鍾意用海鹽， 夠粗粒，磨砂效果好明顯， 加上佢有層油保濕滋潤， 用完好滑， 香味好聞。

年初入手咗Sabon Green Rose身體磨砂，之後就愛上咗！畢竟唔平嘛，成$4xx一樽，如果唔好用真係會心碎💔好彩——完全冇失望！ ✨香味首先贏咗！ 一打開就係好清新嘅綠意玫瑰香，唔係好俗氣嘅濃烈花香，而係帶少少木質+植物嘅氣息，好溫柔好放鬆～沖完涼之後陣味會淡淡咁留係皮膚上面，成個人好似被玫瑰園包圍咁，好治癒！如果鍾情玫瑰香但又怕太娘嘅，呢隻絕對可以試！ 磨砂粒子夠細緻。 之前用過一啲平價磨砂，粒子真係粗到刮皮膚……但Sabon呢款就完全唔會！佢嘅海鹽粒子幾細，沖涼時靠體溫融左佢之後輕輕打圈按摩個陣好舒服，完全冇刺痛感。尤其係手肘、膝頭哥呢啲容易積舊角質嘅位，磨完即刻滑溜咗，摸落去軟熟哂！ 💦用後唔乾燥，皮膚變得好水潤。 最驚喜係沖完水之後，皮膚唔會拮拮緊或者乾繃！因為磨砂裡面含有精油成分，沖完之後皮膚表面會留低一層好薄嘅保護油，唔黐立立，但就好滋潤。後續即使懶得搽body cream，第二日起身都依然keep到滑溜感！ ☁️整體評價：值得試！ 雖然價錢真係有啲貴，但一樽其實都好耐用（每次唔使用到好多），同埋效果真係明顯！尤其適合而家轉天氣，皮膚開始粗糙或者有啲暗粒嘅朋友。如果你都想擁有玫瑰少女肌＋療癒體驗，真係可以入手～

sabon 磨砂係呢個品牌中，我最推薦嘅產品，唯一缺點係貴！但容量好大，我覺得值！ 首先Rose Tea呢隻味，我第一次聞就愛上，好香，好療癒，超鍾意陣味。磨砂粒好細，搓落去完全唔覺粗糙，用後皮膚即刻好滑。入面嘅精油滋潤感超足，沖乾淨都仲有淡淡油潤感，但又唔笠，啱晒秋冬用。 最驚喜係，第二日皮膚仲係香香軟軟，成身都仲香噴噴。