Fujiko 好用推薦產品

　peg好用推薦：因為我本身有瀏海，所以一到夏天啲瀏海就會變咗Barcode咁樣一條條，我本身都有用開嗰啲乾髮噴霧，雖然佢宜家有出細支裝，但係一噴起上嚟都會引人注意😂😂同埋好大浸味，又有用過一啲碎粉直接拍落個頭度，但係始終佢個粉撲都唔係for頭髮，所以啲粉好易一嚿嚿，呢個蓬鬆粉就啱啱好，又冇咩香味，出粉份量又易控制，最重要係佢嗰個頭可以輕輕咁揩落啲瀏海都啱啱好，細細舊方便帶出街。

mcosmetics好用推薦：好多youtuber介紹過嘅fujiko頭髮蓬蓬粉～以前用過嘅dry shampoo噴落頭會一堆白粉好難推開，而且香味好假。但fujiko呢個好用好多！我唔係油頭但秋冬唔出街唔洗一日頭，第二日頭髮會扁啲。我就會用蓬篷粉拍喺頭頂，梳一梳個頭就均勻哂。啲粉經個粉撲出黎所以好幼細。不過用完頭髮會有啲kick, 嗰晚就一定要洗頭。但佢細細支拎出街都好方便！唔再怕頭髮塔/睇落有啲油～第一次用嗰時要開入面塊膠紙，啲粉幼到有啲白煙飛出黎～

YiN好用推薦：一開始睇宣傳真係覺得係一個好好嘅idea，梳頭髮蠟一次過，用落先發覺原來有好多問題，所以放到依家都仲有咁多。係一把尖尾梳連一個啱啱好fit嘅保護盒。梳嘅兩面都有一條髮蠟，等你喺梳頭嘅同時，可以好平均咁搽啲髮蠟喺頭髮上面。原意就係可以好容易將啲傻瓜毛貼返落去，同埋可以整到日本好興嘅束感瀏海。 結局就係，首先喺香港潮濕天氣用佢，搽得少又貼唔到啲傻瓜毛，搽得多又好似冇洗頭咁，要控制用量好難，梳每一下都要小心翼翼。而且放返落個盒度都要小心翼翼，太心急對唔正個位放，佢嘅髮蠟都會揩到個盒變得好污糟。 但點解我依然留住佢呢？就係有時我想喺耳側邊啲碎髮抹髮蠟定型，因為嗰啲地方唔驚睇落笠，用佢都係達到我想要嘅效果。未買嘅人我建議你搵過其他選擇。

ying好用推薦：好好用, 對於頭髮好多毛毛嘅人黎講 想個日整齊啲必須要用呢個 可以幫你痴埋啲毛毛 又唔會好似個美髮球好易用太多已睇上去好笠 又可以幫啲蔭定一定型 good