Evita Wong好用推薦：出門前上妝都算貼服，有霧面感。 但可能本人膚質較乾，到下午時間有甩皮既狀態。 如果我用碎粉就無呢個問題

Angie好用推薦： 有時唔想化底妝，上完防曬就會輕輕掃一層蜜粉，CANMAKE呢款蜜粉性價比非常高，有輕微修飾效果，又唔會太重粉感

Fish Tse好用推薦：眼精有冇神，眼妝極為重要，如果平時返工冇化妝既要求但又想睇落去精神d睫毛都佔左好重要既一環 如果想睇落去淡淡地妝，哩款透明既睫毛膏就好適合，佢既毛刷超細，唔會攞過多既睫毛液，夾完之後即刻搽上就定到型 掃大概兩至三下，就可以持妝一整日又唔會比人感覺好厚妝既同時又精神，哩款睫毛液仲有黑色同啡色選擇仲防水、防汗既，性價比好高

Fng好用推薦：canmake quick lash curler 03啡色，佢既可以單用，亦可以與睫毛膏疊用，營造空靈溫柔嘅自然睫毛妝感。 佢個刷頭毛超級纖細、質地稍硬嘅睫毛刷，可以將睫毛梳理得根根分明，就連細微睫毛都照顧到，持妝超長，keep住捲翹， 超強防水 ，防汗 ， 抗油，防暈染 ，唔洗擔心脫色，cp值高。

Cheeeeery好用推薦：Canmake真係性價比極高既牌子！ 呢盒陰影粉我都用左好一段時間，早排先hit pan🤣 先講下產品本身～呢隻陰影粉粉質好細緻，亦都好易blend開～我買既係01色，呢隻色十分自然，上面唔會太明顯但係又可以見到效果，好啱新手用～不過我個人就覺得隻色太過暖色調，下次應該會買灰tone 啲試下🫢 而產品本身附有既掃既幾好用，掃上面唔會拮好舒服～而且都冇乜嚴重甩毛，size又啱哂掃鼻影～ 會回購呢盒咁抵用既陰影粉～

Sccan好用推薦：又黎到性價比極高Canmake嘅化妝品時間，臉大陰影粉係我日常必需品，但一開始都只有黃啡調，完全唔適合我粉白皮膚色，總會覺得好污糟又黃，感覺好假。 買過幾個牌子都唔覺特別好用，自從近期開始出啲藍調灰調陰影粉，試左真係非常適合，不論真人定影相，出嚟效果都非常似自然陰影，清透乾淨。 附帶啲掃都非常好用， 不過我自己都係鐘意用返自己個大掃。 色號：04 灰啡色 效果：啞光帶藍調，粉白皮都非常合適，營造非常自然乾淨陰影，疊加都唔會一撻撻，尤其鼻影唔會睇落好污糟 質地：細緻幼滑，不飛粉， 易推開，持久不脫妝 缺點：顯色度不夠，影相就要重手啲 #平價彩妝

貓餅好用推薦：唇膏好顯色，但係都好易甩色，經常要補，持久度不足，不過好滋潤，有缺點都有優點

zetalhc好用推薦：性價比好高嘅唇膏，做到去唇紋同埋令到嘴唇更加有光澤嘅效果。而且亦都好容易上色同淺色，做到幾自然嘅效果

Ko好用推薦：最近係日本買左Canmake呢盒花花胭脂12號色。其實花花胭脂我差唔多六七年前就開始用。最近係日本買左呢盒佢嘅顏色偏橙啡，帶細細嘅閃粉，好適合日常使用。唔單止可以用嚟打喺臉頰上，仲可以當眼影使用，用嚟增加眼妝嘅立體感，顏色好自然，重點係可以match番胭脂嘅色tone同埋可以淨係帶一盒出去補妝。佢附咗一支掃，非常好用唔會吉，可以輕鬆地將胭脂均勻地塗抹係臉上。而且最驚喜係佢嘅價格，係日本買超級便宜嘅。而家個個都去日本想自己買揾人幫手都好方便xD。 圖1 用左個半月，日日用，未凹 圖2黃光燈下 圖3日光下

Catherine 好用推薦：顏色非常之咁百搭，可以化出甜美妝容，一盒可以用超級耐，用極都仲有，用唔曬

mavvv好用推薦：感謝cosme 選我做Canmake 今個秋季既新品試用！ 這次我試用咗Canmake的八色啞光眼影，色調以粉紫色為主，散發著溫柔既秋季氣息。質感偏細緻，上色相當容易。但要注意，要使用柔軟既筆掃，避免使用過粗或過硬既掃，因為這樣會導致飛粉。我個人偏愛用指尖上色，這樣能更輕鬆推開顏色。這眼影延展性中等。 喺顯色方面，這款眼影表現非常出色，即使膚色偏黃，都能夠清晰地睇到眼妝顏色。 持久度都相當優秀。我揀咗一日下午出門，大約6小時，室外溫度約28度，偏乾燥的環境下，回到家再睇睇眼妝，顏色依然好鮮明，持久度令我滿意。由於我既皮膚偏混合型，眼部好容易出油，所以喺使用Canmake眼妝之前，我用咗眼妝打底，減少脫妝既可能性。 今次眼妝，我選擇咗膚色作為打底色，並以桃紅色和暗紫紅為主色，最後喺近眼角位置加咗閃粉提亮。我中意自然低調既妝感，所以眼影色冇特意加強，微微既復古紅色啞光搭配閃粉，令雙眼睇起嚟更有神！ 貼膚：● ● ● ○ ○ 顯色：● ● ● ● ○ 持久：● ● ● ● ○ 光澤：● ● ● ○ ○

pillowjai好用推薦：多謝@cosme 抽中我試用Canmake秋季彩妝新品🍂🧡 試用產品：耀目優雅八色眼影盤 (啞光系列) Canmake產品嘅包裝一如既往都係高顏值，每格眼影都有唔同印花真係好靚！而且細細盒有8種色，附送嘅眼影筆又有齊粗幼頭，帶出街/去旅行都非常方便~（美中不足如果眼影盤連埋鏡喺入面就更好！）我收到嘅色號係M02浪漫紫紅🔮因為自己係內雙眼皮嘅關係，好少會買紫色/粉紅色tone嘅眼影，今次係新嘗試，效果比想像中好 。 粉質幾細緻，唔算顯色，適合化日常妝。附送眼影筆取粉量幾好，畫上眼順滑容易blend開。 特別鍾意右下角嘅閃粉(H)，用少少已經好bling bling點綴成個眼妝✨眼影盤背面有兩款眼影配搭參考幾貼心粉質：⭐️⭐️⭐️⭐️ 顯色度：⭐️ 延展度：⭐️⭐️⭐️ 持久度：⭐️⭐️ 性價比：⭐️⭐️⭐️

Cosmeemee好用推薦：#底妝升級好物 Canmake 棉花糖肌持久底霜 係我用過較為平價嘅妝前打底～ 性價比頗高，適合學生用🤣 🔽使用心得如下🔽 🕒使用時間：使用三個月，間中使用 💆🏻‍♀️個人皮膚狀況：混合乾性肌膚 使用產品後沒有任何過敏反應 1️⃣顏色自然不泛白，質地輕盈易吸收 剛剛搽上底霜會偏白，待幾分鐘後底霜後就會回復自然膚色。呢款底霜完全冇厚重嘅感覺，易推開易吸收 2️⃣有效持妝、控油、收毛孔 用後再上妝會令妝容更清爽，冇咁容易溶妝和浮粉，加上有收毛孔及亮白效果，令妝容更有光澤 3️⃣用後偏乾，建議局部使用 呢款產品始終有控油功效，用後會有少少乾，建議使用之前做好保濕，和局部使用，例如T字位置 4️⃣沒有防曬及調色功能不顯著 相比起其他防曬調色底霜，呢款嘅效果主要係收毛孔同提亮膚色，但如果要局部調色和防曬，就要額外再上其他產品 🙌總結評分🙌 產品質地：♥️♥️♥️♥️🤍 保濕功效：♥️♥️♥️🤍🤍 平滑肌膚：♥️♥️♥️♥️🤍 推薦程度：♥️♥️♥️🤍🤍

Giselle 好用推薦：Canmake 棉花糖肌持久底霜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款產品係之前喺專門店買嘢嘅時候附送嘅贈品( ⸝⸝•ᴗ•⸝⸝ )੭⁾⁾佢係用來做妝前打底用嘅*ˊᵕˋ)੭佢係校正膚色同控油方面做得幾出色₍ᐢ⸝⸝› ̫ ‹⸝⸝ᐢ₎基本上全日個妝都冇乜點溶❤︎(｡☌︎ᴗ☌︎｡)不過我覺得佢比較適合喺秋冬季節用( •̀∀︎•́ )✧︎因為夏天嘅話都係有可能會溶妝₍ᐢ ›̥̥̥ ༝ ‹̥̥̥ ᐢ₎另外因為佢有添加美容成份，所以我唔會覺得皮膚，因為太控油兒太乾燥( ˶ˆ꒳ˆ˵ )不過佢嘅遮瑕力比較普通(´._.｀)唔會遮到比較大嘅瑕疵( ˊ• ·̭ •̥ )而且佢嘅防曬係數比較低，要額外自己再搽防曬後再搽佢( ･᷄-･᷅ )

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛

Chami好用推薦：感謝@cosme 邀請試用canmake產品🫶 基本面上需要既彩妝都cover左 ，今日就率先試用持久豐盈水潤唇膏💄今次抽中既係Muchi Puru Tint 03號色, 應該係3隻色入面最鮮色既色號。先喺手背試一試色, 係比較偏向cherry既紅色：再黎睇睇我原本既唇色係比較偏暗，而且死皮較多，平時搽唇膚前一定要搽一浸凡士林！睇到介紹呢支tint含有高保濕成份，一於挑戰唔打底，直接搽呢支唇膏！搽完的確有驚喜！佢做到潤唇膏既濕潤，又做到唇膏既顯色，而且連lip gloss 都唔使搽就自帶光澤感。ok喎！跟住落黎就試下隻色持唔持久。結果係～有啲失望🤦🏼‍♀️ 用紙巾輕輕炆一炆，成個唇印出哂黎。另外有個小缺點係，呢支唇膏有出冇入，擰多左係唔可以褪返入去。 雖然有少少缺點，但搽上咀個顏色，濕潤度同光澤感的確有surprise到我👍🏻 #火熱新品

shyuyu好用推薦：這次的是03色，個人非常喜歡這個顏色！ 我皮膚有一點泛黃，唇色偏白，這顏色提亮了我臉色，也讓我看上去比較精神帶血色，可以參考我附件圖片的右上圖。 在不塗任何唇部打底（包括無色潤唇膏）狀態下，薄薄塗了一層canmake這支的03色，可以看到我附件圖片1右下的真的很顯色！ 另外亦有用到02色的，可參照圖2和3，這色很粉嫩，適合夏天使用，塗的時候感覺偏粉，可是在我唇上有點顯珊瑚色🤣不過依然很好看，也是很推薦的一隻色～ 產品介紹說這支唇膏（tint）有保濕滋潤成分，含凡士林、透明質酸、膠原蛋白、摩洛哥堅果油、蜂蜜、乳木果油等成分，塗完是真的非常水潤有光澤，而且水潤感很持久，還有點薄荷清爽的感覺～ 介紹說有效遮蓋唇紋、暗啞、防乾燥、不易脫色，我在塗完大概10分鐘之後用紙巾輕輕抿了下嘴，紙巾帶走了一點顏色，但依然留有唇膏7成左右的顏色在唇上，之後再拿杯子喝水，都沒留下唇印在杯子邊緣，點贊👍🏻 整體來說，用後感覺非常良好，也很喜歡這個產品，估計用完之後會回購～ ⚠️需要注意一點，唇膏的設計是扭出來了之後就收不回去的了，所以要注意第一次開的時候不要把唇膏扭出來太多⚠️

龍好用推薦：首先感謝@cosme抽中我作為試驗者之一，CANMAKE係一個我自己私心好鍾意既品牌來。佢除左價格相當親民，仲有產品都相當地好用。(ﾉ>ω<)ﾉ 今次試既係呢一款絲滑潤澤蜜粉，一共有兩隻色。01Beige主打自然，同02紫色主打透明感。 首先講左個包裝先，一樣都係非常之可愛。好吸引，同睇到都好開心❤️。 用感就分開兩邊，01我配合左同月亮粉底一齊用。我覺配合佢個粉底膏一齊用對我個人而言非常之乾。雖然一上個刻真係好絲滑，好抗油，可以keep到3～4個鐘。但之後嘴角、眼下就開始出現乾紋同卡粉既問題。我本人其實一向都有粉底過乾同長久就卡粉既問題，所以唔一定係產品有問題，係佢唔適宜我。 02我就嘗試左當素顏粉咁使用，佢的確有少少焦柔化毛孔既作用。都可以keep到幾耐下，大約都係4～5個鐘。而且無浮粉同乾紋既問題。但如果要再耐就一樣要補一補會好D。雖然佢話可以用水就咁洗走。我用水洗後再用化妝棉＋卸妝油再抹，上面有少少既紫色。所以我既建議係如果用就要好好地用洗面乳洗走個產品去，因為淨係用水仍然有少少既殘留。 總結就係我有機會想要做個有少少機心既女仔就會用來做偽素顏粉咁用。 第一張圖係全素

takemyokane好用推薦：多謝 @Cosme 送出試用❤️ 曾經有段時間十分愛用 Canmake 的紫色粉餅，後來因為轉用其他品牌的蜜粉就沒再繼續用。一直不知道原來也有出同色系的蜜粉呢！這次收到 01 號 Beige 色和 02 號紫色，含有 SPF23 及保濕成份，不用另外塗防曬。包裝是薄身的小盒，很適合帶去旅行。粉撲是超柔軟的毛毛質地。   我通常在上粉底液或氣墊粉底後再以蜜粉定妝。01 號 Beige 色基本上一般膚色都能用，可以化出偽素顏妝容。02 號紫色妝感超有透明感，令整體膚色 Tone up 去黃。可能是因為有保濕成份的關係，完妝時臉部毫無厚重粉感，過了半天也沒有乾裂的感覺。 超柔軟粉撲兩色可選兩色對比