CANMAKE TOKYO 好用推薦產品

Sandy好用推薦：CANMAKE 棉花糖透亮美肌 5 色蜜粉餅（Marshmallow Finish Powder ~Abloom~） 的 限量小香風（Tweed）編織格紋限定版。 個盒外型非常之精美👍 化妝嘅時候心情好 外觀設計： 採用精緻的粉色粗花呢（Tweed）編織設計，被稱為「小香風」限定包裝，質感優雅且華麗。 色號： 01 Dearest Bouquet（親愛的花束），提供霧面潤色效果。 唔卡粉👍顏色非常之靚，性價比非常之高 好貼服👍 十分之推薦 質地柔滑 非常之好用

Tszki好用推薦：捲翹持久力驚人，能維持整天不塌，抗汗抗油，甚至可以代替睫毛膏單獨使用。其刷頭能打造根根分明的清純妝感。質地稍微濃稠，容易結塊（蒼蠅腳），使用時建議先在瓶口刮掉多餘膏體。由於防水防油效果太好，一般卸妝水可能卸不乾淨，建議使用專用的睫毛卸妝液或多花時間卸妝。使用時如果量太多，容易導致睫毛黏在一起，少量多次是保持「根根分明」的關鍵。  超級喜歡這個啡色的睫毛液 它具有纖長 眼睫毛令眼睛變得更大更精靈！

Tong好用推薦：超級好用，咩難卸嘅睫毛膏都卸到 唔會刺激，仲要十幾秒就卸得乾乾淨淨！！！ 推薦！

mavis好用推薦：好新奇既眉妝產品，大汗人士必備！！！可以保護眉妝，黎緊夏天一定會日日用

格仔餅公主好用推薦： #火熱新品 又係好岩夏天用既一樣product，夏天多左event又船p又游水，身為本身眉型唔靚既我，畫好條眉好緊要亦唔可以易甩，絕招係用左呢支防水雨衣真係捽都唔甩，掂海水都無問題！仲要50蚊有找呢個效果係超值，希望唔好停產啦如果唔係我都真係唔知點算🤣

AngelFung好用推薦：呢個月光高光粉嘅粉質非常細緻，係好似烤餅咁用高溫烤出嚟，所以質地同一般高光粉有啲唔同，實淨啲，但同時又冇咁乾~ 用手指上都冇問題，光澤感仲好自然添！作為開架彩妝，價錢當然都好親民啦，如果唔係冇咁多塊面，真係想包色呀！

FishFish好用推薦：【Canmake眉毛雨衣測評】💦 講到眉毛持久度嘅救星，真係唔可以唔提Canmake呢支「眉毛雨衣」！成日話自己眉毛無眉尾、又成日甩色嘅朋友，留意啦～ 🔍 質地 & 用法 透明液體，似指甲油咁有掃頭。畫完眉之後，薄薄掃一層上去就得。記住唔好「隊」咁多，否則會好似膠水反光。掃完等十幾秒乾透，就完全無色無味。 ✅ 優點 · 超強防水防油：試過沖水、出汗、甚至落雨濕面，用紙巾印乾，條眉依然完整無缺。大油皮都頂到半日，唔會溶到一撻撻。 · 唔會起白屑：好多類似產品乾咗會起白色碎屑，呢支乾透係全透明，唔影響原本眉妝。 · 細支方便攜帶：放化妝袋唔佔位，帶去旅行或者放公司補妝都得。 ❌ 缺點 · 掃頭偏細：要慢慢掃，尤其眉尾尖位，心急嘅人會覺得嘥時間。 · 唔好掃太厚：一層夠晒，掃兩三層會令眉毛變硬，摸落有啲膠感。 · 卸妝要用心：普通洗面乳可能卸唔乾淨，建議用眼唇卸妝液或者卸妝油，輕輕敷陣先抹。 💰 價錢：大約 70（視乎邊度買），開架牌子嚟講算抵玩，一枝用到幾個月。 🎯 總結 如果你係眉毛溶得快過戀情嘅人，或者夏天成日出汗、要去沙灘游水，Canmake眉毛雨衣絕對係必買之選！平靚

Also melon好用推薦：Canmake 臥蠶筆係超級好用，呢隻色係40周年限定色 非常貼近膚色，加少許暗粉紅。呢隻色唔會過分，低調一啲。自己偏向化淡妝，淡淡地嘅臥蠶色就適合。 佢嘅筆芯軟硬到適中，即使描繪於眼睫毛根部，但係唔會令到眼睛流眼水。持久到一定比臥蠶眼影好多多。真係超級平價又好用嘅臥蠶筆，每次扭一至兩格。

莓莓好用推薦：多謝@Cosme 邀請試用CANMAKE呢支新品唇膏新色04（櫻桃帕菲） ⭐️質地： 佢本質上都係水潤型，但做法有少少唔同。 就係你薄薄哋塗一層，佢會自己喺嘴上面形成一層好貼嘅「膜」，顏色同光澤都會被鎖實，望落更完整。 而且佢嘅質地係好順滑、有少少化開嘅感覺，一上嘴個嘴會變得比較飽滿，有少少立體感。 ⭐️使用感 但我覺得佢最犀利嘅地方唔係潤，而係水光感同持久度做得幾平衡。唔食嘢嘅話，佢可以一直keep住嗰種水潤、有光澤嘅狀態，唔會過一陣突然變乾、抽乾水分。 就算食咗嘢，都只係輕微甩少少，底色仲會留返喺嘴上面，望落都仲有氣色。呢點其實同好多水潤型唇膏有啲唔同，好多係一上嘴好靚，但甩得好快，要不斷補。佢似係嗰種 潤得嚟唔易消失嘅類型。 ⭐️顏色 再講吓呢個新色04，係一個偏冷調嘅櫻桃紅/莓果紅。按理講呢種顏色對黃皮唔太友善，但佢上嘴係會提氣色，唔會顯暗又唔會顯髒。就係嗰種有少少甜、有少少曖昧，但又唔幼稚嘅紅色。再加上佢係無香料，日常用更舒服。 如果你想搵一支唔需要技巧、顯氣色、有水光感，又唔使成日補嘅唇膏，呢支其實幾好用。

Asteria好用推薦：多謝 @Cosme 邀請試用 CANMAKE 新唇膏 #04 櫻桃帕菲 🍒💄 超開心～ 🌸💖 ✨ 質地好神奇 薄薄搽一層，佢會自己喺嘴上面形成一層「膜」～ 鎖住顏色同光澤，仲好順滑，輕輕化開嘅感覺～ 一搽上嘴，嘴唇即刻變得 飽滿又立體！👄✨ 💧 水光感＋持久度，平衡得超好 唔食嘢嘅話，可以一直 keep 住水潤光澤，唔會突然變乾～ 就算食完嘢，底色都仲喺度，望落依然有氣色！😳💕 同平時啲水潤唇膏好唔同，呢支 潤得嚟唔易消失！超驚喜～ 🍒 顏色超有氣質 #04 係偏冷調嘅 櫻桃紅／莓果紅～ 本身以為黃皮會驚，點知上嘴反而 好提氣色，唔顯暗唔顯髒！ 有少少甜、少少曖昧，但又唔幼稚嘅紅色 💋 而且 無香料，日常用更舒服～ 🌸 💖 小總結 顯色＋水潤＋成膜＋持久，真係好驚喜！ 04號色少女得嚟帶果醬感，唔打底直接搽都 水潤唔顯唇紋～ 薄上一層已經遮到原唇色，再疊加更光澤 ✨ 實測：正常講嘢飲水唔點甩，食嘢甩剩 60%，補一補就搞掂～ 😆 CANMAKE 唇膏一向都做得好好，呢支我一定會再回購！🛍️💕

Chloeincosme好用推薦：Canmake睫毛卸除液🤍本身覺得用卸妝油已經可以將眼妝卸得乾淨，只係要花點時間，直至有一次化濃妝，化妝師朋友比我用呢支，即刻覺得好驚豔～ 🤍 溶解力：5/5 只要輕輕刷一層喺睫毛上，等一分鐘再抹（等待期間卸臉，唔好晒時間🤣）連超防水嘅睫毛膏+假眼睫毛膠水都瞬間溶解，完全唔使捽！亦唔洗拉扯皮膚！ 🤍 溫和度：4.5/5 質地清爽唔油膩，唔會燻眼或者刺激？ 🤍 使用方便：5/5 細細支好似睫毛液咁，可以隨身攜帶 🤍 輔助卸妝：5/5 而家習慣先用佢處理睫毛同眼線，再用卸妝油全面清潔，成個卸妝過程快咗又乾淨咗！ 總結： Canmake呢支睫毛卸除液雖然細細支，但係解決咗卸防水妝容嘅煩惱～已經成為我化妝袋常客，會無限回購！推薦俾所有鍾意化濃眼妝嘅你！

Hchan好用推薦：因為覺得用眼部專用卸妝液卸睫毛很花時間，一直習慣使用温水可卸除的睫毛液，後來發覺它的捲翹度保持得不太好，容易變直，見到這種睫毛膏卸妝液就嘗試用回平常的睫毛液，這款只要在卸全臉妝先塗這枝在睫毛上，待上十分鐘，再用化妝棉相繼抹掉，然後卸全臉妝即可，很方便，卸妝力高，有用過kiss me那枝，兩枝都很好用。

Angela好用推薦：日本Canmake嘅唇膜真係好好用，之前日本旅行買左，試左覺得佢好潤，訓覺前搽起身之後個嘴唇仲係好潤，洗面之前照鏡見到係好有光澤水感。 睇說明話除左訓覺前搽，平時出門都可以薄薄當潤唇膏咁搽。同埋性價比好高，而家日圓平左，日本買只係要792日圓，去日本旅行一定要買，我見香港賣都要$62，我嗰次買完一個試之後再去日本都有再買！ 同埋因為天氣乾燥，之前覺得個嘴好乾已經諗住買唇膜搽，雖然個份量望落好細，但每次其實只係用好少已經夠潤，可以用到好耐～

Simona好用推薦：試過Laneige唇部晚間護理唇膜，見到Canmake包裝咁可愛好想試！其實Canmake單價比Laneige貴，但容量細啲，用得快啲。因為係開蓋設計，容易滋生細菌，快啲用晒會衛生啲。Canmake管裝嘅質地同Laneige差唔多，用完夜晚嘅唇部磨砂再敷，第二朝起身覺得去咗死皮又好保濕。💄