Tachoi好用推薦：透明的支裝設計可清楚見到精華的份量，精華質地呈透明流質液體狀，很清爽水潤，最重要是不黏膩，輕輕推開就能滲透至肌底。 用咗呢隻精華之後發覺都幾清爽，而且戴住口罩都唔會覺得好悶焗，用面油紙印都唔油唔黐吖。 右面搽上精華後，明顯地很水潤飽滿；與左面相比肌膚較乾，而且膚色較黯黑，用咗一個星期後跟發現秒速提升水潤光澤感，功效全面好用，而且水潤清爽而不黏笠，很適合現在那麼濕熱的夏日使用，性價比這麼高的精華一定要推薦大家使用！

takemyokane好用推薦：很開心之前參加活動收到 @Cosme 送出的禮物，以前試過很多精華上臉都有黏膩感，令我往後每次試用新的精華都有點擔心😹這款外觀呈透明狀，質地比流水狀稍為濃稠一點點。 起初上臉依然是有黏膩感。待數分鐘後慢慢吸收，這時看看鏡中的自己，皮膚明顯透亮，無瑕疵的感覺，很喜歡這樣的效果！早上試過配合各種防曬和粉底使用，也不會出現搓泥膠效果。 近日開始轉季，春季潮濕天在護膚程序上可減去一些步驟，感覺化妝水加精華已經足夠。期望用久了皮膚狀態能在素顔時也持續透亮❤️

Tobimak好用推薦： 我第一次買洗面粉就揀左Fancl呢個牌子，貪佢不添加防腐劑。 佢粉質十分幼細，起泡時一定要用起泡工具。 此產品無色無味，記得有一次唔小心整咗啲泡泡入眼都唔醃眼。 用後我覺得乾淨而不繃緊，長遠用能夠明顯做到去角質功效。

CLS24好用推薦：本人混油/油性，使用感非常良好。用手已經好易出泡，上臉輕盈舒適，過水後清爽得來又有少少保濕，不繃緊。一年四季都岩用，最緊要係夠輕身，去旅行好方便！！！會再次回購！！

Kriskirs09好用推薦：SKII 前男友面膜 點解佢叫前男友面膜？ 因為佢聲稱敷完之後係會令到前男朋友後悔，所以大時大節或者有重要嘅場合都可以用佢哋急救皮膚，令到你嘅皮膚去到最佳嘅狀態。  上網有教使用方法 第1步：面膜紙比較厚，所以建議瞓喺度敷，先敷15分鐘左右，唔好撕走面膜。 第2步：將面膜剩低嘅精華倒出嚟搽喺面上面再敷15分鐘左右。 第3步：呢步好重要將面膜除出嚟，然後將精華倒喺手上面開始幫自己面部按摩，大概5至10分鐘左右就會起擦子膠碎。 第4步：按摩完之後一定一定要用清水洗面，會發現皮膚即刻光滑咗好多。 ✨個人使用感覺： 我係根據以上嘅方法，用咗一次即刻發現毛孔好細同埋皮膚好光滑，但係第二日我係起咗幾粒小暗瘡，我個美容師話我唔係好啱酵素嘅產品，但係實際原因我都唔知道點解。 但係我男朋友同我同時間用，佢嘅使用效果就好好，第二日皮膚一樣咁光滑，所以真係應該係睇人🫠最後尾我成盒送咗俾佢用🫠🫠🫠

皮皮爱马桶好用推薦：大名鼎鼎的前男友面膜，今次终于试到。 面膜纸是纯棉布，稍微有点厚重，而且面膜纸较大，对脸小的人不太友好。打开有股熟悉的淡淡的口水味，就是传说中的PITERA精华，上脸敷个十五分钟左右即可，揭下面膜稍微按摩一会儿再洗脸，就可以得到软滑的蛋白肌啦。

Enchante好用推薦：感謝cosme✨今次有機會試用Minon嘅輕柔卸妝潔面乳💕佢質地係柔滑嘅cream狀，好鐘意佢無添加酒精，香料同paraben防腐劑，連敏感皮膚嘅我都可以安心使用 👍雖然卸妝乳一般主要係用黎卸底妝，不過我都畫左一條眉筆，兩條眼線液，試下佢嘅卸妝效果✨卸妝乳一搽上去，眉筆同咖啡色眼線已經開始融開用手按摩幾下，上面2條已經差唔多唔見左，黑色眼線液開始淡色過埋水，效果仲明顯～ 相信卸底妝嘅話，卸妝效果應該都會好好❤️ 洗完面後皮膚都keep住水潤，而且唔使用化妝棉卸妝，唔會拉扯到皮膚，溫和得黎又有唔錯嘅卸妝力✨

Angie好用推薦：一到咗夏天就需要搵一支卸妝產品係卸得乾淨又清爽，唔會堵塞毛孔 之前一直都有聽過呢個牌子，但係未有機會試，咁啱行過見到特價就買來試吓🤭 粉紅色盒嘅包裝真係令人難以抗拒，粉色加白色嘅設計有滿滿嘅少女心，淨係個包裝都好鍾意🥰 呢款輕柔卸妝潔面乳，標榜滋潤保濕，仲可以提高肌膚光澤度，睇落好似好犀利咁！ 用咗大約兩星期，都真係卸得幾乾淨，完全冇生粒粒嘅問題，光澤度就暫時未見到有好大嘅改善 用落感覺都好溫和，唔會有緊繃感，保濕效果唔錯👍🏻

dor.r好用推薦：The Ordinary係一個性價比好高嘅品牌👍🏻試咗呢支收毛孔精華，質地呈透明液體狀，比較濃稠，搽上面有少少黏笠感，推開時會起一些白色泡沫物體😵‍💫，不過搽勻皮膚吸收後就會消失🤔最初用的時候覺得效果唔錯，因為用咗幾日已經覺得毛孔細緻了，暗瘡印減淡，膚質平滑無咁粗糙✨以這個價錢來說性價比非常之高，於是乎就趁有折扣時囤了一堆貨🤪但係用耐咗之後就開始無感，有時會起擦子膠碎🙈(最初用時又無起碎喎🤔)所以現在只會間中覺得毛孔好顯眼特時候先用佢，似心理補償多啲😂用晒手頭上啲貨後應該唔會再回購。

Fanc好用推薦：有日行街係萬x見到呢枝毛孔精華賣$69(?) 之前有search過有咩毛孔精華推介 都見到佢榜上有名 評價都唔錯 咁我見到呢個價錢咁抵又未用過 梗係要買返去試下啦～😂 呢枝精華冇咩特別嘅氣味 吱出黎係透明水狀 比較稀身少少 但又唔會真係稀到好似爽膚水咁 都有啲黏笠感 我本身買呢枝精華係想重點用係T字位同鼻頭 因為好容易出黑頭同埋出油，成塊面毛孔最大就係鼻 真係好難搞 以前都有買過貴嘅泥膜/精華 但又唔夠恆心 所以想試呢枝咁平會唔會都有效果 本身真係冇乜期待 但用左一星期左右真係見到毛孔有收細 雖然唔算好大分別 但係真係見到黑頭少左望落淺色左冇咁明顯 已經好開心，會繼續用 不過小小建議，千期唔好貪心用好大量搽上去 用得太多會有少少甩皮，我就係太貪心，見平驚冇效果，一次搽好多😂😂 如果唔係太貪心想快見效，呢個價錢真係冇乜好挑剔啦～唔會有咩不適感😊推薦可以試下

Nicole 好用推薦：質地輕薄清爽，流動性很強，延展性不錯，上臉不黏笠，拍幾下立馬吸收。 補水保濕平衡水油的效果還是不錯的，最近皮膚沒之前那麼容易出油了。

A&R好用推薦：專門店購買套裝其中一樣，精華質地好滑，少少流動性，搽上塊面好容易吸收，保濕效果好好，如果只擦精華液查，唔其他面霜的話，皮膚會有少少出油嘅現象，所以呢款精華液唔可以單獨使用。

Milo101好用推薦：🌟啡色膠水質地的面膜，塗在臉上待乾後，就可以整塊撕起 🌟面部不同部位乾的時間不一，有時要等長時間，才可以整塊撕起 🌟清潔程度倒是有的，特別是鼻頭和T字位，撕下後可以見到黑頭或一粒粒的油脂黏在面膜 🌟用後要做好保濕，護理毛孔

Yannes好用推薦：呢枝睡眠面膜我由舊版用到新版都堅持繼續回購，佢係質地滋潤嘅乳霜，夜晚做晒所有護膚步驟先搽佢，第二朝會幫你去咗黃氣，就算成晚喺冷氣底下瞓覺，第二朝起身塊面都唔會崩緊～～❤️‍🔥❤️‍🔥❤️‍🔥

Milo101好用推薦：很開心收到 @cosme 贈與試用 一直以來都認識L‘Occitane這品牌 比較常用它的身體保膚產品 較少使用它的臉部護膚品 也知道之前的蠟菊精華最近一直高踞@cosme榜首 所以也很期待這次的 ✨全新升級版 蠟菊煥活雙效精華✨ 透過玻璃樽身 已經可以見到密密麻麻的蠟菊精華粒粒 質地是淡黃色的gel狀 推開後精華粒粒會自然溶化 一邊按摩一邊伴隨着蠟菊的香氣 是清香且天然的那種 所以聞起來是非常舒服的 (剛好發現菊花跟這個初秋的季節很搭~）😀 塗上後感覺很柔軟 質感是滋潤 但不會油膩 慢慢觀察 毛孔細紋有即時微微改善 如果有紅印、輕敏感的狀況 會發現紅印有漸漸緩解 後來用測膚儀測試一下 塗上精華後 水份及肌彈力即時提升 即使過了兩小時後 水油平衡、肌彈力仍然可維持 可見其即時修復屏障提升膚況能力～ 這陣子因為鼻敏感影響睡眠 再加上經常吃煎炸食物 皮膚應該是疲態盡現 用了蠟菊精華後 膚況是非常穩定 光澤、水潤、彈性、光滑度都得以維持～ 連續使用14天 細紋乾紋有微微改善 再使用測膚儀測試 發現無論塗精華前後 整體水潤度都提升了 塗完精華後 肌彈力更達到m

膽小勇士好用推薦：這是我第一次抽中 @cosme的試用募集活動，也是第一篇心得，希望能為讀者提供到有用的資訊 💝 我是普通辦公室社畜，多數處於冷氣房。中女乾燥肌，狀態不好或轉季時，皮膚容易敏感泛紅，甚至發炎脫皮。 今次有幸率先試用 L'OCCITANE 9月正式上市的 全新升級版蠟菊煥活雙效精華。試用 10晚感覺良好，非常適合 30歲以上的肌膚。 為更清楚顯示精華的質地，按多了份量在手背，平時用這裡的一半份量就夠！ 精華帶淡花香，質地水狀，塗上面感覺清爽而且快速吸收，相信混合肌也能駕馭，極度乾燥肌則需要考慮。 Day 1 😯 使用前 vs. 使用後即時如平時一樣，我於洗澡後用爽膚水，然後第一次塗上今次的試用品。雖然效果未很明顯，但已看到有即時減紅及撫平脫皮的滋潤效果。 Day 11 😊 起床後即時經過 10晚每天持續使用雙效精華，於第 11日起床時拍攝近鏡所見，皮膚比起 Day 1明顯比較平滑、有光澤、泛紅減少，也沒有脫皮。 總括來說，L'OCCITANE的 全新升級版蠟菊煥活雙效精華，對 30歲以上的肌膚有改善疲態、平滑肌膚、提亮膚色、為肌膚帶來水份及光澤的效果。我會繼續使用 💝

Yeeting 好用推薦：我是屬於超級乾既膚質。 一到轉季嘅天氣，我皮膚就會乾到痛。要連續敷上兩塊面膜，再搽勁多精華，先攪得掂。之前用嘅護膚品，因皮膚極度乾，搽咗好似無咩改善，皮膚越嚟越無彈性。 自從試用咗🫶🏽L'ORÉAL PARiS 青春密碼發酵精華肌底液 Youth Code Skin Activating Ferment Pre-Essence。 🧡感覺好似提升咗皮膚吸收力，皮膚比之前透亮同彈性同改善咗乾紋。 呢支新升級版精華肌底液，仲Upgrade咗，成分有 S.F.E 發酵精華，能幫助抵抗僵滯肌嘅侵害，而且二裂酵母發酵精華更可幫助修護強韌肌膚屏障。幫手keep住健康同有彈性嘅肌膚🧏🏻‍♀️ 只要洗臉🙍🏻‍♀️同爽膚水後，將青春密碼發酵精華肌底液在臉上和頸部輕輕拍上即可。 就算係敏感肌都岩用，仲可以混搭其他護膚品用添！

Nicole 好用推薦：這款肌底液質地超級水潤，本人油敏肌用起來都沒有問題，自帶淡淡香氣，很清爽的膚感，後續疊加其他精華都不會有搓泥情況👍🏻 除了保濕修護還能抗初老，作為肌底液性價比還是挺高！

KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。

Giselle 好用推薦：肌研 極潤保濕水分露 50g *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前趁有promotion discount買咗( ˶ˆ꒳ˆ˵ )呢款主打清爽不黏膩，佢無令我失望❤︎(｡☌︎ᴗ☌︎｡)用完之後等幾分鐘就已經俾皮膚吸收好之後就無嗰種搽cream會有嘅油笠笠嘅感覺( ` ･ω･ ´ )反而好似有層乾嘅薄膜係塊面咁( ⸝⸝•｡•⸝⸝ )非常適合我呢啲怕爆化妝前搽太潤太油嘅護膚品之後會令到之後上嘅底妝會唔勻or搞到有擦字膠碎嘅人(✿︎´ ꒳ ` )♡︎ ❤︎ ︎ ❤︎ 我自己幾鍾意佢陣香味同埋搽上面嗰種微微涼涼啲嘅感覺(˵ ˃̶̀ε ˂̶́ ˵)ෆ⃛因為佢無落香料，陣香味本身屬於非常淡嘅類似薄荷香味"(⌯︎¤̴̶̷̀ω¤̴̶̷́)✧︎夏天搽上面有種瞬間鎮靜同散熱嘅感覺( ๑´•ω•)۶ ❤︎ ︎ ❤︎ 可惜可能因為要符合佢嘅主打唔黏笠所以感覺俾同品牌嘅其他系列相比無咁保濕( ･᷄-･᷅ )我呢啲混合偏乾嘅就算春夏薄搽都會覺得乾咗少少，需要配合用其他嘅保濕產品or搽厚少少(っ◞︎‸◟︎c)如果係追求保濕感重嘅小夥伴呢款產品可能唔太適合哦