好多，用勁耐都用唔完

試過十幾款睫毛膏打底，我都要講一句：唔試唔知，一試愛上！呢支魔束捲翹睫毛底膏真係超正！佢嘅刷頭設計啱晒亞洲人，超貼每一根睫毛，用完睫毛即刻纖長又捲翹，睫毛根根分明，完全冇結塊！最勁係佢持久度一流，落雨又好，戴口罩焗住又好，成日都keep住一對靚靚電眼～ 使用Tips 1. 捲翹秘訣：先用睫毛夾夾好弧度，再用呢支底膏打底，最後加自己喜歡嘅睫毛膏，效果會更誇張！ 2. 自然妝：如果唔想太濃妝，單用呢支底膏都已經夠自然好睇啦！

呢枝睫毛底膏真係好好用～ 睫毛唔會有厚重既感覺，捲翹效果都好令人滿意，可以keep得好好！ദ്ദി ˃ ᵕ ˂ )

呢支睫毛液獲獎無數， 用完就會完全明白點解。 就算在炎熱的夏天時使用都唔會甩妝， 佢嘅妝效係好自然， 每次喺夾完睫毛之後用 都會根根分明。

💧無限回購的溫和卸妝神器！💧 今天我要給大家安利一款我無限回購的卸妝水🌟 這款卸妝水真的是我的心頭好，已經不知道用空多少瓶了！它超級溫和，完全不刺激皮膚，連眼睛都不會感到刺痛，簡直是敏感肌的福音！👀 日常淡妝，一張可卸全臉輕輕鬆松。是我用第二張卸妝棉的情況，已經沒啥可卸了。是我卸完直接用清水洗完臉的，沒用潔面泡沫，也很乾淨清爽。 唯一的小缺點就是卸不掉防水睫毛膏，但我幾乎不塗防水睫毛膏，所以完全不影響我對它的喜愛！而且它沒有難聞的氣味，使用起來非常舒服。🌸 總之，這款卸妝水真的是我心中的卸妝神器，強烈推薦給大家！💖

超好用！最鍾意嘅卸妝水☺️ 冇香味超溫和，敏感肌都啱用，卸妝力好好，基本一次卸乾淨，用完保濕度啱啱好

非常推薦這枝卸妝水，一直在回購，卸去平日簡單的淡妝適用，夠溫和不刺激，而且價格非常相宜！

用咁多款hand cream呢支最滋潤！搽完唔黐立但係又好滋潤到我乾燥嘅雙手 而且味道全部都好香 不過略嫌價錢有啲貴 一支用到一至兩個月左右

巨巨巨好聞的護手霜！ 呢支L'OCCITANE乳木果護手霜啦，佢真係咁多人心目中嘅「護手霜之王」來㗎！ 🇫🇷𝐋’𝐎𝐂𝐂𝐈𝐓𝐀𝐍𝐄係法國高端個人護理品牌 🥥乳木果護手霜 自然植萃 30年專研成分🌻 富含20%乳木果油，柔滑乳霜質地深入養護，8h長效保濕 4倍修護力！ 🌸 味道：天然舒服嘅「幸福感」 佢唔係好假嘅香料味，係一浸好天然、好柔和嘅奶香味，聞落有啲似寶寶爽身粉，好治愈。仲帶住一啲淡淡嘅木質甜香，好似將乳木果本身嘅氣息還原出嚟咁，唔會太濃，搽完成隻手都香香軟軟，好放鬆。 💧 質地：濃厚但唔黏膩 一搽上手就知道佢「有料到」！係比較豐厚嘅Cream狀，唔係流質嗰種，感覺好實在。雖然睇落杰身，但好易推開，唔會有一嚿嚿或者泛白嘅情況。 ✨ 使用感：極速滋潤「隱形保護膜」 用之前： 手部乾燥，虎口位可能會有繃緊感，甚至見到少少紋。 用之後： 搽上之後，啲膏體好快就「食」咗入皮膚度，唔會令你對手黐立立，反而係一種好深層嘅滋潤感。好似有層隱形保護膜咁，持續幫你鎖住水分，洗手後都仲keep到滑溜感。 總括： 雖然價錢貴少少，但係一支真係用到好耐，同埋效果立竿見影。如果你對手成日好乾，或者喺冷氣房工作，佢絕對係你嘅「急救恩物」！係一份俾自己嘅高級小禮物。

#L’Occitane 乳木果潤手霜 產品註明是特別for dry skin type，滋潤嘅程度會比較高，但未至於黏膩，搽上手都係輕身，易吸收，不過都會令到手機mon有手指模🤣 無法避免的痛。細細一枝，方便帶出街用。

呢盒胭脂係B02色，上臉會有血色感，但唔會太粉紅，日常用很好，一盒有齊實色同閃粉色，閃粉色可作highlight，好方便，尤其去旅行帶一盒就得，可單色用，又可混埋一齊用，推薦。

#CANMAKE 💟Glow Fleur Cheeks 💖花漾瑰麗胭脂 02號色 珊瑚粉紅色 一共有六個顏色可供選擇，務求做到總有一隻顏色適合你嘅心意，吾想花心機揀嘅寶寶，當然可以任性豪邁地包色😙 本身想要草莓牛奶色，比佢嘅宣傳slogan 吸引到：「幸福感滿滿」。但可惜甘岩無晒貨，所以買左呢隻珊瑚粉紅色。無揀到中間有shiny的option，因為怕手殘handle吾到，會令到毛孔粗大嘅位置又明顯放大左😣 盒裝背後嘅使用方法：用佢嘅刷打圈沾滿晒所有嘅顏色後再上面。見過有評價話佢個刷吾好用，我覺得還好，不過略嫌飛粉程度都有小小高🤏🏾 顯色度不錯👍🏾 幾格吾同顏色拼湊出黎呢盒胭脂好特別好有特色，更加吾係普通四方一格格，有花花嘅pattern 去合併🌺好靚、觀賞性好高嘅一盒胭脂。  持色度都唔錯，不過佢細細一盒，帶出街補妝同樣方便😆 綜合而言，如果想買多盒胭脂，不妨試試呢個產品💓價錢唔使$100，性價比之選💕

優點： · 性價比高：平靚正，開架價錢但質素唔差。 · 顏色選擇多：珠光、啞光都有，色調多數柔和，唔怕失手。 · 方便攜帶：細細盒有齊鏡同掃，出街補妝超方便。 缺點： · 顯色度普通：唔算好上色，要慢慢疊加，適合新手，但鍾意濃色嘅人可能覺得唔夠。 · 持久度一般：油皮可能大半日就要補一補。 一句講晒： 「新手恩物，平價之選！追求自然好氣色嘅必入，但要求高顯色同持久就未必夠。」

用幾年了，防水眼線、睫毛膏、唇釉，敷幾秒一抹就甩，唔使捽到眼皮痛，溫和得嚟又乾淨。 佢係水油分層設計，用前要搖勻，但上眼唔會「立黐黐」，油感唔重，怕膩嘅人（尤其夏天）會鍾意，入眼有少少矇但唔刺痛。 幾十蚊就已經有145ml，性價比高，大支裝仲抵，學生黨同日常用都唔肉赤。

中學時期已經有用呢一款卸妝油，首先佢價錢好平學生都付得起。另外係佢卸眼妝嘅清潔程度都好乾淨，唔會起油脂粒。

終於搵到唔辣眼嘅眼唇卸妝液！ 我要同啲同我一樣係敏感肌嘅姊妹推薦呢支Bifesta眼唇卸妝液！ 因為眼唇呢啲位皮膚特別敏感脆弱 卸妝就要用溫和唔刺激嘅 佢入面冇香料、防腐劑同色素，敏感肌都可以放心用 入面仲有保濕型洗淨成分， 用水油雙效嘅方法，可以將化妝品同污垢徹底洗乾淨 同時仲可以幫皮膚保濕 卸妝之後都唔會覺得塊面繃緊，好舒服，我平時直接拎嚟卸全臉，好方便～ 我已經用清好幾支啦，仲準備入手佢哋新升級280ml包裝，容量大點用都唔肉赤 敏感肌、乾燥肌嘅姊妹快啲衝～

用左超過10年嘅眼線筆，真係好好用，even有一次喊，都唔會完全溶化曬，真係堅

一直回購的眼線筆好物 價錢不貴，非常易晝，畫出來的眼線很容易就是一條實線，不會斷斷續續，我最喜歡用它來還外眼線，不用5秒就可以畫出一條很美麗的外眼線。

呢支眼線筆非常出色，好顯色同埋可以keep得好耐。上妝一整日都冇乜脫妝情況。

回購再回購嘅眉筆！ 顯色度（4/5） 可以喺趕時間嘅早上都快速畫眉 方便度（5/5）眉筆 眉粉 眉刷集於一身 持久度（3/5） 冇毛嘅位如果捽到佢就會甩，有毛嘅持久度ok!  超多顏色選擇，普通啡色頭髮都實有啱嘅顏色 抵買！

Excel三合一眉筆轉季實測！秋冬都唔怕變無眉娘 轉秋冬季真係煩～朝早涼冰冰出門對眉仲係靚靚哋，點知行兩步個太陽出嚟，額頭出少少汗就溶咗半邊眉...自從用咗Excel三合一眉筆，終於可以同呢啲尷尬講bye bye～ ✨ 一支搞掂仲要超順手 支野設計真係好聰明～眉筆芯軟硬適中（唔會話畫落去「吉」住塊面），眉粉嗰頭輕輕掃兩下就已經好上色！最正係個眉梳，梳兩下啲眉毛即刻整齊晒，成個過程快到你唔信！ ❄️ 秋冬持久度滿分 試過同班friend去打邊爐！成間舖煙霧瀰漫，出嚟個妝溶咗七成...點知對眉居然「企得好硬」！冇化開冇甩色，個眉形依然keep到～真心佩服！ 🍁 轉季必愛呢個位 天氣開始乾，但支眉筆唔會話畫落去「鞋掹掹」，反而仲好貼眉毛！個眉粉填充嘅部分仲做到啲啲茸毛感，望落自然到好似本身啲眉毛生出嚟咁～ 💡 小貼士 如果想個眉妝再持久啲，可以畫完之後輕輕印少少碎粉上去～咁就真係風吹雨打都唔怕啦！ 總結： 轉秋冬季成日因為溫差搞到眉妝溶咗一撻撻？Excel呢支三合一真係幫到手！價錢合理又耐用，一支解決晒畫眉嘅煩惱～而家我朝早畫完眉，成日都唔使點補妝，真係慳返唔少時間！ 轉季都keep到靚眉形嘅感覺真係好正～推薦俾成日因為天氣變幻而煩惱眉妝嘅你！😉

Excel三合一眉筆測評 今次同大家試吓呢支Excel三合一眉筆！佢唔單止係日本@cosme大賞嘅常客，仲係眉筆、眉粉、眉刷三合一設計，一支搞掂整個眉妝～話咁方便，啱晒我哋呢啲貪快又貪靚嘅香港女生！ ✏️ 筆芯質地： 筆芯軟硬度啱啱好，唔會太硬拮肉，又唔會太軟易斷。一畫上手，顏色出得好順，線條流暢自然，唔會一嚿嚿或者結色，新手都好容易掌控！ 🎨 三合一功能： 1. 眉筆端：勾勒眉形超順手，可以畫到好精細嘅毛流。 2. 眉粉端：填充顏色夠柔和，有霧感效果，唔會變「硬膠眉」。 3. 螺旋眉刷：暈染同整理毛流一流，令妝感更融合。 💦 防水度測試： 試過噴水同輕輕印汗，顏色都冇溶到或者脫色，持久度唔錯！平日出汗同落雨仔都頂得住，不過游水就未必啦～ ✅ 優點總結： · 一支多用途，出門帶一支就夠。 · 上色順、自然，適合日常淡妝或濃妝。 · 性價比高，耐用又唔貴。 ⚠️ 小提醒： 如果係油性皮膚，建議畫完之後輕輕撲層碎粉定妝，咁就更加持久啦！ 總括來講，Excel呢支三合眉筆真係懶人恩物，無論係趕時間返工定慢慢畫都咁適合！推薦俾鍾意自然眉妝嘅你～ 👏

凡士林純白花士苓係一款經典萬用嘅護膚品，以高效滋潤同修護能力聞名！✨ 無論係嘴唇乾裂，身體皮膚乾紋，定係甩皮嘅部位， 呢款凡士林都能即時發揮修護作用， 為乾燥肌膚提供深層滋潤，迅速恢復柔軟平滑， 絕對係乾燥季節嘅救星！ 凡士林嘅質地十分滋潤，能夠形成保護屏障， 鎖住肌膚水分，提供持久嘅保濕效果， 同時又唔會帶來過重嘅油膩感， 使用後肌膚感覺柔軟有彈性。 同時，呢款係一款真正嘅萬用膏， 無論係當護唇膏、身體乾燥修護膏， 甚至用作指緣修護，都能一膏多用， 滿足各種肌膚護理需求，攜帶方便， 隨時隨地都可以用。

凡士林呢款產品應該不需要太多介紹，應該大部份人都有用過的，主要功效都係滋潤，其實佢仲有好多用途，如果網上一查的話就會知道，又可以消炎，燙傷燒傷又可以用，痔瘡都可以用，動物又可以用。。。買一支看門口隨時可以用，我就不太鍾意搽在嘴唇上，因為會甩皮，我都唔鍾意搽手手腳腳，因為好油膩。

最近開始用Vaseline呢個經典產品，一直知佢有好多唔同用途，但一直都冇買。 直至之前唇炎睇皮膚科醫生，我問醫生平時可以點保養嘴唇，佢推薦我買Vaseline🤣於是我就試下！每次用完之後，唇部就好似有層保護膜咁，鎖住水分。 依加唇炎好返，我都繼續用佢做潤唇膏/ 唇膜，臨訓塗完，第2朝嘴唇唔再乾裂，唔會再有死皮。 佢另一個用途係可以搽係皮膚有龜裂的地方（如腳部），試用落黎都可以減輕乾燥情況🥹 聽說有輕微主婦手困擾都可以用佢，但未試過🤣 當然，有人話佢有啲黏，我自己覺得都可以接受，因為佢鎖水效果實在太好。價錢又平，值得一試！